الموضوع: يا ترى ايه سبب مخاوفكم من الصيني.

السادة الاصدقاء

كل الكلام اللى اتكلمتم عنة جميل وحلو قوى بس لازم نحط فى الاعتبار ان الصين بتعمل كل حاجة وبتعمل جميع المنتجات بس المواصفات هى اللى بتختلف من دولة الى دولى اخرى .. انا زرت جميع دول العالم تقريبا بما فيها امريكا وكندا وروسيا والصين ودول اوروربا كلها والدول العربية كلها .. لك ان تتخيل يا عزيزى ان جميع المنتجات اللى اشترتها من هذه الدول صنعت فى الصين طبعا مع الفارق الكبير فى الجودة يعنى فى فرنسا مثلا اشتريت جاكيت مكتوب عليه صنع فى الصين لحساب الـ C&a ودة من اكبر المولز اللى موجودة فى فرنسا وغيرة كثير طبعا من المنتجات .

تعرفوا المشكله الحقيقية مش فى الصين المشكلة فى التجار المصريين الجشعيين اللى بيروح يجيب منتجات رديئة والمصانع فى الصين عايزة تشتغل يعنى التاجر الصينى يقول للتاجر المصرى انا ممكن اعملك التيشيرت دة بـ 15 دولار وممكن بـ 10 دولار وممكن بـ 5 دولار فالتجار المصرى يقوله انا عايز بـ 2 دولار المصنع الصينى يقوله هنعملك.

يعنى المشكله فينا مش فى الصين .. مهو العالم كلة بجميع فئاتة كل المنتجات اللى فيه صينى ومفيش حد اشتكى منها .. انا تقريبا كل المنتجات اللى اشترتها من الخارج صينى وكانت ممتازة وبقالها سنين.

ممكن تقولوا العربيات حاجة تانية .. على اساس انها معقدة فى التصنيع ومش من السهل ان اى حد يعمل عربية .. ببساطة شديدة الصين مش بتعمل عربية من تأليفها كل العربيات اللى بتعملها ما هى الا مركات اخرى وبتغير اسمها.

انا بقالى سنة عايز اجيب عربية فور باى فور والحقيقة اتبسط جدا لما شفت العربية اللى اسمها الكومودو وهى فى الاصل اسمها Landmark العربية دى انا شفتها فى الصين وفى روسيا سنه 2006 تجوب الشوارع والبوليس الصينى بيستخدمها وليها مصانع عديدة فى جميع انحاء العالم مثل ماليزيا ودول شمال افريقيا وجنوب افريقا وبعض الدول الاخرى واخيرا هتتجمع فى مصر والحقيقة عن تجربة العربية ممتازة وإن شاء الله هتعمل ثورة فى عالم العربيات من حيث الشكل والمتانة والتقفيل والقوة ويكفى ان المصنع الصينى لهذه السيارة هو المصنع رقم واحد فى الصين.

معلش انا عارف انى طولت عليكم بس انا كنت عايز اوضح نقطة مهمة هو ان العيب فينا مش فى الصين.