الموضوع: طلب مساعدة بخصوص جى ام ويازوكا

السلام عليكم ورحمة الله وبركاته
سبق واتناقشت مع الخوه الافاضل عن هذا الموضوع
الموضوع : كان عندى كاسيت كينوود شغال تمام و سماعتين صينى من تحت السلم وجى ام نوعه وولف مكتوب عليه 4X150 وصب بايونير 1400 متقفل فى تيوب بازوكا كان فى دبه ساعتها بس مش اللى هى تصدع وصوتها بره العربيه باين بس ضعيف
فى اتنين فى المنتدى ربنا يمسيهم بكل خير ( eldell , mody_mt2007 ) اتنين رجاله بصحيح
فهمونى الليله ماشيه ازاى و نصحونى انى اسيب الجى ام التعبان ده واجيب سماعتين بايونير 500 و جى ام سيمفونى 600 هيقوم البازوكا صح وانا فعلا اقتنعت بكلامهم
وانا اتكلت على الله وجهزت ونزلت امبارح جبت سماعتين بايونير 500 وقولت اركب عليهم الجى ام التعبان اهو يخرج منهم اللى يقدر عليه
وقولت هشترى جى ام سيمفونى 600 اللى الرجاله نصحونى بيه
وللاسف يا جماعه
الراجل اللى انا كنت هشترى منه راسه والف سيف ان البازوكا دى لا تصلح (مع العلم ان مافيهاش خربوش واحد ) ولازم جى بى ال (من حوالى شهور فى واحد برده قالى الكلام ده ) وبيقولى السيمفونى ضعيف مع البوازيك و حلو مع السماعات وانا فضلت اقنع فيه وهو اللى عمال يعيده يزيده وانا بصراحه خوفت من اصرار الراجل عمال يقولى فلوس فى الارض وخساره وحرام عليك المهم سبته ومشيت
مش عارف يا جماعه اعمل ايه - عندى حالة يأس شديد

المشاركة الأصلية كتبت بواسطة ahmad--ezzat

توكل على الله وهات كينوود 720 وات 4 شانل

وثبته ف ظهر الكنبه وانساه

هيفوم بالواجب وزياده

وسيبك من السمفونى الكينودد انضف

الجى ام بتاعك 400

خد اللينك دة ناس بتشكر فيه مع الصب بتاعك http://www.nilemotors.net/nile/172896-720-1400-a.html

انا اسف انى اتأخرت عليك يا باشا بس عقبال ما نزلت من الشغل وروحت البيت
انا قريت كلامك وان شاء الله هعمل بيه - بس فى حاجه مهمه عايز اسألك عليها
انا لما كنت بحب اسمع بيز عالى كنت بعلى الكاسيت على 25 - هل لما اغير الجى ام مستوى الصوت هيتغير ؟
بمعنى : هل لما اعوز اسمع بيز عالى هيجيب اللى كنت بسمعه بس على 15 مثلا ؟؟؟