الموضوع: مقارنة بسيطة

المشاركة الأصلية كتبت بواسطة ramymt

السلام عليكم ورحمة الله وبركاته
انا ولله الحمد كنت ناوى اشترى عربية جديدة وكان نفسى اركب عربية عاليه وكانت عاجبانى اوى النيسان القشقاى بس لاقيتها غاليه اوى علي عشان انا كان نفسى اركب الاوتوماتيك منها
وبعدين قلت مش لازم اركب عربيةعاليه واستقريت على نيسان صنى الجديدة و بعدين وانا بدور فى اسعار العربيات لقيت سعر الداستر قريب شوية من الصنى علما بان الصنى تمنها100000 جنيه وبعدين العربية شكلها عاجبنى اوى بس المشكلة الوقتى انى مش بشوفها كتير حتى هنا فى قسم الرينو مش بلاقى لها مواضيع كتير ومش حد كتير راكبها
وحتى المواضيع اللى لاقيتها لقيت الناس بتشتكى فيها من تقفيلها ومن شكل التابلوه والرفاهيه
فياريت كل الاخوة الافاضل اللى راكبين العربية دى او جربوها يفيدونى موضوع التقفيل والرفاهية دى هحسها اوى ولا لاء وهل هينزل منها اتوماتيك ولا لاء وياترى اول فئه منها اللى مش فور ويل نفس اوبشن الفور ويل ولا لاء وهل الفور ويل يستاهل فرق الفلوس بينه وبين اول فئه مع العلم ان كده هكون بعدت اوى عن السعر الاولانى اللى انا كنت بشترى خلاله
وطلب اخير اللى راكب العربية يقول هى عاملة معاه ايه من خلال التسارع والتكيف والاعتمادية على مر الوقت وقطع غيارها اخبارها ايه من خلال التجربة
ولكم منى جزيل الشكر
انا اسف اسئلتى كتير بس المشكلة انى مش عارف عنها اى حاجة ومش لاقى حد يفيدنى الا الناس المحترمة اللى موجودة فى القسم ومجرباها
والسلام عليكم ورحمة الله وبركاته

بسراحه انا مركبتهاش بسي عندنا في الزقازيق صنايعيه كتير بيسبوا فيها وناس كتير بتقول مش حلوه والله اعلم لاكن انا من وجه نظري الرينو في مصر ملوش لزمه اولا قطع غيارها نار وعاليه
مش متوفره زي العربيات التانيه وفي حاجات مش هتعرف تجبها غير من التوكيل ده على حد علمي او بمعنى اصح الي بسمع الناس بتقوله غير انها غاليه وبتاخد حاجه اقل من الي انتا دفعتو والله اعلم بقيت الاعضاء يسعدوك ان شاء الله غير كمان بيع الرينو مش سهل فانا انصحك بالصني او لانسر كسر زيرو نضيفه او شيروكي لو عاوز حاجه عاليه وشديده بسي لازم تتفحص كويس قوي علشان الغطله فيها بتعويره جامده وبالتوفيق ان شاء الله

العربيات الفرنساوى كلها عربيات عالية الإعتمادية والجودة ولكن مشكلتها الأزلية فى الصيانة ....... صعب تعملها صيانة خارج التوكيل والنتيجة تتطلع كويسة " إستثنى من الكلام ده الحمير الفرنسوية 504 و 405 و 406 وغيرها من السيارات الفرنسوية العتيدة "

فلو أنت تقدر على صيانتها فى التوكيل كان بها ولكن لوعايز عربية شعبية خليك فى الكورى واليابانى وإبعد عن الأوروبى لأن اللى بيركب أوروبى بتبقى أعطال العربية والفلوس اللى بيكعها على قلبه زى العسل لأنه بيبقى عرف ده من الأول

مثال :

تغيير عفشة اللانوس = 800 : 1000 جنية
تغيير عفشة الأوكتافيا = 1500: 2000 جنية
تغيير عفشة البيجو 308 = 2500 : 3000 جنية

أنت ودماغــــــــــك

يا جماعة الأوروبى ركوبة ....,واليابانى والكورى ركوبة تانية خالص
وكل حاجة بحسابها
الميزة اللى فى الرينو ان السعر حنين شوية.....وطبعا بسبب التقفيل بيبقى فى تركيا......عشان العمالة أرخص
وموضوع الصيانة.....كلامكم مظبوط ان طبعا صيانة الرينو يستحسن تكون فى التوكيل.....لكن برضه فى ناس بتبقى شغالة فى التوكيل وبتفتح ورش فى الحرفيين او المعادى
بالنسبة لقطع الغيار.....طبعا الأوروبى أغلى.....بس على المدى البعيد الفرق ما بيبقاش كبير.....يعنى كام مرة الواحد بيغير عفشة ولا بيغير حاجات فى الموتور ولا فى الكهربا
فى بيبقى المقابل على المدى الطويل مش كتير.....نقول فى خلال خمس سنين ....الفرق هيبقى حوالى 5000 جنيه
والفرق ده مقابل راحة فى القيادة ...............الخ الخ الخ