الموضوع: نيو أكسينت محتااااار فيها بين عيوب ومميزات

اولا يا باشا العربية مع اخويا و سوقتها كتيييييييير و سفرت بيها العربية مش ضيقة هي مريحة و عائلية تاخود 3 ورة مستريحين جدا و الكرسي القدام فية رجليك مفرودة فية تكيفها تلاجة بجد العفشة ناعما جدا جدا عشان كدة تحس انها بتتنطط من وراه اما تاخود نزلة جامدة او مطب هوا جامد تحس انها بيتط كدة لحد ماترجع لوضعها العادي و الفرامل من لمسة بجد و العربية ثابتة جدا في الغرز لحد 180 و جبت بيها 210 و كان لسة فيها كتيير و تجميعها رهيب و كنت مشغل التكيف و عن تجربة شخصية روعة و اي استفسار انا معاك

المشاركة الأصلية كتبت بواسطة m6r1282

بسم الله الرحمن الرحيم

عاااااااااجل

أنا ببيع سيارتي صني 2003 أوتو ...
وناوي أشتري نيو أكسنت مانيوال، ركبتها مره فارتحت فيها وفي تصميمها الداخلي والراجل قرص مره كده عشان يعدي من مزنق فكانت تمام .

ومنذ أيام وأنا أبحث وأقراء عن عيوبها وكان التالي ::
- البور الكهربا فيه مشكلة (وطبعا عايز من فضلكم أعرف أول الزيت بعد الكهربا من موديل كام 2009 أم 2008 أم كم ؟؟؟)
- العفشه ناشفه أوي على حد قول ناس كتير (أنا ما أخدتش بالي منها غير أني لاحظت انها محكتش في مطبات عاليه، الصني بتحك فيها لو محمل 3 معي زي ماكان فيها السواق وأنا وزوجتي والأولاد في نيو أكسينت ومحكتش في مطبات بدون تكلف في السواقه)
- الفرامل بيقولوا فيها كلام !!
- ضيقة إلى حد ما !!
- بتتنط من ورا (مش عارف بمعنى إيه)
- وأحدهم قال إنها خفيفة (فالو حد عارف وزنا كام وهل كويس ولا لأ ؟؟)

برجاء الإجابة من مجربين فعليين وليس قراءة لأني قرأت كثيرا واحترت والموضوع جدي، وشعري قرب على الوقوع ..
:_alshmokh11:


[gdwl] [/gdwl][gdwl]
تم تعديل لون "بسم الله الرحمن الرحيم" من الاحمر الي الازرق نظرا لأن أستخدام اللون الاحمر ممنوع وفق قواعد المنتدي
[/gdwl]

السلام عليكم
انا من ملاك العربيه ديه معايا موديل 2010 عامله 80 الف كيلو
اولا بالنسبه للدريكسيون الكهرباء هو فعلا فيه مشاكل بس ممكن تجيب الموديلات من اول 2009 لانه هيدوروليك
ثانيا العفشه : هى رياضية والعفشه الرياضيه لازم تبقى ناشفه عشان تديك ثبات عالى على السرعات العاليه بس هى مش ناشفه زى السيراتو لا هى انعم منها شويه وخصوصا لما بتظبطت الكاوتش نيتروجين 30 مش بتحسش بالنشوفيه
ثالثا الفرامل : الفرامل بتاعتها معقوله لانها مش abs وللعلم متقرنش فرامل الكورى خالص باليابانى او الالمانى ولكن فراملها كويسه جدا ومخزلتنيش قبل كده خصوصا انى غاوى سرعات عاليه
رابعا انها ضيقه: هى اوسع عربيه فى فئتها بالمقارنه بالعربيات الأخرى لنفس الفئه انما هى مش واسعه زى الالنترا او الاوبترا لانها فئة أقل منهم

خامسا موضوع التنطيط: بص موضوع التنطيط ده هو اوحش حاجه فيها وبالذات على مطبات الهواء على السرعات الى فوق ال 140 انما على طريق نظيف مفيش تنطيط نهائى - بس بتنطط بثبات يعنى مش بتنتطط وتحدف - يعنى تيجى تلبس مطب او حاجه تلاقى العربيه نطت زى الفرقع لوز عشان تحمى نفسها وتنزل فى مكانها لا يمين ولا شمال زى االألف فى مكانها بس هى بتتعب الى بيقعد ورا - وانا تغلبت على الموضوع ده بتوطيه الكاوتش شويه وبرده بالضبط الدورى للكاوتش وتربيط العفشه الدورى - بس عايز اقولك ان كل العربيات الجديده الى عفشتها الخلفيه على دنجل او تورشين بيم كده بما فيهم اليابانى زى النيسان الجديد كله برده بينط على مطبات الهواء - بس قصاد كده الدنجل ده بيدى ثبات رائع على السرعات العاليه الى فوق 160

سادسا موضوع خفيفه : العربيه مش خفيفة خالص خصوصا انى سواقتى على طول سرعات عاليه يعنى انا فى السفر مش بنزل عن 180 وبوصل لحد 210 - انما بصراحه العربيه جراية جدا جدا وعشان كده بحجمها بتشغيل التكييف والا مش بعرف اتحكم فى سرعتها - فكل الى مش متعود على العربيات الى تجميعها سريع جدا بيحس انها خفيفه - انما هى الحمد الله مش خفيفة ووزنها كويس - ومش عايز اقولك تحرج بيعا عربيات كتير على السرعات العاليه الى فوق 200 - ومش عايز احلفلك انا ناس بتركب معايا فى السفر من الى بيخافوا جدا من السرعات كنت ماشى بيهم على 200 وهما مش حاسيين خالص لان الدنجل بيثبت العربيه والعربيه من جوه كراسيها مريحه

وبينى وبينك انا كنت جايبها زيرو ب 77 الف وده سعر مثالى لعربيه زيرو بإمكانيتها وبصراحة مبسوط بيها حتى الان ودلوقتى عامله 80 الف فى وهى لسه زى الزيرو الحمد الله

ده رأى المتواضع عن تجربتى للعربيه واتمنى اكون افدتك