مؤشر العداد عندى بيرعش

**zendo** · 28-08-2012 04:24 AM

عندى المؤشر بيرعش بتاع السرعة غيرت عداد وغيرت واير السرعة حتى الميكانيكى غيرلى المكنة اللى بيركب فيها الواير اللى راكبة فى الفتيس جابلى واحده من عنده بس قالى كويسة وبرضة بيرعش وبسمع صوت خرفشة الواير فى العداد انما مثلا لو وصلت لسرعات عالية تبتدى الاهتزاز بتاعة يقل ويبقى كويس على سرعة 100 و انا بحس كده انه رعشتة بتقل لما الغيار بيجيب اخرة نسبيا انما على سرعة 100 مش بيرعش تفتكرو ايه السبب
فية حاجة كمان لما بنور النور العالى الاربى ام بينزل شويه فهل يبقى من ايه

**exact** · 28-08-2012 04:58 AM

وانت فاكك الواير اغسل الواير والجراب باسبراي wd40 لأن دي مشكلة تراب او رمل جوه الواير

بخصوص هبوط الار بي ام ده نسبيا ميقلقش لأنك غالبا مركب لمبات عاليهفبتسحب كهربا من العربية ككل... والمفروض ان كونترول العربية او الكربيراتير معمول فيه حساب حاجة زي كده... مثلا عندي فالسويفت فيه دراع بيسند همسه بنزين زيادة لما تقيد النور او مروحة الردياتير تشتغل او مروحة الصالون او سخان الازاز الخلفي (الحاجات اللي لها حمل كهربي)

**د. علاء ابراهيم** · 28-08-2012 05:44 AM

و الله اعلم
اللى اعرفه ان لو المؤشر بيرعش فده معناه ان الوير مشدود قوى ( قصير فمشدود مش مريح) و بعدين انتا بتسمع صوت دوران الوير فواضح ان فيه حاجة مش تمام السلك ده لازم يتغير عند واحد بتاع عدادات و يكون بيفهم و باذن الله المشكلة تتحل و الله اعلم