الموضوع: تحذير لكل مالكى نيسان صنى الجديدة 2013

المشاركة الأصلية كتبت بواسطة الغزالى

هيا بصراحه التوكيل محترم اوى ...
بس ليا تعليق لانى سمعت المشكله دى من عميل برضو فى المعرض بس كان بيقول غير المساعدين على 270 كيلو ... فا الله اعلم دى عيب صناعه ولا مشاكل فى نوع المساعدين

سواء كده او كده .. المهم عند اى عميل ان اى عيب يتصلح ويتغير
امال يبقى ضمان ازاى ؟!!!

المشاركة الأصلية كتبت بواسطة Y a r i s

ماشي التوكيل محترم .... بس الراجل بيتكلم عن العربية معقولة تجبهم بسرعه كده ... فالسؤال هنا هل العربية محترمه ولا لأ. مش الوكيل .... لانوا كده او كده لن يستطيع ان يمتنع عن التصليح. حتى لايتم التشهير به وتدمير مستقبل منتج جديد. بس انا لاحظت واحد بيقول غير ضفيرة والتاني غير مساعد والتالت علبت دريكسيون. هو مفيش حد غير متور !!!!

نيسان مش بتغير قطع غيار فى الضمان عشان سمعتها والكلام ده
بتغيرها لما تثبت انها فعلا بايظة ولازم تتغير وبيتعمل بيها تقرير وتتبعت المصنع وبتسترد ثمنها من الشركات المصنعة والمغذية لخط الانتاج بعد فترة
بالمناسبة انا معايا صنى قديمة 2010 وغيرت ضفيرة كهرباء وكلاكس (مرتين) ومقصات ومفاتيح باب السواق فى الضمان .. وغيرى ناس كتير اوى واللى برة المنتدى اكتر بكتير من الاعضاء فيه
روح بنفسك اى مركز خدمة واسمع العملاء بيقولوا ايه لمهندسى الاستقبال وشوف ايه اللى بيتغير فى الضمان بكل ادب واحترام لأنهم معترفين بوجود عيب حتى لو مش شائع برضه بيتأكدوا منه ويديله اهتمام ..

عكس ما بنسمع عن توكيلات كبيرة ليها صيت وبتبيع الاف العربيات كل شهر سواء كورى او فرنسى او حتى المانى ولما تروح تشتكى من اى حاجة فى العربية .. تدخل وتخرج بدون اى تغيير ويطلع عينك لما تاخد حقك منهم

من معارفى .. اعرف واحد غير موتور فولكس فاجن توران فى الضمان بعد 10 الاف كم وواحد تانى غير فتيس الرينو ميجان 2 مرتين خلال 60 الف كم و3 سنين !!!!

المشاركة الأصلية كتبت بواسطة mmbadroo

دكتور / يوسف
خالص تقديرى وأحترامى لمعاليك
لا أنكر انى استفيد من كل مشاركاتك واتتبعها واقرائها بكل عناية لأنها دائما تضيف لينا معلومات جديدة وتحترم
ولاكن اسمح لى ان اتحفظ على هذه المداخلة - وبسبب انه من خلال متابعتى على هذا المنتدى لفت نظرى كثرة الشكاوى من نيسان صنى 2013 على وجه الخصوص - فأرجو منك شخصيا الأهتمام بهذا الموضوع وطرح المشاكل والحلول بمنتهى الحيادية والموضوعية بعيد عن ان السيارة تحمل لقب نيسان
حتى تعم الفائدة على الجميع

شكرا يافندم على كلامك الجميل ده اللى اكيد ما استهلوش للدرجة دى
بالنسبة لأبرز المشاكل المطروحة بالصنى الجديدة .. مشكلة التزييق من العفشة الخلفية او المساعدين تحديدا
والمعلومات اللى عندى عنها ذكرتها فى الموضوع التالى ومنتظرين فعلا يكون ليها حل ..
http://www.nilemotors.net/Nile/303597-2013.html

المشاركة الأصلية كتبت بواسطة abokaki2003

جابوا زيت يعنى بالبلدى باظوا
و المعروف ان بعض انواع المساعدين بيبقى بداخلها زيت هيدروليك و لما الزيت ده بيخرج بره المساعد و تراه على جسم المساعد الخارجى يبقى حصل تسريب و اصبح المساعد غير صالح ,,,

طيب هو حضرتك شوفت ترشيح الزيت ازاى ؟
هما المساعدين بيبانوا من الشنطة ولا شوفتهم مثلا وانت رافع العربية بتتغسل ؟
ارجو الافادة ..