على فكره ممكن المشكله تطلع فى الاسكاترا بس انا برجح السبب الاكبر وهو اللى انا قولت عليه
اللى حيحدد زى ما قولتلك كده تروح لبتاع زوايا او عفشجى
عرض للطباعة
على فكره ممكن المشكله تطلع فى الاسكاترا بس انا برجح السبب الاكبر وهو اللى انا قولت عليه
اللى حيحدد زى ما قولتلك كده تروح لبتاع زوايا او عفشجى
بص يا باشا زي ما ميسو قالك بالضبط انت عندك كسر او شرخ فى الشاسيه من قدام ( حوض الموتور) أو فى العلب اللي تحت التابلوه لأن ده كان نفس اللي بيحصل معايا .
انت تروح لحد بتاع ضبط زوايا كويس او عفشجي كويس يشوف مكان الكسر فين وتقوم طالع على سمكري يلحم الكسر وبعد كده تضبط زوايا وهاتلاقيها زي الفل بأذن الله
الف شكر يا شباب
ربنا يزيدكم خير
انا روحت لبتاع الزواية
واحد تاني كله بيشكر فيه
قولتله علي اللي بيحصل
وقلتله بص علي الميزان والحاجات بتاعة الميزان
ورفع العربية وبصيت معاه
قالي الميزان سليم مافيهوش حاجة
وسالته علي العفشة قالي كويسة وسالته علي المقصات قالي كويسة
وعلبة الدريكسيون برضو قالي كويسة
قلتله طيب في شروخ ولا حاجة
شاورلي علي شرخ بسيط جدا مايجيش ربع صباعك قالي بس ده ميعملش كده
بعدين لقي ان
علي ما اتذكر الاسم ( القنطرة ) اللي بتتربط بمسمارين من قدام المسامير كانت مفوته فهو ربطهم وركب صواميل
قالي دي ممكن تعمل العيب ده
هل كده صح ولا ايه ؟؟
وقلتله علي العجلة اللي بتقفش وعلبة الدريكسيون بتحدف شمال قالي خلي الميكانيكي يظبطلك التيل في العجلتين تاني وتعالي اظبطلك الزوايا
الصراحة انا كنت متاخر علي شغلي ـفـ انا دلوقتي في العمل والمسافة بين بتاع الزوايا وشغلي قريبة
انا لسه مجربتش
وسالته قولتله ممكن يكون العيب ده من الكوتش قالي اه ممكن
المهم انا عايز رايكم
هل كده مظبوط ولا فيه حاجة تاني اعمله ولا اروح لبتاع زوايا تاني
صح تثبيت القنطرة
وزوايا يجب مراجعتها
وكاوتش اتاكد من الضغط والمقاس قبل عمل الزوايا وقبله ترصيص الجنوط
ومبروك الخبرات الجديدة عقبال متبقي محترف وان شاء الله ربنا يرزقك بسيارة افضل بس بعد ما تتعلم وتعرف من ال128دي الاساسيات
ال1100 موديل 1962 اللي كانت عندي علمتني كتير
تسلمو يا شباب
ربنا يمطمنكم
لما جربتها النهاردة في طريق سريع
الحمد لله لقتها اتظبطت يعني نقول 75% لاني لقيت اختلاف
هشوف العفشجي علشان تبقي 100%
بتعامل مع عفشجي كويس
هقله يشوف كاوتش الميزان او يغيره ويظبط العفشة
ياتري فيه حاجة تاني اعملها ولا تمام كده ؟؟
وانا متابع وهخبركم بالنتيجة
وشكرا جدا علي تجاوبكم معي
انت عايز واحد بيفهم ضبط زوايا هيدلك علي المشكلة حتي لو مش عنده حلها
تمام اوى كده
بص انت تلحم الشرخ اللى موجود ده لانه ممكن يفتح ويعمل مشكله تانيه
والقنطره الطويله (قاعده الموتور والفتيس ) دى مهمه برضه ولو المسامير بتاعتها سايبه او تحتها فيه بارومه طبعا تعمل معاك مشاكل لانها فى ال 128 ماسه الشاسيه بالطول من تحت من اول الصدر من عند الميزان لحد تحت الدوسات من عند دواسه البنزين كده وكمان شايله الموتور وجزء كبير من الفتيس بقاعده شكلها مثلث
فطبعا لو القنطره سايبه او مكسوره او فيها شروخ كل ده بيخلى الشاسيه سايب وبيؤدى فيما بعد لكسور وشروخ فى الشاسيه
حتى اككيد انت حسيت ان العربيه بقت ماسكه نفسها وناشفه كده مش سايبه من ادام
وممكن طبعا الحدفه اللى مع الفرامل تكون من الكاوتش طبعا حاول تظبط الكاوتش اللى ادام ويكون ال 2 نفس النوع والمقاس والنقشه والحاله عشان العربيه تتظبط معاك فى المشى اكتر والفرامل والثبات فى الجرى
واى استفسار قول يا باشا
تمام يا باشا تسلم
فعلا بتاع الزوايا قالي كده
وقالي اني لازم اشتري كوتشين جداد اركبهم قدام مقاس بعض
وارصص العجل ( مش فاهم ) قالي عليها وفهمت منه بس مش فاكر ( ياريت تشرحهالي )
بالنسبة للكوتش
ايه افضل نوع كويتش كويس واجيبه منين وثمنهم في حدود كام
انا المقاس عندي
13/165/70
معلش يا جماعة فيه حاجة جديدة لقتها النهاردة
لما باجي اطلع بالعربية
اسمع صوت شخاليل ( فاكرين اللعب بتاعة الاطفال كان اسمها شخاليل )
صوت رفيع كده
بيظهر لما ادوس بنزين وبعدين يروح لما بمشي ولما يكون فيه مطب اهدي واعدي المطب واجيب التاني وادوس بنزين اسمع الصوت وبعدين يروح لما امشي واجري
ده عيب ايه ؟؟