ببساطة الصين دولة فيها عدد كبير من السكان.
و الحل ببساطة هو تجميعهم فى مصنع و جعلهم يعملون بطريقة السخرة, و الكلام ده مش غريب, لو تفتكروا قصة مصنع الطوب الصينى الى كان العمال فيه مجموعة من الشباب المختطفين و كانوا حابسينهم فى المصنع و بيعملوا مقابل الطعام.
معتقدش انو الوضع هيختلف كثيرا عن مصنع شيرى و غيرها,
عملية انتاج السيارة عملية معقدة تمر بالكثير من المراحل, التصميم, الاتفاق مع الموردين, و تجهيز المصنع, و دراسة و اختبارات, كل هذه المراحل تجتاج لاعداد ضخم و محترف, و لما فيات صممت البرافو فى عدة شهور فقط اعتبر هذا انجاز لم يسبقه احد اليها بفضل طريقة فيات الجديدة فى التصميم عبر برامج كمبيوتر معقدة, أكرر صممت السيارة و ليست انتجتها فى عدة شهور و اعتبر انجازا!
السؤال هنا, هل تعرف كم سيارة صينية أنتجت حتى الأن؟!
أنا أكاد أجزم أن عدد الماركات الصينية و السيارات الصينية و الموديلات الصينية أكثر من الألمانى نفسه بأضعاف أضعاف, علما بأن صناعة السيارات مهمة جدا فى المانيا!!!
و كل سيارة فيها ما تشتهيه نفسك من دى فى دى و سى دى و كل ال"حبشتاكانات" و حاجات بتنور و تطفى و أى هبل!!
منين كل ده؟!!!!
ازاى شركة حديثة زى شيرى مثلا تنتج ما يقرب من 4 و لا 5 موديلات, و كل موديل بيتغير يمكن فى السنة مرتين؟!!! امتى عملوا كل ده؟!! و ازاى؟! و فين؟!
بينما شركة زى مرسيدس بتغير "فوانيس" موديلها كل 3-4 سنين!!!
طيب انا لما أقول الشاهين رخيصة ليه, أقدر أرد بسهولة :
- تصميم قديم(فيات 131), و تكنولوجيا قديمة, و بتصنع خارج مصنعها الأساسى, و الكماليات فيها قليلة.
طيب عربية زى الاسبرانزا ازاى تبقى بهذا السعر و فيها دى فى دى اللى مش موجود فى المرسيدس شخصيا؟!
طب السعر ده جه على حساب ايه؟! لما العربية فيها امكانيات أكتر من المرسيدس؟!
جه على حساب :
المواد الخام المستخدمة رديئة و غير مطابقة للمواصفات,
العامل غير ماهر و غير مدرب,
التصميم غالبا سىء و مسروق من سيارات أخرى قديمة ربما أو تصميم مهندس مبتدىء.
ربما بعض القطع مثل المحرك تكون مسروقة من عربية تانية قديمة, و يعاد تجميعها.
و طبعا تكنولوجيا السيارة الصينية قديمة و متخلفة و لكنها مغلفة بشكل حديث, و هى سياسة لا تختلف كثيرا عن الشركات اليابانية و الكورية و لكن هذه الشركات الى حد ما (و ليس بشكل مطلق) مطابقة للمواصفات فى أدنى درجاتها!!
المدهش انو الصينيين نفسهم مبيركبوش عربياتهم, أعتقد انو العربيات الصينى دى مجرد شوية قطع مسروقة يعاد تجميعها بواسطة مجموعة من الميكانيكية و بيصدروها للعالم الثالث, و شوية و تخلص الهوجة!و هى أكبر عملية نصب تتم حاليا فى مصر.
المفضلات