الموضوع: تحذير لكل مالكى نيسان صنى الجديدة 2013

السلام عليكم
اشتريت الصنى 2013 من شهر تقريبا و تصوروا المساعدين الخلفيين جابوا زيت بعد حوالى 1500 كم فقط , المهم رحت التوكيل بعد ما عملت صيانة ال 1000 كم و يصراحة غيروهم على طول من غير نقاش , بس حاجة غريبة ازاى عربية زيرو و مساعدينها تجيب زيت على الرغم انى ما حملتش العربية زيادة او باخذ مطبات و , حريص قوى فى سواقتى , المهم يا جماعة لزم التنويه و التحذير !!!!

كل عربيه وممكن يبقي فيها عيوب صناعه واكيد ده مش حال كل العربيات وبتبقي حالات شاذه وحضرتك ننصيبك وقعك في دي والحمد لله الناس غيروها وفي اعضاء كنير هنا اشتروها وبيشكرو فيها ومجبوش سيرة المساعدين خالص

يعني ايه جابوا زيت ؟

المشاركة الأصلية كتبت بواسطة bebo382

يعني ايه جابوا زيت ؟

جابوا زيت يعنى بالبلدى باظوا
و المعروف ان بعض انواع المساعدين بيبقى بداخلها زيت هيدروليك و لما الزيت ده بيخرج بره المساعد و تراه على جسم المساعد الخارجى يبقى حصل تسريب و اصبح المساعد غير صالح ,,,

السلام عليكم
بصراحة يا جماعة و بدون احراج , لما ابتدا صوت الخبط يزيد و التعويم بعد ما وصلت بالسلامة جبت دواسة الشنطة و نزلت تحت العربية من الخلف و شفت الزيت مسيل على جسم المساعد ين الاثنين من الخارج و طبعا المنطقة الخلفية من العربية لا يوجد فيها اى مصادر للزيت غير زيت الفرامل و ده لو حصل له تسريب حيبقى على الجنوط من جوه ,