الموضوع: عفاريت الاسفلت

المشاركة الأصلية كتبت بواسطة hmada9009_99

الحل ممكن مايكونش يعجب حضرتك وهو انك تكبر دماغك زي مابيحصل لحضرتك بيحصلي وبيحصل لكل ناس ثم خدبالك انك مش هتربي ناس ده سلوك وتعامل ثم خد بالك انك ماتفتكرش انه بيعمل كده كل يوم ويطلع لسانه لناس وبعد كده يروح بيته لأ انا قدام عينيا على دولي واحد نفس الطريقه وراح كابس وراه ترلا ومطيراه الناحيه التانيه الكلام ده من كزا سنه فامتفتكرش انه مابيخدش جزاءه هو ناس ديه ببتربى بس عن طريق شارع الشارع بيعلمهم الأدب وزي ماهو وغيره قليل الأدب هيلاقى الي ياعملو بنفس المنطلق فأنت مدمرش عربيتك ولا تحرق وتستهلك من عمرها علشان عيال بيجروا بعربيه وخدنها من ابوهم ولا امهم ومش ماقدرينها طيب انا احكي لحضرتك قصه انا كنت ماشي في اسكندريه ومره واحده واحده نطت قدامي فطبيعى هديت بس ماكبستش وبعديها مشيت وبعد كده لقيت واحد ورايا بالأنترا عمال يقل في ادبه روحت موقفه وبقوله هو حد جه ناحيتك قالي ماهو انت بتكبس فرامل قولتله امال اشيل البنت وامشي قالي ماتشيلها ولا تروح في داهيه قولتله كده قالي اه روحت بامد ايديه من الشباك ولسه هامسك واشده بره شباك لقيته بيقفل الأقزاز وراح طلع جري وكان هيقفل على ايدي طيب مدام انت جبان بتقل في ادبك ليه ؟ الأجابه لأنه مش محترم ومش متربي فده سلوك

الحل مش هيعجبنى ف ايه ياباشا مانا ده اللى انا نفسي فيه بس مش عارف اتحكم فيه ده وصلت معايا انى بقيت اعمل اتصلاتى اثناء القيادة لتشتيت زهنى عن هذه الكائنات ونجحت النهاردة ف الحوار ده وتجاهلت كام حوار وعلمت نفسى مش من هنا بس بردو بنعالج الغلط بغلط
وبالنسبة للجبناء فمشاء الله انتشرو كمان بعد الثورة اوى كل واحد بيحاول يركب عرف يبقا بيس معرفش يبقا ينزل وياخد تاكس

المشاركة الأصلية كتبت بواسطة احمد المصرى

الحل هيا ثوره فى الاخلاص احنا شعب معندوش اى اخلاق وانا مروح يوميا لاكتوبر فى من بدايه الطريق الصحراوى لحد اكتوبر كام اشاره ضويه نادرا لما الاقى حد بيحترمها اذاى شعب عايز يتقدم ولسه مش عارف يحترم الاشاره الضوئيه !!!!!!!!!!!!!!!!!!!!!!!!!!!!!!!!!

والله انا قلتها قبل كده انا محتاجين ثورة اخلاق محتاجين فورمات واعادة تأهيل للشعب كله القليل

المشاركة الأصلية كتبت بواسطة haitham1985

الإعدام رميا بالبلغــــــــــــة

ومالو بس هتلاقى ناس تقول كمان

المشاركة الأصلية كتبت بواسطة moha4tec

نفس الحوار حصل معايا اليومين اللى فاتو
و الله بيرمو جامد على .اللى ماسك الشمال و فجاه افتكر انه داخل النزله اليمين دى من على الدائرى و الاقيه ماشاء الله حدف قدامى مره وحده و كبس فرامل على اخره .و فاديته بالعافيه و لما شتمته بالكلاكس مش عاجبه .ههههه
وواحد تانى عمال يسخن فيا عشان اشد معاه و انا اصلا مخدتش بالى الا فى الاخر ههههههههه و عمال يجي جنبى يمين فى شمال و كلاكسات و يجيى قدامى و يضرب انتظار .و هو مروش العربيه و مركب ديفيل و حركات ههههه .و انا منفض و ماشى ما بين 80 الى 110 على الدائرى .و قعد يخرج راسه و يبصلى جامد و مش مصدق انى مسخنتش عليه هههههههه
قام حارق و جارى
انا اصلا اعصابى بقت بايظه من كتر الناس اللى بترمى على و فاكرانى عربيه سبق .(دى اخره اللى يروش عربيته و يخليها حلوه هههههه)كل ده عشان عملت الكبوت اسود مط ههههههههههه و من ساعتها و ناس كتييييييييير بترمى على و ناس عوزه تشد معايا.و انا بصراحه الكوتش عامل 44 الف كم و مش هيسعفنى فى الفرامل . و كذلك التيل قرب يخلص كمان .فمش طالبه حوادث .و الله كنت بضرب فرامل و اقف فوقيها من قوة المفاجاه من الحدف الهبل اللى بيعملوه لان الطريق زحمه و ملفات و يمينك و شمالك مليان فمفيش مفر من الحادثه
ربنا يستر طريقنا كلنا كبر دماغك و ريح .و تعالى نتقابل و نقعد على اى كافيه و نحكى و ننسى اى مشاكل و هموم.

نفسي اجيب مايك واشتم بصوت عالى واقول مثلا سواق العربية رقم كزا كزا سواقها خخخخ

المشاركة الأصلية كتبت بواسطة mohammedaladel

الحل إنك كنت بلغت فيه

صباح الفل ياباشا انتا مش ف الكوكب ؟ ده انتا دلوقتى مبتعرفش تبلغ عن عربيتك لو اتسرقت لقدر الله هتروح تبلغ عن رعونة سواق

المشاركة الأصلية كتبت بواسطة omar_fekry

الحل فى الاخلاق و السلوكيات و لللاسف ده بقى نادر فى مصر الا من رحم ربى

فعلا