أسئلة بالصور عن أوبل كورسا 95

**kangaro** · 31-08-2012 12:25 AM

السلام عليكم ورحمة الله وبركاته ...
أولاً .. تحياتي لكل الأعضاء المحترمين ..
ثانياً .. الحمد لله اشتريت كورسا 1995 .. ودي أول عربية امتلكها .. وبطبيعة الحال بما إني جديد في العربيات والسواقة والألماني وكل حاجة .. عندي أسئلة كتيييييير جدا ممكن بعضها يكون تافه بالنسبة لناس كتير بس الغريب أعمى ولو كان بصير ..
أنا صورت بعض الحاجات اللي عايز أسأل عنها "مبدئياً" وأرجو من حضراتكم المساعدة والمشورة ..
نبدأ بسم الله الرحمن الرحيم
1.
لمبة الانتظار منورة على طول .. ده طبيعي ولا ايه ؟؟

2.
الراديو ما بيجبش غير محطة واحدة على الاف ام "الأغاني" .. حد يعرف ازاي اظبطه .. مع العلم اني مركب الايريال ؟؟

3.
الزرار اللي فيه حته صفرا ده بتاع ايه ... بضغط عليه ما بيعملش حاجة ؟؟

4.
اللمبة دي بتاعة ايه ؟؟؟

5.
الكرسي اللي جنب السواق بيتحرك ازاي .. ولا ما هو بيتحركش أصلا ولا مكسور منه حاجة ؟؟

6.
المفروض مستوى الميه يكون لحد فين ؟ .. وهو في علامة ولا لأ ؟

7.
ايه ده ؟؟؟ جنب الكرسي الأمامي ؟

8. في حاجة المفروض تنور غير لمبة الزيت والبطارية وفرامل اليد "واللمبة الصفرا اللي فوق" ؟؟ لأني شايف في حاجات تانية بس مابتنورش ؟؟

9. لمبة الزيت ساعات بتنور وانا سايق خاصة على الأول والتاني ؟؟

لسه في أسئلة تانية كتير بس ده أول الغيث .. منتظر ردودكم .. ومعلش اذا كنت طولت عليكم .. وجزاكم الله خيرا

**tananybasha** · 31-08-2012 12:52 AM

طيب الأول الف مبروك
بعد كده هاجاوب على اللى اعرفه و الباقى للزملا بقى
1. اه لمبة الأنتظار منورة على طول و بتدى فلاشر لما تشتغل
2.و لا بافهم فيه حاجة الكاسيت ده
3. ده زرار الشبورة الخلفية بتاع لمبة الفرامل الشمال اللى تحت خالص بتنور زى الرامل نور عالى بدل النور الواطى مع اضاءة كشافات العربية سواء على العالى او الواطى
4. دى لمبة Check Engine و معناها لمبة فحص حساسات العربية فيه حساس مسجل خطأ و بكده لازم العربية تتحط على اسكانر او تراجع الضفيره
5.معرفشى
6. المستوى بيبقى عند نص القربه عند علامه مكتوب عليها ماكس بس مش عارف عنكم و لا لأ
7.ده جهاز اطلاق حزام الأمان فى حالة الطوارئ و الحوادث الكبيره لا قدر الله لأنه فى حالة الحادثه بيقفل مش بيفتح غير لما تفتح جهاز اطلاقه
8. مش كل اللمضض بتنور و على العموم المتعارف عليه ( زيت - دينامو - فرامل اليد - الأشارات - النور العالى - لمبة الأعطال - و مش عارف لو فيه لمض تانى فى الكورسا غير دى عشان اعتقد فيه لمبة للباور بس مش متأكد اعذرنى)
9. عندك كذا احتمال يا باشا فى النقطه دى
- طرمبة زيت وحشة
- فلتر زيت مسدود
- مكنه الزيت اللى اسمها ساعة الزيت وحشه
- نوع الزيت وحش
- السبيكه فيها حاجة لا قدر الله
غير زيت و فلتر الأول وجرب و ربنا يسترها
10. فين باقى الأسئله و انا سخن كده

**فادى محمد** · 31-08-2012 12:59 AM

مبروك عليك العربيه
1-ده الطبيعي
2-الراديو ده معقد في ناس افضل مني هتعرففك تتعامل معاه انا مش بشغله نهائي
3-ده زرار لمبه الشبوره الخلفيه اللي تحت الستوب ممكن تتاكد من انه متوصل
4-دي لمبه الاعطال لو منوره وانت ماشي ده معناه ان عندك مشكله في احد حساسات الموتور ولازم تحدد المشكله وتغيره
5-مش عارف
6- المستوي كده مظبوط تمام
7-ده غطا فبر زي ماهو واضح تحته رقم شاسيه العربيه اقفله كويس
8-لا مفيش
9- اللي يخلي لمبه الزيت تنور مستوي الزيت قليل-سدد في فلتر الزيت-ساعه او حساس الزيت عاوز يتغير او فيشته مهزوزه

**فادى محمد** · 31-08-2012 01:02 AM

الله ينور يا طناني
بينا 7 ثوان والرد متطابق تقريبا
استاذ يا كبيرررررر

**tananybasha** · 31-08-2012 01:11 AM

7 دقايق يا فادى
مش ثوانى
بس رقم الشاسيه فى الجنب اليمين صح

**فادى محمد** · 31-08-2012 01:31 AM

رقم الشاسيه جنب الراكب الامامي يمين العربيه

**tananybasha** · 31-08-2012 01:53 AM

تمام
اصلى اكتشفت وانا باعمل الأرضية
انى قفلتها
هادور على مكانها و اقطع الجلد عشان عندى فحص فنى
انا حبيت اتأكد
شكراً يا عم فادى يا كبير الدمايطه

**احمد فهمى** · 31-08-2012 08:38 PM

كنت فى الحرفيين ارجع الاقى الرجاله ردت على كل حاجه ماشى :) عمتاً رقم ٥ الدراع فى نفس المكان اللى فى كرسى السواق وهو مكسور فى الكرسي التانى او متغطى تحت الفرش اللى راكب

الموضوع: أسئلة بالصور عن أوبل كورسا 95

LinkBack

أدوات الموضوع

عرض

-

-

-

-

-

-

-

المواضيع المتشابهه

كورسا 2010 ... فضيحة جناح أوبل بمعرض فورميلا الاهرام (بالصور)

أوبل كورسا الجديدة

أوبل كورسا 99

عايز أشترى أوبل فيكترا وعندى أسئلة كتير

الكلمات الدلالية لهذا الموضوع

المفضلات

المفضلات

ضوابط المشاركة