الاخوة الاعزاء بعد التحية وكل عام وانتم بخير يشرفنى ان انضم لمنتدى اللادا بعد شراء السيارة لادا سمارا من يومين فقط والحمد لله السيارة اداء ممتاز وثبات على الطريق وعفشة تستحمل فعلا شورعنا المصرية العربية موديل 94 والحمد للة فبريكة برة وجوة ومكنتش تقريبا بتستعمل وخدتها من لواء جيش ومن كلامة عرفت انة كان ركنها وكان بيستعمل عربية الجيش ومكنش بيستعملها الا نادرة وكان رفعها منذ عدة سنوات ومكتوب على القايم انها مواصفات خليجى ولى عدة اسئلة معلش هتقل عليكم لانى جديد مع العربية وهى عجبانى جدا

طبعا الشكمان من ركنة العربية فترة طويلة صدا من برة وحاسس اة بيشخلل من جوة ورحت لبتاع الشكمان فحصة وقالى عاوز يتغير العلبتين والجوان عشان ناشف وسوستة مش عارف بتاعة اية المهم هو حسبلى العلبتين و السوستو والجوان بمصنعية التركيب بحوالى 400 جنية طبعا قلتلو شكرا ومشيت على طول حسيت فية حاجة غلط دلوقتى انا عاوز اعرف لو غيرت الشكمان كامل من الفرن لغاية ورا جديد يتكلف كام بالتركيب
وكمان عاوز اعرف مكان تزويد زيت الفتيس لان بتاع البنزينة معرفش يوصلة وبرضة فلتر الزيت كل مروح محل اقلة بتاع لادا سمارا يقولى مش عندى اسال على انهى فلتر زيت ينفع ليها وياريت احط زيت اية مناسب للماتور والحمدلله الماتور حالتة ممتازة ويتاخد كام كيلو بالفلتر ومن غيرة
معلش هتقل عليكم عاوز اعرف سعر الوش بتاع الفانوس الخلفى بكام وهل فية بديل لية
كهرباء العربية كويسةبس محتاجة تضبيط لاحظتانى الاشارات الى ورا بس هما الى شغالين والاشارات الجانبية مش بتنور ممكن عيب لمبات بس الانتظار مش شغال ولا لمبة مع انة شغال فى التبلوة لما بدوس على زرار الانتظار ياترى ممكن اعرف اية السبب

الفتيس جميل جدا فى النقلات بس حاسس انة العصايا سايبة ممكن يكون اية العطل وهل بيتعملة حشو

خالص شكرى معلش انا تقلت ليكم شوية

اخيكم حاتم عبدالرؤف