أسئله عن كيا ريو الجديده (ضرورى)

**ZAKI32** · 25-08-2012 08:02 PM

المشاركة الأصلية كتبت بواسطة 2code

مع احترامي لصاحبك ولكن شويه اسئلة واعذرني فيهم اذا فيهم ازعاج

العربية دي متأكد انها 2013 ؟ لان المشاكل اللي بتحكي عليها دي 2012 اول اصدار

انا عندي 2012 ثاني اصدار ومتعالج فيها المشاكل دي بتحديث سوفت ecu ودي اختصار لـengine control unit فيبقى ازاي العربية دي 2013 ؟

اكيد خليجي والخليجي صدقني خبرتهم في العربيات هناك زي علاقتنا بصيانة الطائرات يعني العربية 2013 هتلاقي عليها سوفت من ايام الفراعنة

اسأل صاحبك العربية دي خليجي ؟ ده اولاً ثانياً العربية توكيل ؟ التوكيل لسه هينزل الريو بشكل رسمي 2013 مع اضافة 1000 جنية زيادة وهي هي مواصفات الـ2012 فيبقي دي اكيد 100% مش توكيل لانها لسه منزلتش انا كنت عند التوكيل من يومين كنت هحجز البكانتو ولكن لقيت المواصفات قلت جداً في 2013 عن 2012 فقلت اعيد نظر الاول مفيش عندهم 2013 الا حاجة واحده بس وهي السيراتو :) , ثالثاً وده الاهم العربية دي من اللي بتحكي عليه دي 2012 الاصدار الاول للريو في مصر

ده بأيجاز عن المشكلة لان كل ده اتحل في الفرز التاني اللي نزل من كوريا لمصر نزلت متحدثه وجاهزه وانا كنت في مركز الصيانة وناس فاهمين جداً واول ما قلت لهم بصوا على العربية قالوا لي دي الاصدار الثاني معالجة من كوريا نفسها

لو صاحبك راح التوكيل ويقول لهم على المشكلة دي ويطلب تحديث ecu او هم هيحدثوه له من غير ما يقول هيلاقي الموضوع فرق جداً معاه

انا العربية من ناحية السحب انت عارف جوه البلد مصر شكل شوارعها ايه فتقريباً بمشي على 10 او 8 يوم ما اعلى جوه البلد امشي 15 فلما بطلع على الطريق وادوس بنزين اسند رجلي بس بلاقى نفسي اذا مش رابط الحزام بتسحب لورا ولعلمك انا عربيتي عامله بس حوالي 350 كيلو يعني المفروض السحب يكون افضل من كده برضه بعد اول 1000 الي 5000 كيلو

ياريت اكون قدمت اي معلومات :)

سألته قالى 2013 وجت شهر 6 او 7 هل دى بقة تدخل فى فئة 2013 . انا بسأل وبستفسر زيكم مش خبير سيارات انا يعنى

**temo85** · 25-08-2012 08:21 PM

بص الفيصل هو ورق العربية مكتوب فيه موديل كام هو ده اللى هيتكتب فى الرخصة

**2CODE** · 26-08-2012 01:20 AM

التلاجة في الهاي لاين بس وهي بتشتغل مع التكيف هتلاقي في زر في يشغلها بشرط التكيف طبعاً

سألته قالى 2013 وجت شهر 6 او 7 هل دى بقة تدخل فى فئة 2013 . انا بسأل وبستفسر زيكم مش خبير سيارات انا يعنى

دي خليجي مش توكيل ان شاء الله لاني اشتريت عربيتي من شهر 6 وبداية 7 من التوكيل والورق 2012 دلوقتي موجود 2013 خليجي لكن منصحكش بيه خليك في المضمون والتوكيل علشان اي حاجة تروح للتوكيل مباشرتاً

**temo85** · 26-08-2012 01:47 AM

المشاركة الأصلية كتبت بواسطة 2code

التلاجة في الهاي لاين بس وهي بتشتغل مع التكيف هتلاقي في زر في يشغلها بشرط التكيف طبعاً

دي خليجي مش توكيل ان شاء الله لاني اشتريت عربيتي من شهر 6 وبداية 7 من التوكيل والورق 2012 دلوقتي موجود 2013 خليجي لكن منصحكش بيه خليك في المضمون والتوكيل علشان اي حاجة تروح للتوكيل مباشرتاً

ماهو الخليجى هتروح التوكيل على طول و أشترى ضمان من أى شركة من اللى بتضمن الخليجى و من حقك تعمل صياناتك فى التوكيل و لو ظهر عيب صناعة صلحه فى التوكيل و هما اللى يدفعوا و لو رفضوا حط صباعك فى عينهم يعنى الوكيل بيقول فى عيب صناعة و هما ميرضوش يشيلوا !!!!!
انا حصل معايا نفس الموقف و عملته فى التوكيل و شركة الضمان شالت الليلة و كان رقم على فكرة كان فى حدود ال 7 الاف جنية

**2CODE** · 26-08-2012 06:19 AM

المشاركة الأصلية كتبت بواسطة temo85

ماهو الخليجى هتروح التوكيل على طول و أشترى ضمان من أى شركة من اللى بتضمن الخليجى و من حقك تعمل صياناتك فى التوكيل و لو ظهر عيب صناعة صلحه فى التوكيل و هما اللى يدفعوا و لو رفضوا حط صباعك فى عينهم يعنى الوكيل بيقول فى عيب صناعة و هما ميرضوش يشيلوا !!!!!
انا حصل معايا نفس الموقف و عملته فى التوكيل و شركة الضمان شالت الليلة و كان رقم على فكرة كان فى حدود ال 7 الاف جنية

دي حاجة تختلف من كل واحد لان في اكتر من شركة بتقدم الضمان وبيتخلفوا في طريقة التعامل تماماً علشان كده حالتك مينفعش نعممها مش الكل مثلاً هيتخانق او هيعمل لهم مصيبة

وليه كل ده ما يشتريها توكيل ويريح دماغه ولاهو التكيف التتش خلاص فرق قوي ؟ الفروق بينهم متستوجبش علي انك تفضل الخليجي على التوكيل انا قارنت مابين الخيجي والتوكيل وانا بشتري ملقتش الحاجات اللي تختليني استغني عن ضمان 100 الف كيلو او 5 سنين :)

**ZAKI32** · 26-08-2012 08:05 AM

المشاركة الأصلية كتبت بواسطة temo85

بص الفيصل هو ورق العربية مكتوب فيه موديل كام هو ده اللى هيتكتب فى الرخصة

احب اوضح الكلام الصح لانى شاركت فى بداية الموضوع وانا صراحة فرحان لانى استفدت وافدنا الرجالة اللى ناوية على شراء كيا ريو
سألت الراجل صاحب العربية الريو اللى بيأجرها وماسبتش سؤال الا لما فهمت منه:
العربية طلعت 2012 خليجى فرز اول
قلتله انا كتبت عن المشكلة اللى فى عربيتك فى المنتدى
قالى انا وديت العربية الوكيل البارحة وظبطوا القصة دية من نفسهم وفكوا العجل ومش عارف عملوا ايه وظبطوا شوية حجات فى المكنة وغيروا زيت 10000 كيلو وشافوا تيل الفرامل تقريبا
وخبطوه 680 جوندى
قالى الكنة بتاعة السحب دى والخنقة دى كانت بتخلى العربية تاكل بنزين كتير . وقال انه راح التوكيل وكام مكان كدة ورجع مسافة حوالى 100 كيلو على شرطة واحدة .
وقالى مكنتش بعرف اطلع مطب بسبب خنقة العربية انما بعد الظبط فرق شاسع.
مبروك مقدما للى بيفكر يشتريها. يارب اكون قدرت افيد نوعا ما.

اخخخ نسيت اسألكم بقة هو قالى سعرها 137 ايه هل فعلا هى كدة الخليجى . اة مرايتها بتقفل كهرباء. طب الهاى لاين نفس القصة وزيادة فتحة سقف. طب الهاى لاين سعرها كام.
السلام ختام

**juba_83** · 26-08-2012 07:18 PM

شكرا لصاحب الموضوع وكل الاخوه الي ردوا لأني فعلا كنت محتاج كل المعلومات دي
انا كنت لسا كاتب موضوع بسأل فيه اختار ريو ولا اكسنت لأني محتار جدا
مبروك مقدما Tmhami وربنا يكفيك شرها ان شاء الله

**karimshady** · 27-08-2012 12:53 AM

طب أنا إن شاء الله ناوي اشتريها....

ممكن حد يقولي اسم معرض يكون فيه المنوال أو الاوتوماتيك بس يكون اقل فئة فيها ومش خليجي ؟؟...

وكمان 2013 إن شاء الله هتنزل امتى ؟

**Tmhami** · 27-08-2012 01:08 AM

يا ريت يا جماعة لو حد يعرف مكان اؤجر منه الكيا ريو يقولي علشان انا نفسي اشتري العربية دي بس خايف من موضوع السحب ده فقلت اجربها

**2CODE** · 27-08-2012 01:48 AM

قبل ما تشتري انا زي ما قلت المميزات ودافعت عنها في اول الموضوع لازم برضه تعرف حاجة ان العربية استهلاكها عالي في البنزين عليها هي المفروض 1400 لكن الاستهلاك بتاعها استهلاك 1600 واكتر دي حاجة

تاني حاجة انك مش بتقدر تشوف كبوت العربية وده بيخلي كل الناس تخبطها في البداية خصوصاً لو هتعمل نفسك عليها سواق يبقي هتخبط منك لازم تتعود عليها الاول ومتسرعش بيها علشان متتخبطش منك

غير كده توكل على الله عربية ممتازه ولكن في اعلى فئة بس اللي هي الهاي لاين علشان الكماليات وكمان abs و ebd بيخلي الفرامل قويه قويه قويه