€¥$ غيرت طقم الدبريج بتاعك فين ( تويوتا يارس ) !

**Y a r i s** · 23-08-2012 02:45 PM

حبايب قلبي وروحي وكبدي
انا بسئل. الناس الي جربت وغيرت طقم الدبرياج بتعها ( الاسطوانة والديسك والازي منو )
هذا موضوع مفتوح. مش شرط التويوتاوية. بس اي واحد غير طقم الدبرياج. راح غيروا فيين وعند مين !

@@@@@@@@@@@@@

اتصلت على التوكيل. وسئلت الطقم عامل كام قالولي ١٠٠٠ جنية شامل الضريبة
بس اكيد المصناعية هيخدو شيء وشويات لانهم بيشتغلوا بالساعة. يعني الساعه بسبعين جنيه والحسابة بتحسب
وتلاقي العربية واقفة في الباركن والعداد بيعد عليا وتلاقين انا قاعد بلطم فوق
فعلشان ملطمش كتير على خدودي .... . ومتلطمش بمبلغ وقدرة وشيء وشويات
زي مثلاً يقولولي عاوزين ٨٠٠ جنية مصنعية
وبالذات اني حاولت اتصل كتير محدش عارف المصناعيه كام ومحدش عاوز يرد عليا ويقولي
ويطمني ويطفي ناري .... اتصلت مليون اتصال ان حد يرود عليا ده انا لو عاوز اكلم رئيس الجموهرية
كان زمانوا رد عليا. بس ده توكيل تويوتا والاجر على الله شبعوا خلاص ولاد اللزينة
وفالحين في الاخر بت مفعوصه تتصل عليك وتقولك
مساء الخير يافندم
شركة تويوتا ايجبت معاك
ممكن اخود من وقتك دققتين
ايه تقيمك لشركة تويوتا
وانتا تقولها ززززززززززززززيفت
تقولك مرسي خالص لوقت حضرتك
وسعداء في خدمة حضرتك في اتصالات
لا لا لا انا اسف قصدي. سعداء بخدمت حضرتك في تويوتا ايجبت
ههههههههههههه
@@@@@@@@@@@
المهم. نرجع لموضوعنا الاعضاء الكرام والساده الحضور والزوار
والسيدات والسادة
غيرتوا طقم الدبررررررررررررررررررريا ج بتاعكم فين قبل كده
عاوز اغير طقم الدبرياج بره التوكيل عند اي بتاع كوفته بس يكون اخصائي دبرياج
وهل العملية دي بتاخود وقت ولا سهله كده كانك بتغير بوجيهات للعربية
فافيدونا افادكم الله
وتكسبوا في العبد الغلبان المسكين الاجر والثواب
وهنيالك يا فاعل الخيرررررر والاحسان
غيرتوا الطقم بتاعكم فين وكلفكم كام واخباروا ايه بعد ماغيرتوا حسيتوا بفرق في السحب
ولا بس الكركرة الي على الاولاني راحت
وتحياتي. وتحيات اسرة البرنامج

**Y a r i s** · 23-08-2012 03:27 PM

المشاركة الأصلية كتبت بواسطة mohamedkandel

غيرته لالنترا 2009 ب 1200ج من سنتين في التوكيل

محمد باشا تسلم يا غالي على الرد
طيب هيا العربية باتت ولا في نفس اليوم. وياترى حسيت بفرق في السحب بعد تغيروا
وهل قالولك انك لازم تعمل تليين للفتيس. بمعنى متمشيش عليه فوق ٨٠. لغايت مايطبع او يليين
@@@@@
وتحياتي ليك يا غالي

**mshmshm3** · 23-08-2012 03:47 PM

اللي اعرفه ان المفروض تجيب الطقم الاصلي علشان لو حاجة مش اصلي كتر الفك و التركيب في المناطق دي مش حلو هات الطقم الاصلي و ركبو في مركز خدمة او عند ميكانيكي غير طقم دبرياج كتييير لعربيات زي عربيتك

**احمد فهمى** · 24-08-2012 02:27 AM

باشا الحساب بعدد ساعات العمل لتركيب العمل يعنى لوقعدت سنه عندهم ملكش دعوه انت بتدخل تسأل بقولك بتاخد ٣ ساعات مثلاً وبتحسبها انت وللأسف المصنعيه فى الشارع بقت عك وغاليه جداً احسن ركب عندهم على الاقل هتاخد ضمان على الاسطوانه والديسك وهتضمن انهم اصلى وهيتسجلو فى السيرفس هيستورى بتاع عربيتك يعنى كده افضل لك

**Y a r i s** · 24-08-2012 10:44 AM

طيب ماهو يا احمد باشا . دلوتقي انا لو غيرت طقم الدبرياج في التوكيل
تغيروا هياخود كام ساعه. مثلاً تالت او اربع سعات. .... طيب ليه بيطلبوا خمسمية او تمنوميت جنية ليه ما بيحسبونيش بالساعه بتاعت العمل وخلاص والقطع على حسابي
انا حاسس انهم بيضيفوا ٢٠٪ مصاريف ادارية .... واه يا مراري نفسي اقوف بره التوكيل استنى خروج الموظفين. واستنضفلي كام ميكانيكي عدل على كام كهروبائي واتفق معاهم كل فترة يعدوا علي يروقولي العربية قدام البيت عندي