انضممت لعائلة الميجان و اشتريت ميجان 1

**a_aboelseoud** · 10-08-2012 06:01 PM

اخيرا و بعد عناء انضممت لعائلة ميجان و اشتريت ميجان 1 و الفضل فى اتخاذ قرارى بالشراء يرجع طبعا لملاك رينو ميجان هنا فى المنتدى اللى عن طريقهم قدرت اعرف حاجات كتيره عنها و اميز الصح و الغلط فى اللى انا كنت باسمعه عن الميجان.
و بصراحة حاسس انى مش هندم و هاكون مبسوط جدا بيها و لو قررت اغير اكيد عشان تكون اوتوماتيك و هتكون ميجان برده و لو فيه فلوس هتكون ميجان 2 ان شاء الله.
شكرا للزملاء اللى ساهموا بكتاباتهم فى انى انضم ليكو هنا

**S O P H O S** · 10-08-2012 06:14 PM

الف مبروك يا باشا
وربنا يباركلك فيها ..

**MohammedAladel** · 10-08-2012 08:50 PM

ألف مبروك اشترتها بكام ؟

**a_aboelseoud** · 11-08-2012 10:21 PM

المشاركة الأصلية كتبت بواسطة s o p h o s

الف مبروك يا باشا
وربنا يباركلك فيها ..

يا باشا الله يبارك فيك و يكرمك

**a_aboelseoud** · 11-08-2012 10:30 PM

المشاركة الأصلية كتبت بواسطة mohammedaladel

ألف مبروك اشترتها بكام ؟

الله يبارك فيك
هى عاملة 35 الف بس اللى عرفته من صاحبها انه مش ده سعرها الحقيقى عشان هو مستعجل جدا على بيعها و الله اعلم ده غير ان اسعارها فى كونتاكت كارز متفاوتة جدا عشان كده برده مش قادر احكم اذا كان ده سعر كويس و لا لاء.
مع العلم بان سيارتى مانيوال و كل الكماليات تعمل بكفاءة بس هى محتاجة تغيير الزجاج الامامى عشان فيه شرخين طوال و فيه شوية خرابيش فى الصاج و ماعدا ذلك كله تمام
فلو تقدر انت تقولى اذا كان كده سعرها كويس او كتير يكون لك الشكر

**MohammedAladel** · 12-08-2012 12:09 AM

أنا شايف إن سعرها كويس جدا جدا ربنا يباركلك فيها لو الزجاج الأمامى الأصلى شوف لو ينفع يتعمل أعمله

**bedooracle** · 12-08-2012 01:04 PM

مبروووك و ربنا يديك خيرها و يكفيك شرها

**a_aboelseoud** · 13-08-2012 07:33 PM

المشاركة الأصلية كتبت بواسطة a_aboelseoud

الله يبارك فيك
هى عاملة 35 الف بس اللى عرفته من صاحبها انه مش ده سعرها الحقيقى عشان هو مستعجل جدا على بيعها و الله اعلم ده غير ان اسعارها فى كونتاكت كارز متفاوتة جدا عشان كده برده مش قادر احكم اذا كان ده سعر كويس و لا لاء.
مع العلم بان سيارتى مانيوال و كل الكماليات تعمل بكفاءة بس هى محتاجة تغيير الزجاج الامامى عشان فيه شرخين طوال و فيه شوية خرابيش فى الصاج و ماعدا ذلك كله تمام
فلو تقدر انت تقولى اذا كان كده سعرها كويس او كتير يكون لك الشكر

المشاركة الأصلية كتبت بواسطة mohammedaladel

أنا شايف إن سعرها كويس جدا جدا ربنا يباركلك فيها لو الزجاج الأمامى الأصلى شوف لو ينفع يتعمل أعمله

هو فعلا الزجاج الاصلى بس المشكلة ان الشرخين واخدين الزجاج بالعرض و فيه كمان شروخ رفيعة خارجة من الشرخين .
انا اتمنى طبعا انى اعالجهم فلو تكرمت و تعرف حد اروح له يمكن يكون فيه امل و شاكر ليك اهتمامك مقدما .
معلش فيه سؤال تانى بالنسبة لكاسيت العربية لانه موديل قديم و شرايط , هل فيه نوع ممكن يركب عندى و ينفع اشغل معاه المالتى فنكشن و شاشة التابلوه ؟؟
انا متابع الموضوع ده فى الميجان 2 بس للاسف مش عارف اذا كان فيه حاجة كده نزلت للميجان 1 و لا لاء ؟