الموضوع: الخبطة دي تتكلف كام يارجالة ؟؟؟ :(

يا باشا .. البهوات اللى عندك دول لا بيعرفوا يسوقوا ولا بيعرفوا يصلحوا عربيات لا ورش ولا وكالات !!!!!!!!!
مفيش عربية شوفتها عاملة شغل ع البارد فى السعودية ومش باينة وحتى التسخين والدهان شغل سىء جدااااااااااا
ولا بتعرف تقف على ايد صنايعى خاصة اذا كان عمالة اسيوية حافظ مش فاهم
والله يرحم الاكصدامات باختلاف انواع العربيات اللى متثبتة بمسامير بورمة سوداء او ملونة بلون العربية من برة بشكل مذرى ومثير للاشمئزاز !!!!!
وكده كده اسعار التصليح مبالغ فيها جدااااااااااااا ولا عمرها بترجع زى الاول
طبعا طبعا بدون تفكير اعملها فى مصر .. لأن ايد اقل سمكرى فى مصر كلها هايكون شغله احسن 100 مرة من اتخن واحد عندك
وكمان فرق التكلفة هنا فى مصر لا يُذكر .. ولا هاترش ولا هاتعمل اى حاجة
اهم حاجة تروح لواحد فنان فى شغل البارد عشان يردهالك بدون اثار ولا تجريح او طقطقة فى البوية لأنه بيسخن باسشوار الاول ويدقدق على شحم مش الرفرف بدون مادة عازلة
والتكلفة فعلا مش هاتعدى 100ج او بالكتير اوى لو فيه كلبسات للاكصدام عاوزة تتغير مش هاتوصل ل100 ريال مش200 و 500-600 !!!!

المشاركة الأصلية كتبت بواسطة temo85

كان عندى خبطه أختها بالملى و عملتها على البارد عند واحد محترف رد على البارد هنا فى مصر و اتكلفت 300 جنية بالتلميع و التظبيط كله , اوعى تىش عشان خبطة زى دى

و انا شاهد على الكلام ده و الصنايعى ده ايده تتلف فى حرير و الله
انا ندمت انى معملتش عنده .