الموضوع: وصول البريليانس v5 مصر - شبيهة ال x5

العربيه شكلها حلو ..الاداء هايكون متوسط ( هايرضي الفئه العظمي من الناس)
المشكله ان الواحد بيتكسف انه يركب عربيه تقليد ..بيكون حاسس انها نقطه ضده مش في صالحه زي ماتكون شايل موبايل صيني شبه الاي فون هاتبقي مكسوف

المشاركة الأصلية كتبت بواسطة bakkarahmed

العربيه شكلها حلو ..الاداء هايكون متوسط ( هايرضي الفئه العظمي من الناس)
المشكله ان الواحد بيتكسف انه يركب عربيه تقليد ..بيكون حاسس انها نقطه ضده مش في صالحه زي ماتكون شايل موبايل صيني شبه الاي فون هاتبقي مكسوف

لما حضرتك تشوف العربية على الطبيعة لها شكلها واستقلاليتها وهتعجبك ومختلفة بس شوفها على الطبيعة ومش هتتكسف ولا حاجة وبعدين الاتنين شركة واحدة وتوكيل واحد ومصنع واحد ودة دليل قوة ومش كسوف عشان تطمن وبعدين لولا اختلاف الاذواق لبارت السلع السوق الفترة القادمة للصينى ومش اى صينى

المشاركة الأصلية كتبت بواسطة i_Am_Legend

العربية دي هاتبيع علي حس الشكل فقط لاغير...الاداء انا اتوقع ان ضعيييييييف ....لان الموتور ضعيف جداا..والعربية وزنها تقييييل...هاتبقي الطلعة تقيلة جدا..

Performance will not be any less than qashqai and sportage. its powered by mitsubishi engine . and more than 50000 le less price . good deal
119000-130000-136000

المشاركة الأصلية كتبت بواسطة Amr_Moh

Performance will not be any less than qashqai and sportage. its powered by mitsubishi engine . and more than 50000 le less price . good deal
119000-130000-136000

يا جماعة انا شايف خلاف علي حاجة غير منطقية
اولا انا راكب اوكتافيا
علشان ماحدش يفتكر اني بدافع وخلاص
اولا دخول اللينيا والفلونس والفيات في المقارنة والسادة اللي ذكروا اي عربية سيدان بقولهم المقارنة غلط
لا يوجد مقارنة بين الكيلو جرام والمتر الطولي
العربية فئة suv يعني اللي يقارن هايذكر القشقاي والاسبورتدج وممكن الكارينز بــــــــــــــــــــــــ ــــــــــــــــــس
ثانيا عاوزين نكون موضوعيين في اي كلام بنقولة بدون التحيز
يعني اللي راكب اوروبي وجهة نظرة ان باقي العربيات مالهاش لازمة وللي راكب ياباني عمال يوصفلك في جمال التكييف واللي راكب امريكاني بيقول علي اللاثنين انهم راكبين تكتك
احب اذكر كل السادة الافاضل انهم يبصوا في انتاج موبيلاتهم ولاباتهم وتلفزيوناتهم والكاسيت والسماعات اللي في العربية هايلقوا انهم ماركات بس مصنوعين في الصين فبلاش كل واحد يقولك انت بترمي فلوسك واحب اذكر اللي راكب كوري ان نفس الكلمة كانت بتتقال علية
ولذلك احب انوه ان اللي بيتة من زجاج مايحدفش الناس بالطوب
نيجي فعلا نتكلم عن العربيات السابقة للعربية دي واللي انتشروا جدا وبيعملوا بكفائة وخامتهم ممتازة وعربيات بجد ماسكة نفسها ولسة موجودة في السوق مش زي عربيات كوري او صيني اختفت تماما ومابقلاهش وجود خالص
ودة دليل علي ان ماركة العربية كويسة فعلا والدليل الجالينا و frv

ثالثا نتكلم عن المقارنة الفعلية
بالنسة للسعر هي اقل سعرا من القشقاي حوالي 50 الف ومن الاسبورتدج 70 انا بتكلم علي اعلي فئة للكل
بالنسبة للشكل العربية ليست اقل جمالا من الكيا وان كنت شايف انها احلي من النيسان
بالنسبة للخامات الي حد كبير الخامات جيد والافضلية للنيسان ويليها v5 ويليهم الكيا اللي كلها بلاستيك من جوة بشكل مستفز واللي تعليقي علي كل الكيا انها عربية من برة انما من الداخل كنبة
بالنسبة للموتور موتور الكيا والنيسان ممتازين وموتور البرليانس هو الاقل لانة في الغالب موتور لانسر بومة
ودي نقطة الضعف غالبا في برليانس انهم بيحطوا مواتير قديمة نسبيا
بالنسبة للقياسات الفعلية للعربيات الثلاثة اعتقد ان البرليانس مناسبة جدا ومنافسة ايضا
بالنسة لاسم الشركة برليانس هي الشركة الصينية اللي بتجمع البي ام واعتقد انها بقي ليها اسم جيد جدا زي بروتون

بالنسبة لية انا بفكر بجدية اني اشتريها واللي مش عاجبوا هو حر مافيش حد هايخليه يركبها بالعافية

وتقبلوا مروري اخوتي الاعزاء