الموضوع: مقارنة بسيطة

المشاركة الأصلية كتبت بواسطة ahmed a.maksoud

الكلام اللى أنا معلم عليه للأسف غلط..............مش كل اللى تسمعه تصدقه يا باشا

قارن بين قطع غيار الفلونس و الألنترا و السفيك هتلاقيهم قريبين من بعض

أنزل شارع دمشق هتلاقى ناس شغالين فيها......الحرفين و صقر قريش كذلك.

أخر نقطة دى بقى اللى جلت تماماً......

قارن سعر الفليونس و سعر السيفيك..........أو الألنترا أو الأوكتافيا...هتلاقيهم أعلى سعر من الفليونس..........و أركبهم كلهم هتحس أن الفليونس أعلى من حاجات كتير منهم.

شكرا يا باشا
بس انا اعرف ان قطع غيار الهوندا نار وعن تجربة يعنى لو هى زى الهوندا يبقى حرام

المشاركة الأصلية كتبت بواسطة mohammedaladel

شوف يا باشا الداستر فى اللى إنت قلتهم فوق يعتبر الأفضل من وجهة نظرى

إنت لو اشتريتها ع الزيرو بيبقى معاها ضمان وهتتابع مع التوكيل لحد ما يخلص الضمان

عايز تعمل صيانة برا فيه ناس كتير فاهمين والعربية مش معقدة ولا حاجة هو إنت فاكر إيه الصيانة الدورية ؟
تغيير زيت
تغيير فلتر هواء
تغيير فلتر زيت
تغيير فلتر تكييف
تغيير بوجيهات
تغيير تيل
كل دى معلش يعنى حاجات أنا بنفسى عملت منها وهعمل باقيها بنفسى
وفيه تغيير سيور دينامو وكاتينة ودى كل فترة كبيرة
هو إيه المعقد فى دا كله ؟
غير كدا العربية ممتازة جدا وحمالة أسية زى ما بيقولوا

وياريت مش أى حد حافظ كلمتين غلط يقولهم ويضلل غيره عشان العضو اللى بيقول تمنها مش فيها دا أنا يا راجل بعتبر عربيات رينو كلها الوحيدة اللى بتشتريها بأقل من تمنها بالنسبة لغيرها مقابل الدلع والأوبشن اللى فيها

الف شكر ليك يا باشا
انا بس كنت عايز اقول لك ان اللى بيرد اكيد مش قصده التضليل هو اكيد بيحاول يساعد من وجهة نظره او من خلال اللى يعرفه
اما بالنسبة لكلام حضرتك هو الموضوع مش سيرفيس بس اكيد فى حاجات لا قدر الله ممكن تحصل مش محسوبة
اما بالنسبة لموضع الدلع ده هى مش متدلعه خالص هى اساسيات محترمة بس
وفى الاجمالى هى فعلا عربية حلوة بس الواحد يلم بكل خباياها

المشاركة الأصلية كتبت بواسطة وائل مختار

الداستر صفقه حلوه اوى مقارنه بسعرها واعرف اتنين راكبينها وبيشكروا فيها عيبها الوحيد من وجهه نظرى انها مانيوال فقط ،،، مين قال ان الرينو لازم صيانه توكيل فقط ده كلام غير صحيح بالمره انا شارى عربيتى الميجان مستعمله 2006 من سنتين تقريبا وبعمل صيانتها على طول فى صقر قريش والناس هناك فاهمه العربيه كويس اوى لانها بصراحه مبقتش فزوره ،، ايه رائيك لو اشتريت فلوينس كسر زيرو

الف شكر لاهتمامك
هو ممكن حضرتك تكون لقيت حد يعمل صيانة للميجان لان بققالها 6 سنين شغالة اما الداستر جديدة وبعدين هو لو الموضوع فى صقر قريش يبقى حلو اوى لان انا من سكان المعادى وشغلى وحياتى كلها فى المعادى واعرف كل بتوع قطع الغيار اللى فى صقر قريش
ومن راى حضرتك لو انا ركبتها فعلا اركب تو ويل ولا فور ويل وايه اللى ممكن الاقيه زيادة ويا ترى الزيادة دى فى الاوبشن كمان ولا لاء وهل تستاهل فرق الفلوس

المشاركة الأصلية كتبت بواسطة ahmed a.maksoud

الكلام اللى أنا معلم عليه للأسف غلط..............مش كل اللى تسمعه تصدقه يا باشا

قارن بين قطع غيار الفلونس و الألنترا و السفيك هتلاقيهم قريبين من بعض

أنزل شارع دمشق هتلاقى ناس شغالين فيها......الحرفين و صقر قريش كذلك.

أخر نقطة دى بقى اللى جلت تماماً......

قارن سعر الفليونس و سعر السيفيك..........أو الألنترا أو الأوكتافيا...هتلاقيهم أعلى سعر من الفليونس..........و أركبهم كلهم هتحس أن الفليونس أعلى من حاجات كتير منهم.

والله يا باشا علشان كدا قلت بسمع وانا عن نفسي بحب الفلوانس جدا وبالنسبه للانترا فهيا عربيه فاشله والهوندا طبعا معروف ان قطع غيارها قريبه من الاوروبي جدا والفلوانس بسراحه ركوبه
ويظل اسم رينو مهزوز بين الوسطيه والارتفاع في الاسعار وشكرا على ردك الجميل انا فعلا استفدت كتييير من كلامك وربنا يزيدك ويزدنا من علمه

المشاركة الأصلية كتبت بواسطة HAITHAM1985

العربيات الفرنساوى كلها عربيات عالية الإعتمادية والجودة ولكن مشكلتها الأزلية فى الصيانة ....... صعب تعملها صيانة خارج التوكيل والنتيجة تتطلع كويسة " إستثنى من الكلام ده الحمير الفرنسوية 504 و 405 و 406 وغيرها من السيارات الفرنسوية العتيدة "

فلو أنت تقدر على صيانتها فى التوكيل كان بها ولكن لوعايز عربية شعبية خليك فى الكورى واليابانى وإبعد عن الأوروبى لأن اللى بيركب أوروبى بتبقى أعطال العربية والفلوس اللى بيكعها على قلبه زى العسل لأنه بيبقى عرف ده من الأول

مثال :

تغيير عفشة اللانوس = 800 : 1000 جنية
تغيير عفشة الأوكتافيا = 1500: 2000 جنية
تغيير عفشة البيجو 308 = 2500 : 3000 جنية

أنت ودماغــــــــــك

انا اسف انا مختلف مع حضرتك انا كان معايا اوكتافيا a4 وقعدت معايا سنتين
ومعايا دلوقتى ميجان بانوراما
قطع الغيار الاوكتافيا اغلى بكتير وبصراحه بعد مركبت الميجان حسيت انى كنت راكب عربيه من غير اوبشنز خالص (الاوكتافيا)

المشاركة الأصلية كتبت بواسطة nav man

طيب ياجماعة مش مشكلة المانوال بس هل في اختلاف بين ال 4*4 وال 4*2 والفرق دا مهم او احسن لان انا اعرف ان 4*4 ب 136 الف والتانية ب 127 الف.

الى انا عارفه ان فى اختلافات كتير مش مجرد 2*4 و 4*4 الوبشنز والعفشه فيها تغير اعرفها بالتفصيل
دور فى القسم على موضوع زميل كان عامله
تقييم للعربيه بالكامل بعد إستلامها والفرق مابين الفقات