افضل نوع زيت

**ahmdmagdy** · 24-08-2012 05:52 AM

السلام عليكم و كل عام و انتم بخير

كنت عاوز اعرف افضل نوع زيت لمحرك اللادا انا استخدمت زيت امارات مصر اللي هو 5000 بس مش عاجبي كنت عاوز اعرف منكم لو فيه نوع تاني بس يكون حد مجربه و مستريح معاه انا عربيتي مصري موديل 2004 و شكرا

**MEKAWY2000** · 24-08-2012 09:31 AM

ليكو مولى 20w50وده زييت المانى 5000 وعالى التقنيه وسعره 120 وفيه مولد اضافيه بتخلى صوت الموتور هادى وثابت فى الدواره بعدمنه شل 15 w50

**ahmdmagdy** · 24-08-2012 04:29 PM

شكرا ليك ممكن اعرف ايه هيه المواد الاضافيه دي و سعرها كام و هل المواد دي ضروريه و لا لأ

**lad** · 25-08-2012 06:04 AM

شل الاصفر مريحنى اوى اوى

**besokate** · 26-08-2012 03:16 AM

انا ميكانيكي قالي في الصيف حطلها التعاون اللبني او الازرق هو ٣٠٠٠ كم عشان تقيل شويه
وفي الشتا حط تشل

**tifa55555** · 27-08-2012 10:38 PM

انا جربت التعاون وشل وكاسترول
ووجدت ان الافضل كاسترول ولو ان شل كويس برضوا بس كاسترول خلى العربيه اهدى شويه فى الصوت
وارى ان الافضل تغيير الزيت على فترات متقاربه يعنى بلاش ال5000 وخلينا غى ال3000 وينزل عند2500 حلو اوى

**ahmdmagdy** · 28-08-2012 02:49 AM

طيب ممكن اعرف الاسعار كام

**besokate** · 29-08-2012 04:46 PM

شل ب ٧٠ والتعاون ب ٦٩

**maheralsisi** · 29-08-2012 05:36 PM

بص لو موتورك كويس ابعد عن التعاون و الزيوت التقيلة الزيوت دى بتتحط فى المواتير الخفيفة عشان تقيلة و ما تتبخرش افضل التغيير كل 3000 او 2500 فى اللادا لان الموتور بتاعها عموما موتور سخن و بيخلى لزوجة الزيت تقل بسرعة لكن لو الموتور كويس مافيش مانع تحط 5000
بالنسبة لنوع الزيت شل و كاسترول كويسين و بلاش موبيل لان معدل تبخره اعلى (ما اعرفش ايه السبب بس كان دايما بينقص عندى عكس شل عمره ما كان بينقص )
الكاسترول بيخلى صوت الموتور اهدى بس كنت باحس انه بيتحرق اسرع من الشل
عموما سواء ده او ده لما ترتاح مع زيت خليك ثابت عليه ما تغيروش تانى لانى سمعت (و لاحظ كلمة سمعت ديه ) ان تغيير نوع الزيت بيتعب الموتور نتيجة اختلاف درجة اللزوجة و التصفية و المكونات كده يعنى
عموما معظم اللى معاهم لادا بيحطوا شل الاحمر اللزوجة كانت تقريبا 50/20 مش فاكر بالضبط
و ده بيتغير فى الشتا على 3000 و الصيف اقل من كده عشان الحرارة يعنى ممكن 2500 او 2000 لو انت عاوز تحافظ قوى يعنى

**MEKAWY2000** · 30-08-2012 11:16 AM

المشاركة الأصلية كتبت بواسطة ahmdmagdy

شكرا ليك ممكن اعرف ايه هيه المواد الاضافيه دي و سعرها كام و هل المواد دي ضروريه و لا لأ

اولا سلام الله عليكم جميعا انا مابعبش فى اى منج اخر كل الزيوت فيها الكويس وفيها السئ
ثانى شء ان الزيت 20w50هو الزيت المناسب للسيارات الادا عموما فى كل الانواع من التعاون الى موبل
لاكن فى فرق فى جوده المنتج يعنى انا بقول زيت ليكوى مولى الافضل الان لاسباب كتيره منها واهمها درجه انهيار الزيت بيصل الى 285 درجه وممكن تخش على موقع ليكو مولى الامانى وتجيب المواصفات الفنيه للزيت وتخش غلى موقع موبل او شل وهات المواصفات الفنيه هتلاقى ليكوى مولى افضل وسعره ارخص من موبل اوشل انا بقالى سنه ومغير 3مرات نفس الزيت لاخس ولا اتحرق
فى حاجه كمان للاخ الى ان الزيت بينحرق مافيش زيت بينحرق ممكن يسود ينحرق لو السياره درجه حرارتها وصلت الى الانهيار وده صعب فى ليكوى ومولى صعب السواد ده من العادم الى بينزل على الزيت ومعلومه الى احبائى ان الزيت بينقاس الزوجه بملمس الاصابع هل فيه ماده شحميه ولا لا وليس بالقطره بين الاصابع طبعا انت تعلم ان درجات الزيت مختلفه بتبدا من 0w30 ,5w40,5w50وهكذا فكل ماتنزل فى الرقم الاصغر فاعلم ان الزيت خفيف ممكن ينفع مع الادا فى حاله الموتور سليم ومفيش تسريب زيت
المواد التركيبيه لزيت ليكوى مولى مواد معدنيه ومواد عاليه التشحيم وزيت نصف تخليقى مناسب للعمال الشاقه