اقتراحات الواد بليه

**faroukzen** · 24-08-2012 04:00 PM

انا معايا بى امe28 اول التمانيات كربراتير فانا نويت اجيب كربراتير استراد لان الكربراتير القديم قرفنى لكن بليه الميكانيكى كان له راى تانى وقالى ركب كربراتير 132 فهل ده هياثر على سحب العربيه لو ركبته ولا عادى وكنت عاوز اعرف لو العربيه دى شدت مع بيجو 504 موديل 1979 مين يكسب علشان مدبس نفسى

**Zika9909** · 24-08-2012 06:27 PM

اقتراح عجيب بصراحة
على فرض إنه ركب بدون مشاكل، مش هتاخد منه الأداء المطلوب لأنه مش بتاعها و مش هتعرف تشد مع حد.

**mohamed_e36** · 24-08-2012 06:32 PM

طب ليه يعمل كده عشان تمن الكربراتير مثلا مهو برضو كربراتير ال132 ال 2000cc بيوصل ل 400 جنيه استيراد
ومتهيألي بتاع البي ام مش هيزيد عن 600 والله اعلم يبقا ركب حاجه العربيه احسن واشتري دماغك وبلاش عك الصنايعيه
مفيش حاجه بتظبط العربيه غير حاجتها الاصليه

**faroukzen** · 25-08-2012 12:51 AM

لكن كربراتير البى ام اعطاله كتير ومش اى حد يشتغل فيهbut الكربراتير التانى سهل جدا والاهم ان محدش رد عليا لو انا شديت بعربيتى الاستوك مع بيجو استوك مين يكسب

**mohamed_e36** · 25-08-2012 02:35 AM

المشاركة الأصلية كتبت بواسطة faroukzen

لكن كربراتير البى ام اعطاله كتير ومش اى حد يشتغل فيهbut الكربراتير التانى سهل جدا والاهم ان محدش رد عليا لو انا شديت بعربيتى الاستوك مع بيجو استوك مين يكسب

بالنسبه لموضوع الشد ال 504 ال2000cc الكربراتير 93 bhp والمعلومات دي من ويكيبيديا
Peugeot 504 - Wikipedia, the free encyclopedia
قولنا بقا انته كام cc

**mohamed_e36** · 25-08-2012 02:52 AM

انا دورت على المواتير اللي راكبه في ال e28 و غالبا هيكون الموتور 1800 لاني ملقيتش موتور كربراتير في العربيه دي وانا بدور غيره
على العموم الموتور ال1800 هيكون 101 bhp وادي اللينك
BMW 5 Series (E28) - Wikipedia, the free encyclopedia
وادي الموتور
BMW M10 - Wikipedia, the free encyclopedia
طبعا كده النتيجه واضحه
بس برضو الشد في الوضع ده مختلف لان العربيات اللي انته بتتكلم عنها دي عدى عليها 30 سنه تقريبا فممكن تلاقي ال504 طلعت من البي ام لوحالتها نضيفه غير كده هتعتمد على السواق

**faroukzen** · 25-08-2012 03:45 PM

انا متشكر جدا يااستاز محمد على اهتمامك
هو فعلا الموتور عندى 1800 بس انا فهمت كده من كلامك ان موتور عربيتى 101 حصان يعنى انا طبعا اكسب طب معلش انا هتقل على حضرتك وكنت عاوز اعرف التسارع عندى من صفر الى ميه بيكون فى اد ايه والسرعه القصوى عندى

**faroukzen** · 25-08-2012 03:53 PM

وهل الموتور الى عندى ده هو نفسه الى راكب فى e30 موديل التمانيات

**mohamed_e36** · 25-08-2012 05:20 PM

المشاركة الأصلية كتبت بواسطة faroukzen

انا متشكر جدا يااستاز محمد على اهتمامك
هو فعلا الموتور عندى 1800 بس انا فهمت كده من كلامك ان موتور عربيتى 101 حصان يعنى انا طبعا اكسب طب معلش انا هتقل على حضرتك وكنت عاوز اعرف التسارع عندى من صفر الى ميه بيكون فى اد ايه والسرعه القصوى عندى

المشاركة الأصلية كتبت بواسطة faroukzen

وهل الموتور الى عندى ده هو نفسه الى راكب فى e30 موديل التمانيات

يا كبير لا شكر على واجب واتمنى اكون قدرت افيدك ولو حد من الاعضاء عندو معلومه يريت يزود الموضوع بيها وبلاش استاذ دي خليها محمد على طول

بالنسبه لحته التسارع ده فيديو لتسارع e30 فيها نفس الموتور
e30 m10b18 acceleration - YouTube
وده فيديو تاني ل e30 نفس الموتور بس مكانش بيحرق على الغيار
E30 0-100km/h m10b18 carb - YouTube
وبالنسبه لل e30 وهل الموتور ده بيركب فيها فهو بيركب فيها فعلا

**faroukzen** · 26-08-2012 01:38 PM

على ما اعتقد ان الغرب لعبين فى الفديوهات دى لان لوده تسارع الe30 الاستوك طب ليه الناس بتضطر تسقط مواتير اعلى ده الموتور الى فى الفديو تسارعه احسن من تسارع العربيات الجديده وكنت عاوز اعرف ازاى هو بيفصل الغيار على 5 اربى ام وصوت الموتور مش عالى ده انا بفصل على اربعه بالعافيه ولو عاملت ايه عمرها ماهتجيب 5 ده الراجل الى فى الفديو 6 اربى ام او الرد زون فى ثوانى طب ده عيب عندى ولا كل العربيات الى فى مصر كده