يا حضرات و الله العملية كلها قسمة و نصيب لا فيات ولا سيات و لاحتى بى ام انا اعرف ناس عربيتها البى ام طلعت عينية (اللى هوة انا) نعم اتخبطت فى دماغى زى صاحبنا و اشتريت 316 موديل 81 ب23000 جنيه و الراجل موش عاوز ينزل جنيه قلت دى بردة بى ام
تعرفوا صرفت عليها كام 10000جنيه علشان بعد كدة ابيعها ب 23000 (10000كاش + 128 مقلوبة ) على سقفها و ضطريت اعمل اية اتخرب بيتى والله العربيات زى الجوازات قسمة ونصيب يا تتجوز واحدة تتطلع عينك او تريحك هيه كدة.
ازااااااى 10000جنيه انت هتكدب من اولها ؟
لا طبعا يارجالة العربية زى البطيخة بردة مدامت مستعملة .شوف ق غ اللى اشترتها
كونسول التابلوة-فانوسي امامى - طنابير امامى - عمرة موتور- طلمبة مياة- مساعدين امامى و خلفى- مقصات- بيض - اتفك الفتيس مرتين و اتصلح و اتركب-تغيير مكن زجاج الابواب- فرامل امامى و خلفى- نواكل الابواب- العدادات- الكاوتش الامامى+ البطارية بس كانت البطارية بالاسعار القديمة للامانة- صلحت السقف علشان يفتح ويقفل لزوم المنظرة بى ام ياجماعة-ركبت انذارو سنترووحدة رفع(منظرة برضة قال علشان اتكى على السنتر الابواب تقفل- حركات)والله العظيم دة حصل موش فاكر الباقى بس حصل موش قلتلكم قسمة ونصيب .
يا اخى متزعلش موش انت لواحدك عبيط العبط كتير.........
و بالمناسبة انا لسة شارى ابيزا 2001 قعدت استخير الله بتاع 3 شهور اللى اتلسع من الزبادى .
و رميت حملى و تكالى على الله و الحمد لله لم يخذلنى من توكل على الله فهو حسبة.
و ربنا وفقنى و الحمد لله لحاجة اتقال لى انها حالتها ممتازة الحمد لله و اتقالى ان سعرها غالى بردة الحمد لله .
علشان كدة موش عاوزك تزعل والله يا اخى انا متجوز بردة و خلال ال بى ام كانت الفلوس بتطير قبل ما احطها فى جيبى كفاية انى اقولك انى اتدينت من اصابى فى الشغل علشان العربيه دهية و الحمد لله على كل حال كلها اختبارات .
و بردة قلت اشترى 128 ق غ بتاعتها رخيصه بردة نفس حوار ال بى ام بس صرفت 3000ج بس شوفت الرخص يا اخى معدش فيه حاجة رخيصة .
الواضح اننا احنا اللى اتفقرنا.
و ربنا يسترها معانا و معاك
المفضلات