ايه العربيه اللي كان نفسك تشتريها واشتريت عربيه غيرها؟

**yaseenmohamed** · 29-08-2012 12:48 PM

السلام عليكم ورحمه الله
انا شايف ان المنتدي نايم بقاله فتره فقلت اعمل الموضوع ده
كتير مننا ( وأنا أولهم ) كان نفسه يشتري عربيه معينه لكن ولسبب ما ( في الغالب سبب مادي ) اشتري عربيه تاني
ياتري ايه العربيه اللي كان نفسك فيها ( بس يعني محدش يضرب في العالي ويقولي بورشه ولا فيراري ولا بنتلي ولا جاجوار ولا مازيراتي ولا......) عايزين العربيه اللي كان نفسك فيها وكنت قريب من انك تشتريها ولسبب ما سواء مادي او اي سبب تاني اشتريت غيرها
ياريت الكل يشارك وحسسونا ان المنتدي في ناس بتشارك فيه
تقبلوا تحياتي .....
ملحوظه ...الموضوع ده انا والله معرفش ان كان سبق تناوله ولا لا ...فان كان موضوع قديم فلصاحبه كل التحيه وان لم يكن فياريت الكل يشارك

**amagroup** · 29-08-2012 12:50 PM

كان نفسي اشتري تيوتا كورلا اخر موديل او افنسيس واشتريت اكسنت ار بي

**yaseenmohamed** · 29-08-2012 12:53 PM

حبدأ بنفسي

كان نفسي اشتري الجين 2 بس فرق السعر ( الكاش ) كان حوالي 22 ألف جنيه والمبلغ ده كان بيوصل الي حوالي 25 ألف ( تقسيط ) وبالتالي مقدرتش علي القسط والحمد لله ربنا كرمنا بالساجا أهي تبقي أي حاجه من ريحه بروتون وربنا يبارك فيها ويبارك لكل ملاك الجين تو

**BESO516** · 29-08-2012 01:45 PM

لو على الأحلام انا نفسى اجيب حاجه كده منزلتش مصر ولا هتنزل زى استون مارتن رابيد تربو

اما الواقع فكان نفسى اوى فالسيراتو كوبيه او النترا كوبيه اما تنزل ان شاء الله لكن ربنا مااردتش والحاج كمان والخطوبه الأولانيه و حجااااااااااااات كتير جدا فوقفت فى الأخر على اسبرانزا 516 والحمدلله نعمه من عند ربنا وربنا يرزق ونجيب حاجه عاليه قدام

**king_de_egypt** · 29-08-2012 02:50 PM

كان نفسى اشترى جولف 6 بس الحمد لله جبت اى 30 لفرق مادى بس مبسوط ب الاى 30 الحمد لله :)

**yousefsemsem** · 29-08-2012 04:09 PM

كان نفسي اجيب نيسان صني بس لظروف ماديه بقي وتشريف المولود الاولاني جبت بروتون ويرا بس الحمد لله طلعت ماتفرقش عن النيسان صني الا في قوه المكنه وتتعوض بمكنه اعلي باذن الله

**Al-Farooq** · 29-08-2012 07:59 PM

الأول كان عاجبني الهوندا سيفيك ، بس قولت لا علشان شكلها مكنش عاجبني بالاضافة انها واطية جداً للأرض

فثاني اختيار كان الانسر شارك علشان الشكل الهجومي وعالية وهتكون موفرة فى البنزين كمان

ومكنتش لسه شوفت جين2 والبرسونا ومكنتش اعرف حاجة عنهم ، لما شوفت شكلهم مسحوا من دماغي منظر الشارك وبدأت اهتم بها خصوصاً لما عرفت انها ماليزي ، ومكنتش اعرف انواع عربيات بروتون و بدأت اهتم بالماركة واعرفها واتابعها

طبعاً اشتريت البرسونا ، مسحت من دماغي اى عربية تانية على وجه الارض ، ولو قدامي بي ام الفئة السابعة ولا جاجور تحكم بالقمر الصناعي و اى عربية من عربيات بروتون هشتري بروتون واعدلها على مزاجي وفرق الفلوس اعمل بها حاجة مفيدة!!

**rahieb_100** · 29-08-2012 08:50 PM

انا من المعجبين بالستروين وكنت عايز c4 او ياسلام بقى لو ds4
بس الحمدلله حجزت برسونا :)

**Land_Cruiser** · 29-08-2012 10:09 PM

موضوع جميل و اعتقد ان الموضوع ده هيبقى افضل لو أتنقل للمنتدى العام للسيارات علشان كل الاعضاء تشارك فيه

**eng.m7md.ali** · 30-08-2012 02:47 AM

كان نفسي في الجين2
بس للاسف صاحب المعرض ابن التيت ضحك عليا وقالي مش هتنزل تاني
الكلام ده سنة 2009
ملقتش قدامي غير الواجا اللي اقرب حاجة للجين2 بنفس السعر ده

الموضوع: ايه العربيه اللي كان نفسك تشتريها واشتريت عربيه غيرها؟

LinkBack

أدوات الموضوع

عرض

-

-

-

-

-

المواضيع المتشابهه

مراية الصالون اللي في النص اتخلعت بتتصلح و لا بتتغير عشان مش بعرف اسوق من غيرها

مراية الصالون اللي في النص اتخلعت بتتصلح و لا بتتغير عشان مش بعرف اسوق من غيرها

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

اللي راح اوتوماك - أيه أكثر عربية انبهرت بها و نفسك تشتريها

متحرمش نفسك من العربية اللي نفسك فيها (هو انت هاتعيش كام مرة؟)

الكلمات الدلالية لهذا الموضوع

المفضلات

المفضلات

ضوابط المشاركة