الموضوع: العربيه جابت دينامو(جراند بونتو)

السلام عليكم ورحمه الله وبركاته

الحمد لله قدر الله وماشاء فعل
كنت ماشى عادى بالعربيه على فجأه نورت لمبه البطاريه فى التابلوه قولت ماشى كتر خيرك العربيه بتقولى ان البطاريه ضعفت,شويه الدركسيون بقى تقيل جد,قلقت المهم
شويه ولقيت:
-ABS failure
-EBD failure
-Air Bags failure
-Power streeing failure
-transmission failuer
وهوب وقفت وطبعا قلبت الدنيا على بطاريه وكهربائى علشان اشترى بطاريه جديده(مش عايز اوصف المعاناه الساعه 3 الفجر مع زوجتى وطفل 3 شهور) الحمد لله اخويا جالى وصلنى البيت اكتوبر وسيبنا العربيه فى الشارع فى الدقى
تانى يوم عندى شغل حاول اخويا مع كهربائى معرفه مرديش يفك حاجه حاول مع بطاريه تانيه نفس المشكله,امبارح انا اخدت اجازه ونش يا معلم 170 جنيه لانى كلمت الطوارئ فى اماترا قالى 10 دقايق الونش هيكلمك(طبعا ساعه رغم انة اتكلمت اكتر من مره) روحت فرع الدراسه مكان متواضع جدا .طبعا اتركنت شويه رغم ان مفيش ضغط وبعدين دخلت لمهندس الاستقبال
- كشف 100 جنيه
دينامو يا حضرت طب ازاى من غير اى اعراض ,طيب المهم كام
-دينامو 2000 جنيه
-ضريبه 200
-مصنعيه 100
-كشف 100
2400 جنيه وشكرا, ومستنى ارائكم