الموضوع: مشكلة فى موتور لانوس

والله لو اعرف كنت قولتلك

بس لو مكانك من الاول هرمي واغير متور وخلاص

انا المبة عندي كانت بترعش لما العربية تسخن واول لما ادوس بنزين المبة بتفصيل مشيت عليها بقت المبة تثبت ادوس بنزين تفصل ركيت العربية مرتين والحمد الله مستني الميكانيكي عشان اغير ماتور
اكشف عليها متشيشي علي لمبة الزيت نهائي

المشاركة الأصلية كتبت بواسطة m_elmasoudy

بصراحة دى أول مشاركة ليا هنا .. وبأعترف فى تقصيرى فى المشاركات بس غصب عنى ..
ندخل فى الموضوع:

دلوقتى أنا كان عندى مشكلة فى وش السلندر لأنه صاحب العربية اللى إشتريتها منه كان كاشطة كذا مرة تقريبا، بالإضافة الى انها كانت محتاجه جلد صباب وجت فى الآخر وكملتها بإنها كسرت عامود الكامة.. الحمدلله على أد كده..

المهم .. أنا إشتريت دماغى وركبت نص موتور فوقانى كامل والحمدلله حالته جيدة جدا .. وقبل ما العربية تكسر عامود الكامة اللى كان فيها كنت قبلها باسبوعين عامل طقم شنبر وجايب الطقم الكورى الأصلى .. وبعد ما خلصنا لقيناها بتدخن من ورا والزيت بينقص وطبعا ده سببه كان ان الوش الفوقانى مش مظبوط بالمرررة ...

المشكلة اللى عندى دلوقتى بقى إن بعد تركيب النص الفوقانى ده لقيت لمبة الزيت (عالسلانسيه)بتبقى عاوزة تنور يعنى نورها بيرعش كده أكن العربية هتبطل لكنها ما بتبطلش إلا نادر وده بيكون عالسلانسيه بس ..

ولا حظت كمان ان الزيت بيقل بالرغم من إنها حاليا وبوضعها ده مابتدخنش خالص ومفيش أى تسريب للزيت من تحت العربية .....

فياريت لو حد يفيدنى .. مع العلم إنى بأشتغل فى مجال قطع الغيار الاستيراد وكمان فى الكورى .. بس تقولوا إيه بقى فى الوسوسة؟؟

أو يمكن أنا محتاج أسمع رأى حد خبير لأنى بصراحة زهقت من الميكانيكية إللى حواليا واللى أعرفهم واللى بيتسابقوا عشان يصلحوهالى (طبعاً عشان ببعت عليهم شغل)

هو بصراحة أنا ممكن أشترى دماغى وأغير النص التحتانى كمان (البلوكة) وأبقى غيرت المكنة كلها .. لكن أنا مصمم أعرف إيه اللى فيها لأنى بصراحة لفيت حوالين نفسى .....

وسعيد جدا ومقدماً بكل المشاركات والردود اللى هتكتبوها ...
كل سنة وإنتم طيبين ..

1- الاحتمال الأول ان الميكانيكي اللى ركب طقم الشنبر لم يراعى وضع فتحات الشنابر عند التركيب، وممكن هذا الاحتمال يكون مستبعد عشان انت بتقول المكنة مابتدخنش
2- الاحتمال التانى انه بعد تركيب طقم الشنبر والنص الفقانى للماكنه حصل احكام فكشف عيب سبايك الكرنك وزيادة الخلوص بتاعها ودا يتسبب فى ضعف ضغط الزيت
قبل ماتعمل أى حاجة خللى ميكانيكى يكشف على آخر لقمة سبيكة كرنك

انا عندى دلوقتى نفس المشكلة لمبة الزيت بتنور وانا بهدى وتنطفى لما ادوس بنزين ودلوقتى كمان لمبة اتشيك الصفراء مش عارف فى اية بس دا من ساعة اما غيرت عامود الكامة والميكانيكى قالى عايزة نص ماتور تحتانى . انا زهقت وعايز حد يفيدنى فى الموضوع دا . وشكرا