| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

  1. #1

    الصورة الرمزية windows9x

    رقم العضوية : 76589

    تاريخ التسجيل : 30Jul2010

    المشاركات : 116

    النوع : ذكر

    الاقامة : Cairo

    السيارة: Golf Mk4 2000 - 1.4

    السيارة[2]: Ibiza 94

    الحالة : windows9x غير متواجد حالياً

    افتراضي أسئله حول ال ابيزا 1994 clx - Facebook Twitter whatsapp انشر الموضوع فى :

    hasad">

    السلام عليكم،

    معلش هاتقل عليكم و خاصة ان دى اول مشاركاتى بس اكيد مش اخرها، فا استحملونى و الاجر و الثواب عند الله :)

    عندى شوية اسئله ارجو منكم الأجابه عليها للى عارف:

    - بالنسبه لقطع الغيار الأستيراد اللى فى الحرفيين و عزبة شلبى و الوكاله بتبقى قديمه و متقطعه من عربيات المانى و اسبانى من بره اصلا؟ ولا استيراد جديده و بتتباع؟ ولو قديمه اتأكد ازاى انها شغاله؟ ولا ده من المصدر اللى بشترى منه؟ وهلى الصينى كويس؟

    - عايز اعرف سعر الرداخ او ترمبة البنزين للابيزا ال94 ال clx وسعر سير الكاتينه و المرايه الشمال و اليمين و هل ممكن اجيب االشمال بس؟

    - انا جبت العربيه لسه من يومين و دى اول عربيه فى حياتى ولسه بتعلم سواقه، المفروض اعمل ايه من فحص علشان انضف العربيه من اى حاجه فيها زى مكونات ممكن تكون بايظه بس مش هاتظهر دلوقتى ولازم اغيرها علشان ارتاح بعد كده؟

    - بالنسبه لكوتشات ال94 بتبقى تيوبلس ولا تيوب؟ و اكشف علي الشنابر من جوه بس ولا اجيب 4 كوتشات تيولبس وخلاص؟ وسعرهم كام؟ مه العلم انهم 13 تقريبا

    - الفتيس بيعمل صوت خبطه كده كائنك بتخبط حديدتين فى بعض لما اجى اموور، دا عادى ولا محتاج ابص عليه؟

    - عايز اغير الزيت، احط 5000 ولا 2000 و احط زيت ايه اصلا؟ مع العلم ان الموتور حالته مش حلوه بس مش هاعمره دلوقتى

    - بالنسبه لفلتر البنزين و الزيت اجيبهم اى حاجه؟ و هل كل الفلاتر بتركب على كل العربيات ولا كل موديل وله فلتره؟ و اجيب صينى و كده ولا برضه اجيبه استيراد؟

    - يعنى ايه بالضبط العفشه؟ يعنى ايه تتربط؟ و اربطها فين؟ بنزينه ولا ميكانيكى؟ و تقريبا بتتربط بكام؟

    - سؤال اخير عبيط، هو الصح انى اسوق و اتدرب وسط العربيات بحرص علشان اتعلم سواقه ولا اقضيها سكك فاضيه؟


  2. #2

    الصورة الرمزية Dr.cairoky

    رقم العضوية : 117675

    تاريخ التسجيل : 11Dec2011

    المشاركات : 292

    النوع : ذكر

    الاقامة : cairo

    السيارة: Mercedes

    السيارة[2]: Golf

    دراجة بخارية: TokTok

    الحالة : Dr.cairoky غير متواجد حالياً

    افتراضي -

    [QUOTE=windows9x;3874134400]السلام عليكم،

    معلش هاتقل عليكم و خاصة ان دى اول مشاركاتى بس اكيد مش اخرها، فا استحملونى و الاجر و الثواب عند الله :)

    عندى شوية اسئله ارجو منكم الأجابه عليها للى عارف:

    - بالنسبه لقطع الغيار الأستيراد اللى فى الحرفيين و عزبة شلبى و الوكاله بتبقى قديمه و متقطعه من عربيات المانى و اسبانى من بره اصلا؟ ولا استيراد جديده و بتتباع؟ ولو قديمه اتأكد ازاى انها شغاله؟ ولا ده من المصدر اللى بشترى منه؟ وهلى الصينى كويس؟

    __ قطع الغيار الإستيراد بتكون مستعمله طبعا مش جديده ، وبتتأكد منها لما بتركبها بيبقى ديما عليها ضمان مثلا يومين تلاته شهر حسب الاتفاق مع البائع ، ابعد عن الصينى الله يكرمك

    - عايز اعرف سعر الرداخ او ترمبة البنزين للابيزا ال94 ال clx وسعر سير الكاتينه و المرايه الشمال و اليمين و هل ممكن اجيب االشمال بس؟

    __ سعر طربمة البنزين استيراد فى حدود 350 جنيه ، سعره جديد عند فتح الباب 700 جنيه ، سعر سير الكاتين عند فتح الباب 60 جنيه.

    - انا جبت العربيه لسه من يومين و دى اول عربيه فى حياتى ولسه بتعلم سواقه، المفروض اعمل ايه من فحص علشان انضف العربيه من اى حاجه فيها زى مكونات ممكن تكون بايظه بس مش هاتظهر دلوقتى ولازم اغيرها علشان ارتاح بعد كده؟

    __ تغير كل الفلاتر ( بنزين وزيت وهواء) ، تغير الزيوت كلها ( موتور وفتيس وفرامل ) ، تغير السيور كلها ( دينامو وكاتينه ) مش لازم كلهم مره وحده يعنى وحده وحده


    - بالنسبه لكوتشات ال94 بتبقى تيوبلس ولا تيوب؟ و اكشف علي الشنابر من جوه بس ولا اجيب 4 كوتشات تيولبس وخلاص؟ وسعرهم كام؟ مه العلم انهم 13 تقريبا

    __ مش عارف الكوتش اللى عندك ظروفه ايه بصراحه ، بس غالبا هيكونوا تيوبلس طبعا ، نصيحه هات أربع فرد جداد لو فيه امكانيه عندك وشيل انضف فرده عندك الوقتى اعملها استبن ، سع الفرده فى حدود 350 جنيه جديد.

    - الفتيس بيعمل صوت خبطه كده كائنك بتخبط حديدتين فى بعض لما اجى اموور، دا عادى ولا محتاج ابص عليه؟

    __ طبعا كده مش عادى لازم تكشف عليه ، مش عارف أقولك فيه ايه عشان مش شايفه


    - عايز اغير الزيت، احط 5000 ولا 2000 و احط زيت ايه اصلا؟ مع العلم ان الموتور حالته مش حلوه بس مش هاعمره دلوقتى

    __ مدام الموتور خفيف يبقى هات زيت تقيل شويه يعنى ممكن تجيب شيل الاصفر 5000 كم

    - بالنسبه لفلتر البنزين و الزيت اجيبهم اى حاجه؟ و هل كل الفلاتر بتركب على كل العربيات ولا كل موديل وله فلتره؟ و اجيب صينى و كده ولا برضه اجيبه استيراد؟

    __ هات نوع اسمه توبران من عند فتح الباب ( ده انا مجربه عندى ) مينفعش تجيب فلاتر استيراد طبعا حرام عليك.

    - يعنى ايه بالضبط العفشه؟ يعنى ايه تتربط؟ و اربطها فين؟ بنزينه ولا ميكانيكى؟ و تقريبا بتتربط بكام؟

    ___ يعنى تربط العفشه وتزيتها وبتتعمل عند عفشجى أو بنزينه حسب ما تحب وترتاح نفسيا

    - سؤال اخير عبيط، هو الصح انى اسوق و اتدرب وسط العربيات بحرص علشان اتعلم سواقه ولا اقضيها سكك فاضيه؟
    __الصح ياباشا لو معندكش اى فكره اساسا انك تمشى تدرب نفسك فى مكان فاضى الاول لحد لما تاخد على العربيه وتروح الرهبه منك وتعرف تملكها كويس ،وبعدين وحده وحده تدخل فى زحمه ، الموضوع بسيط جدا

    * يارب أكون قدرت أفيدك_ دى أول مشاركه ليا من شهر _ كان عندى ظروف قهريه وتحت أمرك فى أى حاجه تانيه

    اللهم ارزقنا القناعة والرضا بما رزقتنا


    gasser_beek سابقا


  3. #3

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    كلام المهندس اسلام وضح حاجات كتير و لكن ياريت نفرق بين الابيزا ال 98 و 94 لأن ال 94 علي حد علمي مافيهاش طرمبة بنزبن كهرباء

    تاني حاجه قطع الغيار فيه منها حاجات تنفع استيراد وفيه حاجات متنفعش فخليك واحدة واحدة واللي تحتاجه قول وان شاء الله نفيدك هنا
    ثالث حاجه اي عربية تشتريها مستعملة لازم تعملها سيرفيس كامل خلال فترة بعد شرائها (يعني متطولش كتير بعد متشتريها عشان متعملش معاك مشاكل)
    السيرفس الكامل ده يتضمن :-
    1- تغيير زيت محرك و فلاتر (هواء و بنزين و زيت) و سيور (كاتينه و تكييف و دينامو) و بوجيهات (طبعا كل ده بتشتريه جديد لأنه مينفعش فيه استيراد)
    2- تتأكد من مقياس زيت الفتيس و لو ناقص تكمله
    3- تتابع جيدا كل سوائل العربية من مياة و زيت موتور و فتيس و باور و فرامل عشان تتأكد خلال استخدامك لها هل فيه شيء بينقص ولا كله تمام ولو بينقص تدور و تشوف منين
    خليك في زيت شيل الأصفر مبدئيا و ده بيتغير كل 5 الاف كيلو و تابعه و شوف الدنيا فيها ايه
    بعد كده تركب عربيتك و تستمتع بيها ولو لقيت حاجه غريبه قول و احنا هنساعدك ان شاء الله قدر المستطاع و ربنا يباركلك فيها و يوفقك لما فيه الخير

    م / إيهاب منصور
    SEAT CORDOBA 2002 1.0 16V AVZ


  4. #4

    الصورة الرمزية windows9x

    رقم العضوية : 76589

    تاريخ التسجيل : 30Jul2010

    المشاركات : 116

    النوع : ذكر

    الاقامة : Cairo

    السيارة: Golf Mk4 2000 - 1.4

    السيارة[2]: Ibiza 94

    الحالة : windows9x غير متواجد حالياً

    افتراضي -

    المهندس ايهاب و المهندس جاسر أشكركم شكراً جزيلاً على المعلومات و ربنا يؤجركم عليها


  5. #5

    الصورة الرمزية Dr.cairoky

    رقم العضوية : 117675

    تاريخ التسجيل : 11Dec2011

    المشاركات : 292

    النوع : ذكر

    الاقامة : cairo

    السيارة: Mercedes

    السيارة[2]: Golf

    دراجة بخارية: TokTok

    الحالة : Dr.cairoky غير متواجد حالياً

    افتراضي -

    اقتباس المشاركة الأصلية كتبت بواسطة ehab_mansour مشاهدة المشاركة
    كلام المهندس اسلام وضح حاجات كتير و لكن ياريت نفرق بين الابيزا ال 98 و 94 لأن ال 94 علي حد علمي مافيهاش طرمبة بنزبن كهرباء

    تاني حاجه قطع الغيار فيه منها حاجات تنفع استيراد وفيه حاجات متنفعش فخليك واحدة واحدة واللي تحتاجه قول وان شاء الله نفيدك هنا
    ثالث حاجه اي عربية تشتريها مستعملة لازم تعملها سيرفيس كامل خلال فترة بعد شرائها (يعني متطولش كتير بعد متشتريها عشان متعملش معاك مشاكل)
    السيرفس الكامل ده يتضمن :-
    1- تغيير زيت محرك و فلاتر (هواء و بنزين و زيت) و سيور (كاتينه و تكييف و دينامو) و بوجيهات (طبعا كل ده بتشتريه جديد لأنه مينفعش فيه استيراد)
    2- تتأكد من مقياس زيت الفتيس و لو ناقص تكمله
    3- تتابع جيدا كل سوائل العربية من مياة و زيت موتور و فتيس و باور و فرامل عشان تتأكد خلال استخدامك لها هل فيه شيء بينقص ولا كله تمام ولو بينقص تدور و تشوف منين
    خليك في زيت شيل الأصفر مبدئيا و ده بيتغير كل 5 الاف كيلو و تابعه و شوف الدنيا فيها ايه
    بعد كده تركب عربيتك و تستمتع بيها ولو لقيت حاجه غريبه قول و احنا هنساعدك ان شاء الله قدر المستطاع و ربنا يباركلك فيها و يوفقك لما فيه الخير
    لا كلام بعد كلام البوب الكبير

    اقتباس المشاركة الأصلية كتبت بواسطة windows9x مشاهدة المشاركة
    المهندس ايهاب و المهندس جاسر أشكركم شكراً جزيلاً على المعلومات و ربنا يؤجركم عليها

    ياباشا كلنا هنا أخوه فى الله واللى عارف حاجه بيقولها لأخوه أى حاجه عاوز تستفسر عنها إسأل وأكيد اللى عنده معلومه مش هيبخل بيها عليك إن شاء الله

    اللهم ارزقنا القناعة والرضا بما رزقتنا


    gasser_beek سابقا


  6. #6

    الصورة الرمزية windows9x

    رقم العضوية : 76589

    تاريخ التسجيل : 30Jul2010

    المشاركات : 116

    النوع : ذكر

    الاقامة : Cairo

    السيارة: Golf Mk4 2000 - 1.4

    السيارة[2]: Ibiza 94

    الحالة : windows9x غير متواجد حالياً

    افتراضي -

    طب سؤال معلش تانى .. انا الكاوتش عندى 175/70/13 بس فيه فرده وحشه فا فى واحد قريبى عنده فرده 175/80/13 وركبها و قاللى العريض احسن علشان الثبات و كده .. هل فعلا الكلام ده حقيقى؟ وال70 و 80 دول عرض الكاوتش؟

    بالنسبه لو هشترى فردتين كاوتش اشترى ماركة ايه و بكام و مقاس ايه يركب عندى؟ .. انا الفلوس قصرت معايا فا فى ناس قالتلى عاتلك فردتين قديم و مشى حالك و بيبقوا كويسين .. الكلام ده صح؟


  7. #7

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    اقتباس المشاركة الأصلية كتبت بواسطة windows9x مشاهدة المشاركة
    طب سؤال معلش تانى .. انا الكاوتش عندى 175/70/13 بس فيه فرده وحشه فا فى واحد قريبى عنده فرده 175/80/13 وركبها و قاللى العريض احسن علشان الثبات و كده .. هل فعلا الكلام ده حقيقى؟ وال70 و 80 دول عرض الكاوتش؟

    بالنسبه لو هشترى فردتين كاوتش اشترى ماركة ايه و بكام و مقاس ايه يركب عندى؟ .. انا الفلوس قصرت معايا فا فى ناس قالتلى عاتلك فردتين قديم و مشى حالك و بيبقوا كويسين .. الكلام ده صح؟
    لا 175 هو ده عرض الكاوتش علي الأرض او بيسموه عرض مداس الكاوتش
    و 70 هو ارتفاع الكاوتش بين الجنط و المداس
    و 13 ده مقاس الجنط
    الفرده اللي بيقلك ركبها دي أعلي من الأصلية و هتخلي العربية مش مضبوطة ولكن لو هتتحرك بيها داخل القاهرة بدون سفر مش مشكلة لحد ما تتصرف و تشتري كاوتش
    لو العملية مزنوقه معاك اشتري اي نوع كاوتش مشي بيه حالك و هات مقاس زي الأصلي بالضبط ولو عايز تشتري كاوتش نضيف فأحسن نوع استخدمته من قبل هو بريدجستون سواء ياباني او اندونيسي و بعديه ميشلان و بعديه بريللي و بقية الأنوع مش هتفرق من بعضها كتير
    و سيبك من موضوع الكاوتش المستعمل ده لأنك هتدفع فلوس علي الفاضي لأنها بتبقي خلصانه اساسا
    وبالتوفيق ان شاء الله
    و شوف الصورة دي هتوضحلك ازاي تحدد مقاس الكاوتش تفصيليا

    Uploaded with ImageShack.us

    م / إيهاب منصور
    SEAT CORDOBA 2002 1.0 16V AVZ


  8. #8

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    hasad">

    بقي كدة يا باشمهندس ايهاب والمهندس اسلام
    طب سيبولي حاجة اقولها

    ماشي

    اولا اهلا بيك في قسم سيات ومبروك عليك العربية

    ثانيا الرجالة قامت بالواجب واعتقد وضحوا لحضرتك كل شئ ماعدا بعض الأشياء عايز اعلق عليها

    - عايز اعرف سعر الرداخ او ترمبة البنزين للابيزا ال94 ال clx وسعر سير الكاتينه و المرايه الشمال و اليمين و هل ممكن اجيب االشمال بس؟

    طرمبة بنزين ابيزا 94 اعتقد كان في زميل جابها صيني ب70 جنيه
    سير الكاتينة 70 و 90 كونتيننتال
    المراية يمين او شمال 150 عادة 250 الكهرباء
    وينفع تجيب واحدة بس طبعا

    بالنسبة لمواعيد السيرفيس فدة موضوع طويل عايز مشاركة لواحده

    الفتيس بيعمل صوت خبطه كده كائنك بتخبط حديدتين فى بعض لما اجى اموور، دا عادى ولا محتاج ابص عليه؟

    حضرتك كدة عايز حشو للفتيس
    او العصاية سايبة من تحت وعايزة تربيط ليس اكثر وممكن يكون التيش بتاعها عايز يتغير او متركب بالمقلوب
    وياريت لو تفحص مستوي الزيت والأحسن لو تغيره خالص

    - عايز اغير الزيت، احط 5000 ولا 2000 و احط زيت ايه اصلا؟ مع العلم ان الموتور حالته مش حلوه بس مش هاعمره دلوقتى

    لو الموتور حالته وحشة الأحسن حط زيت شل الأحمر xph3 ثمنه 60 جنيه واكشف عليه اسبوعيا والأحسن تغيره كل 1000 - 1200

    - بالنسبه لفلتر البنزين و الزيت اجيبهم اى حاجه؟ و هل كل الفلاتر بتركب على كل العربيات ولا كل موديل وله فلتره؟ و اجيب صينى و كده ولا برضه اجيبه استيراد؟

    فلتر البنزين هات توبران او اي حاجة متوافقة (انا مركب نوع اسمه تشامبيون)
    الزيت توبران او اي حاجة متوافقة
    طبعا كل عربية وليها فلترها الا المتشابهات زي الأبيزا والبولو والجولف
    ياباشا الفلاتر مفيهاش استيراد وصيني زي الماني زي هندي مش بتفرق اوي


    - يعنى ايه بالضبط العفشه؟ يعنى ايه تتربط؟ و اربطها فين؟ بنزينه ولا ميكانيكى؟ و تقريبا بتتربط بكام؟


    العفشة عبارة عن مجموعة الأجزاء والقطع المتعلقة بالتوجيه (الدريكسيون) والعجل
    طبعا هي اجزاء كتير
    ولكن انا هقولك بعض الأشياء فيها
    المقصات - يوجد مقصين في كل جمب واحد علوي واخر سفلي بيمسكوا الطنابير والمساعد بيبقي قاعد علي السفلي ودوول ليهم كاوتشات وجلب ومسامير ربطاهم وليهم بيض بيتحركوا عليه
    البارات - عبارة عن حديدة في نهايتها بيضة بتتربط بمسمار وصامولة
    الميزان - ليه كاوتشات ومسمامير وصواميل

    عموما انت هتروح تظبط زوايا وخليه يقولك ايه المحتاج يتغير وطبعا تأجل الظبط
    وهتروح للعفشجي يعمل اللازم (لو تربيط فقط ممكن ياخد 25 جنيه لو هيشتغل هتبقي علي حسب الشغل بحد اقصي 150 جنيه لو هيهد ويبني من اول وجديد)
    وهترجع لبتاع الزوايا عشان يظبط (حسبه 40 - 50 علي حسب المركز وامكانياته وفي ب20 بس اي كلام وطحينة)
    هتمشي اسبوع وترجع للعفشجي يربط (التربيط التاني مجانا طبعا او ممكن تديله 10 جنيه)
    هترجع تاني لبتاع الزوايا يراجع علي شغله ولو في ظبط بسيط وبردو مجاني او اديله 10 جنيه

    ربنا يوفقك ويقدرك عليها
    ولو احتاجت اي حاجة عينيا الأتنين ليك في اي استفسار او لو عايز تعرف تروح لمين

    والله المستعان
    ،
    ،

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك



 

المواضيع المتشابهه

  1. ابيزا 98 لسه جديده وشوية أسئله محتار فيها
    بواسطة Dr.cairoky في المنتدى ســـيات
    مشاركات: 4
    آخر مشاركة: 21-12-2011, 01:47 PM
  2. ابيزا 98 استحملونى بقى شوية أسئله
    بواسطة Dr.cairoky في المنتدى ســـيات
    مشاركات: 12
    آخر مشاركة: 20-12-2011, 01:20 AM
  3. ابيزا 1994
    بواسطة Ahmed Mubarak في المنتدى ســـيات
    مشاركات: 12
    آخر مشاركة: 05-07-2010, 01:30 PM
  4. ابيزا 1994
    بواسطة Gogy في المنتدى قســم خاص لبيع السيارات فقـــط
    مشاركات: 5
    آخر مشاركة: 09-08-2009, 01:48 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2