اشتريت ياريس امبارح من الاستاذ خالد موزع تويوتا

**body** · 29-06-2008 08:08 AM

السلام عليكم ورحمة الله وبركاتة
انا اشتريت ياريس امبارح من الاستاذ خالد موزع تويوتا بناء على نصيحة اخويا حازم خصر
العربية لونها فضى فول اوبشن والفرش رمادى
والعربية بسم الله ماشاء الله عليها وعلى سحبها افضل من الانسر 1300 بمراحل بمراحل مع احترامى للانسر وكل اللى شككو فى الياريس
والثبات العربية ثباتها ممتاز واللى عايز يجبها يتوكل على الله يجبها مايسمعش كلام حد وعمرة ماهيندم انة جابها العربية ممتازة
فعلاً مايقدرش حد يقيم العربية الا لما يركبها انا قولت لحازم ان هجيب العربية على اساس انها على قد فلوسى فالوقت دة وسنة ونص او سنتين بالكتير وهبيعها وهجيب سوبارو لان بصراحة ماكنتش بحترم شركة فى اليابان الا السوبارو الوحش اللى مالوش حل
بس انا احترمت شركة تويوتا بالرغم ان كنت بقول هيا الناس دى جرالها اية بتشكر فى التويوتا على اية الشركة دى فرضت احترامها غصب عنى واحترمتها شركة محترمة ويوم عن يوم احترامى لها بيزيد واعجابي بالعربية بيزيد اكتر لدرجة انى مش هغيرها قبل 5 سنين او 6 سنين انشاء الله ربنة يدينا ويديكو طولت العمر وحتى لو ربنة كرم انشاء الله بعد كدة فالمستقبل مش هبيع العربية نهائياً وهسيبها وهجيب اللى انا عايزة بقة
وكمان العداد اللى فالنص اللى كنت مفكرهم طلعو اغبية فيه اليابانين وقولت مش بيفهمو فضلت 6 شهور مش راضى اجيب العربية عشان العداد اللى فالنص انا اللى طلعت غبي واللى كان معايا سايق العربية بيقولى احنا اللى طلعنا اغبية مش اليابانين همن عمرهم مايبقة اغبية
والعربية مالهاش صوت خالص لدرجة صاحبي بيقولى هى العربية مش دايرة ولا اية
بسم الله مشاء الله يعنى بس واحنا ماشين العربية حكت فى مطبين مش عارف دة غلط ولا اية كان قلبي بيتقطع
بس بعد كدة خدنا بالنا واخدنا باقى المطبات بالجنب لان كان معايا الفاميلى

وبشكر اخويا بجد اللى وقف جنبي وادانى القرار والثقة ان اجيب العربية وانا جبت العربية بفضل الله وفضلة
هو اخويا الاستاذ حازم خصر
واى حد من الاخوة عايز يسأل اي سؤال بخصوص العربية يتفضل يسأل وانشاء الله ارد علية

**hazem_khidr** · 29-06-2008 08:32 AM

و انا ان شاء الله اول واحد اباركلك:)
الف الف مبروك يا بودي و ان شاء الله تكون فانحه خير عليك
ربنا يديك خيرها و يحميك من شرها يا رب.

**Sharky** · 29-06-2008 09:13 AM

الف مبروك و ربنا يبارك لك فيها

**ابوشريف** · 29-06-2008 09:14 AM

مبارك عليك ياباشا الياريس الجديده

بس انت مقولتلناش هى فول اوبشن مانيوال ولا اوتوماتيك وسعرها كام ؟؟

وربنا يعطيك خيرها ويكفيك شرها

**hero** · 29-06-2008 10:11 AM

الف مبروك علي العربية ....ومبروك انضمامك لنادي الياريس..
العربية فعلا ما شاء الله عليها ممتازة...ولسة كل ما تركبها هاتعجبك اكتر....ومش هاتتنازل عنها ابدااا....
ربنا يديك خيرها ويكفيك شرها....
بالنسبة للمطبات ...العربية ما بتتأثرش غير بالمطبات "الغبية" سوري في اللفظ لان دة اقل تعبير يوصف البني آدم ايلي عمل مطب عالي وقصير....علشان كدة لازم العربية تحك فية...خصوصا لو محملة....

**Melmahy** · 29-06-2008 11:00 AM

ألف الف مليون مبروك يا باشا و ربنا يباركلك فيها و يكفيك شرها ... و كل إللي انت قولته صحيح و أكتر كمان ... بجد العربيه جامده أخر حاجه و بجد بجد عجباني انا كمان ... الياباني ياباني برده يا باشا حتي و لو كان مسمار ... ألف مبروك مره تانيه

**body** · 29-06-2008 02:45 PM

المشاركة الأصلية كتبت بواسطة hazem_khidr

و انا ان شاء الله اول واحد اباركلك:)
الف الف مبروك يا بودي و ان شاء الله تكون فانحه خير عليك
ربنا يديك خيرها و يحميك من شرها يا رب.

ربنة يخليك ياحزوم ياحبيب قلبي والله يبارك فيك يارب

المشاركة الأصلية كتبت بواسطة sharky

الف مبروك و ربنا يبارك لك فيها

الله يبارك فيك ياجميل ويباركلك انت كمان

المشاركة الأصلية كتبت بواسطة ابوشريف

مبارك عليك ياباشا الياريس الجديده

بس انت مقولتلناش هى فول اوبشن مانيوال ولا اوتوماتيك وسعرها كام ؟؟

وربنا يعطيك خيرها ويكفيك شرها

الله يبارك فيك ياجميل هى مانيوال فول اوبشن وسعرها 92500
من الاستاذ خالد فى مدينة نصر عند مستشفى التوفيقية ودة رقم الاستاذ خالد 0106347989
انا كنت هجيب من التوكيل اصلاً اللى فى ابو رواش بـ 94000 بس الاستاذ حازم خضر هو اللى نصحنى وقالى على الاستاذ خالد
هو راجل محترم جداً وتمام اوى

المشاركة الأصلية كتبت بواسطة hero

الف مبروك علي العربية ....ومبروك انضمامك لنادي الياريس..
العربية فعلا ما شاء الله عليها ممتازة...ولسة كل ما تركبها هاتعجبك اكتر....ومش هاتتنازل عنها ابدااا....
ربنا يديك خيرها ويكفيك شرها....
بالنسبة للمطبات ...العربية ما بتتأثرش غير بالمطبات "الغبية" سوري في اللفظ لان دة اقل تعبير يوصف البني آدم ايلي عمل مطب عالي وقصير....علشان كدة لازم العربية تحك فية...خصوصا لو محملة....

الله يبارك فيك ياجميل وفعلاً كل مابركبها بتعجبنى اكتر وفعلاً كلامك تمام
المطبات بجد امبارح كان قلبى بيتقطع ناس اغبية اللى عملت المطبات دى والله

المشاركة الأصلية كتبت بواسطة Melmahy

ألف الف مليون مبروك يا باشا و ربنا يباركلك فيها و يكفيك شرها ... و كل إللي انت قولته صحيح و أكتر كمان ... بجد العربيه جامده أخر حاجه و بجد بجد عجباني انا كمان ... الياباني ياباني برده يا باشا حتي و لو كان مسمار ... ألف مبروك مره تانيه

الله يبارك فيك ياجميل وعلى رايك حتى لو مسمار يابانى