تحذير لكل مالكى نيسان صنى الجديدة 2013

**FBIAhmed** · 28-08-2012 05:58 AM

للاسف مادام العربيه متجمعه هنا توقع اي حاجه لان الكواليتي كونترول زي الزفت مش عيب تجميع هو عيب كواليتي كونترول و الي حصل في عربيتي ده كواليتي كونترول انا العضو الي دكتور يوسف بيكلم عليه و العيب الي عشانه غيروا الفتيس كان ان الفتيس بيرشح زيت و العربيه لسا في المعرض عامله 70 كيلو و انا لاحظته بعد ما اشترتها بيومين يعني يبان للاعمي و مع الاسف العربيه خرجت من الصنع و اتباعتلي و كانت لسه عامله 200 كيلو بس اه التوكيل محترم و اه نيسان شركه محترمه بس العامل المصري عنده ازمة ضمير و لعلم حضرتك تغيير اي قطعه في العربيه تكلفتها عليهم 0 و مهندس الضمان قالي كده لما عملت الفتيس لان هما الي بيعملو الفتيس مش بيستوردوه من شركه تانيه يعني لو العامل بتاع الكواليتي كان بص شويه كانوا غيروهم قبل ما العربيه تطلع من المصنع

و عندي كمان اخبار من مصدر ان فعلا التسليم اتاخر بسبب اكتشاف المصنع العيب بتاع المساعدين و اخروا دفعات على الموزعين لتغيير المساعدين

المشكلة ازمة ضمير

**د. علاء ابراهيم** · 28-08-2012 06:36 AM

المشاركة الأصلية كتبت بواسطة youssef.awad

طيب هو حضرتك شوفت ترشيح الزيت ازاى ؟
هما المساعدين بيبانوا من الشنطة ولا شوفتهم مثلا وانت رافع العربية بتتغسل ؟
ارجو الافادة ..

متضامن مع الاخ يوسف فى السؤال لتانى مرة
انتا اكتشفت العيب ازاى؟؟ ايه اللى شفته او لفت انتباهك؟
الاخ يوسف كرر سؤاله مرتين و انا باكرره لتانى مره
ولو فيها رزاله بس اصل حضرتك جاوبت عن اسئلة كتير فى هذا الموضوع و سبت اهم سؤال
و اسف على الازعاج و الالحاح

**abokaki2003** · 28-08-2012 03:20 PM

السلام عليكم
بصراحة يا جماعة و بدون احراج , لما ابتدا صوت الخبط يزيد و التعويم بعد ما وصلت بالسلامة جبت دواسة الشنطة و نزلت تحت العربية من الخلف و شفت الزيت مسيل على جسم المساعد ين الاثنين من الخارج و طبعا المنطقة الخلفية من العربية لا يوجد فيها اى مصادر للزيت غير زيت الفرامل و ده لو حصل له تسريب حيبقى على الجنوط من جوه ,

**limo81** · 28-08-2012 10:05 PM

الله ينور ع اليقظه والانتباه

**Bishoy.Girgis** · 28-08-2012 10:33 PM

المشاركة الأصلية كتبت بواسطة abokaki2003

السلام عليكم
سيدى الفاضل / المنسق العام لقسم نيسان
انا لم اشتكى التوكيل بل بالعكس انا قلت انهم غيروا المساعدين بدون نقاش , انا كتبت الموضوع لانه غير منطقى ان سيارة زيرو و مساعدينها تتلف بهذه السرعة حتى لو محمل طوب بالشنطة و على فكرة لو حضرتك استعرضت المشاركات لهذا الموضوع لعرفت انها شكوى من بعض الناس مثل سماع تزييق من الخلف و ده اللى حصل معايا الاول , و شكرا

لاحظ ان عنوان الموضوع مكتوب تحذير : و من اول وهلة الناس هتفهم انه عيب عام في العربية .. و انا كمنسق لقسم نيسان و متابع ليه اعرف ان عنوان الموضوع بيؤثر علي القارئ و هتلاقي ان موضوعك دخل عليه 712 قارئ في 48 ساعة غير مواضيع تانيه في خلال الفترة ممكن ميدخلش عليه الرقم ده

فمعلش خلوا بالكوا يا جماعة ان عنوان الموضوع حاجه مهمة جدا جدا في محتواه

و علي فكرة دا مش دفاع عن نيسان او التوكيل لكن بحب اوضح فكرة كيفية وضع عنوان لموضوع

يمكن يكون حضرتك اول مرة يحصل معاك حاجه زي ديه و تتعرض لموضوع عيب التصنيع .. دا عادي جدا و بيحصل و حظك انه حصل معاك لكن المساعدين متلفوش لأنهم اصلا تلفانين من اول يوم اتركبوا فيهم فعشان كده الضمان موجود عشان يشيل عيوب التصنيع و الحمدلله اننا معانا وكيل محترم زي توكيل نيسان

شكرا جزيلا

**محمد بدر** · 29-08-2012 12:47 AM

المشاركة الأصلية كتبت بواسطة peaceman

لاحظ ان عنوان الموضوع مكتوب تحذير : و من اول وهلة الناس هتفهم انه عيب عام في العربية .. و انا كمنسق لقسم نيسان و متابع ليه اعرف ان عنوان الموضوع بيؤثر علي القارئ و هتلاقي ان موضوعك دخل عليه 712 قارئ في 48 ساعة غير مواضيع تانيه في خلال الفترة ممكن ميدخلش عليه الرقم ده

فمعلش خلوا بالكوا يا جماعة ان عنوان الموضوع حاجه مهمة جدا جدا في محتواه

و علي فكرة دا مش دفاع عن نيسان او التوكيل لكن بحب اوضح فكرة كيفية وضع عنوان لموضوع

يمكن يكون حضرتك اول مرة يحصل معاك حاجه زي ديه و تتعرض لموضوع عيب التصنيع .. دا عادي جدا و بيحصل و حظك انه حصل معاك لكن المساعدين متلفوش لأنهم اصلا تلفانين من اول يوم اتركبوا فيهم فعشان كده الضمان موجود عشان يشيل عيوب التصنيع و الحمدلله اننا معانا وكيل محترم زي توكيل نيسان

شكرا جزيلا

اولا" تحياتى لحضرتك وشخصك الكريم
كنت اود ان لا اختلف مع سيادتك ولاكن احب ان اعرض وجهة نظرى من حيث العنوان
فمن وجهة نظرى انه مناسب للموضوع لسبب انى عندما اقوم بشراء سيارة جديدة لاينبغى ان أجد فيها كل هذه الملاحظات وبعيدا عن المساعدين يوجد ملاحظات اخر لا أحد ينكر ذلك ولاكن هو حال معظم السيارات التى يتم تقفيلها فى مصرنا الحبيبة
فأعتقد ان كلمة تحذير ممكن تفيد أكثر من ان تضر نعم تفيد المقدم على الشراء ان يفحص السيارة بعناء قبل الأستلام ولاخاب من أستشار السابقين واصحاب الخبرة
واعتقد ان هذا التعبير ليس له أى ضرر أو تأثير على كيان أو صرح عملاق زى نيسان بس المشكلة احنا عاطفيين شوية
واخيرا ارجو من حضرتك ان تتقبل مرورى
ولك خالص تقديرى واحترامى

**Ahmed.TV** · 29-08-2012 04:28 PM

مبدئيا اولا
سبب تاخير العربية مش انهم اكتشفوا العيب والكلام ده .. سبب التاخير انهم عليهم ضغط فى انتاج العربية
لان كان مفروض ينتجوا 900 عربية فى الشهر .. ووصلوا انهم بينتجوا 1800 عربية فى الشهر .. وده كان اكبر من الخطة الانتاجية
كفاية العربية قبل افتتاحها فى شهر 6 كان عليها حجز 3000 عربية
ومع ذلك الضغط بيحاولوا يركزوا فى تقفيل العربية والانتاج

الكلام ده نقلا عن مسئولين من مصنع نيسان وبالاخص السيد نامبو .. فى حضورى لمؤتمر لنيسان فىا لماريوت الخميس السابق 23/8

ثانيا
فى حالة ظهور عيب صناعة على جميع العربيات يا شباب .. العربيات اللى طالعة من عندهم واتقفلت معروف هى كام عربية ظهر فيها العيب ده .. لان فى ارقام شاسيه .. وساعتها حيبلغوا العملاء عشان يغيروا فى التوكيل ..ده فى حالة لو فى عيب صناعة على الكل

وهنا فى حالة صديقنا صاحب الموضوع .. وعلى ترشيح الزيت .. ده عيب صناعة لحالة فردية .. ومن حقه يغيره فى الضمان .. لان فى خدمة ما بعد البيع .. وشركة نيسان من افضل الشركات اللى بتقدمة خدمة ما بعد البيع فى مصر .. ونحن كملاك لسيارات نيسان نشهد بذلك

ووارد ان فى عيب صناعة بيظهر فى اى سيارة وفى اى منتج غير السيارة والا مكنش اخترعوا خدمة ما بعد البيع

واعتقد صديق وزميل لينا قال ان مرسيدس نفسها كان فى عميل عنده وظهر فى عربيته عيب صناعة وتم التغير

المهم نرجع بقا الى موضوع ان فى اعضاء اشتكوا من المساعدين الخلفية .. فدول اشتكوا من تزيق مش ترشيح زيت

وموضوع التزيق بيظهر فى عربيات وعربيات عشان عيب تقفيل .. واخدوا بالهم منه .. وحيعالجوه باذن الله

-

-

الموضوع: تحذير لكل مالكى نيسان صنى الجديدة 2013

LinkBack

أدوات الموضوع

عرض

-

-

-

-

المواضيع المتشابهه

لكل الاسكندرانية من مالكى سيارات نيسان تم افتتاح مركز (نيسان أحمد مرعى) بالأسكندرية

حصريا نيسان ألتيما 2013 الجديدة من معرض نيويورك الدولى للسيارات

نيسان صنى الجديدة 2013

نيسان صنى الجديدة 2013

تقرير بالصور عن نيسان سلفى 2013 الجديدة .. مفهوم جديد لنيسان شكلا وموضوعا

الكلمات الدلالية لهذا الموضوع

المفضلات

المفضلات

ضوابط المشاركة