الموضوع: طلب مساعدة من مالكى لادا سمارا

عزيزى الأخ حاتم . الف مبروك شراء السيارة وربنا يعطيك خيرها ويكفيك شرها وسؤالى هل الموتور 1500 cc أم 1300 cc وهل هى مكيفة أم لا لأنك قلت أنها مواصفات خليجية . وعلى حد علمى ان السمارا الخليجى بتكون 1500 cc وبتكون مكيفة . فإذا كانت سيارتك فعلا مواصفات خليجى و 1500 cc ومكيفة يكون السعر الذى ذكرته أكثر من رائع . وبالنسبة لسعر وش الفانوس الخلفى فهو 30 جنيه عند محلات اللادا . وبالنسبة للكهرباء فك غطاء علبة الفيوزات وفك فيوز فيوز ونظفه جيدا ورجعه مكانه وكذلك فك كل كتاوت ونظف قاعدته ورجعه مكانه . لأنك ذكرت ان السياره كانت مركونه فتره طويله . وكذلك جرب تغير اللمبات التى لاتعمل . وبالنسبه لفلتر الزيت فهو متوفر عند محلات اللادا . وبالنسبة لزيت الموتور أنا بأستعمل زيت توتال 3000 ب 67 جنيه + 5 جنيه خدمة تغيير زيت . وبالنسبه لمكان طبة زيت الفتيس غير المحطه اللى ذهبت اليها وجرب محطة تانيه .

راجع مواضع قسم اللادا السمارة المثبت في المنتدى الخاص باللادا وانت هتلائي في كل المعلومات إللي انت عايزها.
http://www.nilemotors.net/Nile/27875-a.html

وللعلم هو فعلاً أحسن عربية إللي تشتريها من واحد في الجيش... لأن الناس إللي في الجيش بيحافظوا على عربياتهم جدااااااااااااا... وأنا كمان شاري عربيت من عقيد جيش وهي فعلاً كانت مركونة فترة طويلة يادوب كان بيخرج بيها كل فين وفييييييييييين وهي ولله الحمد عربية جمييييييييييييييلة جداااااااااااااااااااا لأبعد مما تتخيل وسعرها حلو مقارنة بسنة الصنع..
الأعطار البسيطة إللي انت بتتكلم فيها دي تمشيك.. انت الأول أمشي بيها فترة لحد ما تكون ملم بجميع ما سوف يتم إصلاحه... واعمل الأهم فالأهم.. ومتخليش الحاجات دي تعطلك...

بخصوص موضوع طبة زيت الفتيس زي ما الأخ قال لك سابقًا غير محطة البنزين دي... روح لمشحمة أو محطة بنزين يكون فيها صنايعي كويس وهو هيعرف طبة الزيت فين بالضبط...
أنا لسه شاري عربيتي من شهرين... والحمد لله هي تمام... بس اليومين دول العفشة تعبت مني شوية علشان شوارع المنطقة إللي أنا ساكن فيها غير آدمية بالمرة... وبإذن الله هظبطها

المشاركة الأصلية كتبت بواسطة hatsat

شكرا لكل من ساهم بالرد وان شاء الله انا ماشى بالعربية كدة وهلم الى فيها الاهم الاول بس بردة محدش فدنى فى الشكمان وحاسس انى العربية بتاكل بنزين هل لة علاقة بالشكمان ومعلش هتقل عليكم شوية هل فية تظبيطة معينة علشان تمشى ببنزين 80 لانى حاسس برعشة اول مباخد الغيار او اكبس بنزين

بصراحة الشكمان مش هقدر أفيدك فيه..
قبل ما تحدد أن العربية بتاكل بنزين أنت الأول غيرت طقم كهرباء كامل وظبط كهربة العربية وظبط الهواء والصلانصيه بتاع الكربراتير عند ميكانيكي... لو معملتش الحاجات دي لازم تعملها... وتقول له على موضوع أكل البنزين ده... وهو ممكن يحدد لك العيب هل في كربراتير ولا تظبيط كهربا
ممكن يكون الرعشة دي منك انت لأنك مش واخد على العربية
عمومًا أنا سألت الميكانيكي على الرعشة دي لأنها عندي في العربية رد قال لي ان الاسطوانة خشنة شوية وقدام هتتغير بس بصراحة هي مش مزعجة بالنسبة لي لأني بأحاول أظبط رجلي على البنزين مع ترك الدبرياج سنة سنة علشان ميبقاش في رعشة