طلب تسعير صاروخ جولف 4 موديل 2002

**domty78** · 24-08-2012 10:19 PM

السلام عليكم ورحمة الله الاساتذة خبراء ومحبي جولف 4 معروض عليا سيارة موديل 2002 العربية خاصة بأمير سعودي مواصفات خاصة المكنة 2400 cc تربو مانيوال طبعا 7 غيار جنوط وكاسيت cd العربية موجودة بالسعودية والمالك الاول ليها مصري عشان جابها من الامارات بيع وشراء من الامير السعودي فيعتبر المالك الاول ليها فكنت عاوز اسأل عن سعرها في مصر وجماركها هتكون كام واخدها منة بكام مع العلم اني سألت في المرور وواحد قالي انها مش هتقل في الترخيص عن 2000 في السنة ومش عارف الكلام دة صح والا تهيسس العربية ممكن يتعمل زيها هنا لكن الفبريكا شئ تاني طبعا وكمان هقدر انزل من سعر الشراء من الراجل صاحبها فتعتبر ميزة بالنسبة لية والرجاء الرد علي الاستفسار دة في اسرع وقت شكرا لكل من في الجروب المحترم

**eng.m7md.ali** · 24-08-2012 10:32 PM

موضوع امير سعودي دي صعبة الواحد يصدقها عشان محدش بيقدر العربيات الالماني عندهم
والاهم من كدة
انك مش هتقدر تاخد العربية وتدفع الجمارك عشان مش انت المالك الاول وكمان مشترتش العربية في سنة الموديل بتاعها

**domty78** · 24-08-2012 10:50 PM

ما انا قلت انة اخدها منة في دبي وكمان قلت ان الراجل اللي هيبعها دخلها السعودية المالك الاول ليها كدة وضحت اكتر لحضرتك

**eng.m7md.ali** · 24-08-2012 10:56 PM

المشاركة الأصلية كتبت بواسطة domty78

ما انا قلت انة اخدها منة في دبي وكمان قلت ان الراجل اللي هيبعها دخلها السعودية المالك الاول ليها كدة وضحت اكتر لحضرتك

ماهو بردو المشكلة ان حضرتك مش المالك الاول ومشترتهاش زيرو في سنة الموديل بتاعها
على العموم استنى اراء تانية وياعالم ممكن يكونو غيرو القانون واتمنى فعلا كدة

**domty78** · 24-08-2012 11:06 PM

ايوة فهمتك بس هي هتدخل مصر بأسمة بس انا المنتج يعني هدفع الجمارك ولحد ما تترخص بعدين اخدها منة وادفعلة السعر المتفق علية اللي هيتحدد من حضرتك ومن خبراء الجولف وياريت تحدد سعر عشان اطمن وشكرا

**eng.m7md.ali** · 24-08-2012 11:17 PM

ان كان كدة يبقى نقول مبروك
بس اهم حاجة تضمن حقك
هيا سعر العربية دلوقتي اصلا لو 1400 العادية بتعمل 60 الف تقريبا او اكتر شوية على حسب الحالة
فامش عارف دي نظامها ايه خصوصا انها مبتنزلش مصر
اعتقد كدة دي ال r32 من فئة ال gti

**domty78** · 24-08-2012 11:33 PM

يعني كدة يا باشمهندس فيلكس ممكن ملقيش قطع الغيار بتاعتها ومعلش عشان انا مش خبير في الجولف الgti يعني اية بالظبط

**eng.m7md.ali** · 24-08-2012 11:42 PM

قطع الغيار موجودة بس قليلة جداً في الحرفيين
لان ساعات يعني الواحد بيجيب نصين r32 ده بتحصل مرة كل كام سنة
GTi دي فئة من الجولف بتبقى تقريبا اول موتور منها 1800 سي سي متربنة وفيها مواتير كتير اعلى من كدة

**eng.m7md.ali** · 24-08-2012 11:44 PM

عمتاً 2400 سي سي يعني الجمارك مش هتقل عن 150 الف جنيه
حاول تحط ده في بالك واحسبها صح

**domty78** · 25-08-2012 12:22 AM

معقول 150 الف دي موديل قديم يا باشا عموما انا هيجيلي الرد بتاع الجمارك بكرة ان شاء الله
وهبلغك بية ان شاء الرحمن وشكرا لاهتمامك

الموضوع: طلب تسعير صاروخ جولف 4 موديل 2002

LinkBack

أدوات الموضوع

عرض

-

-

-

-

-

المواضيع المتشابهه

جولف 2002 ولا فيرنا 2012

مطلوب جولف 2001 او 2002

جولف 2002

تسعير سي 180 موديل 2002 و 2004

جولف 2002 ولاا bmw 96

الكلمات الدلالية لهذا الموضوع

المفضلات

المفضلات

ضوابط المشاركة