الموضوع: رايح استلم عربية جديد لقريبي....نصائحكم

إفحصها من برا كإنها مستعملة ولو كان عليها لزق شيله

شغل التكييف وجربه شغل الكاسيت وشوف السماعات شوف كل الإضاءات واللمبات اللى فيها

تأكد من وجود الكتالوج +الكريك+مفتاح العجل+مفتاح الجنط لو كان ليه مفتاح +الحديدة اللى بتقطر بيها السيارة فى حالة الأعطال +المثلث العاكس لو كان معاها
تأكد من عمل كل ماكينات الزجاج جيدا و سهولة فتح وغلق الأبواب شوف العربية حتة حتة من برا ومن تحت لا يكون اتخبطت وهى بتتنقل بتحصل كتير على فكرة

المشاركة الأصلية كتبت بواسطة mohammedaladel

إفحصها من برا كإنها مستعملة ولو كان عليها لزق شيله

شغل التكييف وجربه شغل الكاسيت وشوف السماعات شوف كل الإضاءات واللمبات اللى فيها

تأكد من وجود الكتالوج +الكريك+مفتاح العجل+مفتاح الجنط لو كان ليه مفتاح +الحديدة اللى بتقطر بيها السيارة فى حالة الأعطال +المثلث العاكس لو كان معاها
تأكد من عمل كل ماكينات الزجاج جيدا و سهولة فتح وغلق الأبواب شوف العربية حتة حتة من برا ومن تحت لا يكون اتخبطت وهى بتتنقل بتحصل كتير على فكرة

اشكرك على الرد ومعلومات مفيدة فعلا
انا سمعت فعلا ان ساعات كتير العربية بتتخبط منهم لاي سبب وبتتصلح وبتتباع جديدة للاسف
بس من كلامك كده انا شكلي هفحصها كأنها عربية مستعملة
الله المستعان

حاول تشترى من التوكيل او موزع معتمد و تبتعد عن المعارض المغموره لان المعارض الصغيره فى الاغلب بتوفر و بتجيب العربيه من المصنع او حتى من الميناء و هما سايقينها و طبعا اللى سايق بيجرى بيها جامد و ممكن يقفل العداد كمان و العربيه لسه زيرو و فى بعضهم بيفصل عداد الكيلومتر و لذلك التوكيل او الموزع المعتمد لما تجيب من عنده فى احتمال كبير ان العربيه تبقى جايه متشاله لانهم بيبقوا جايبين عدد و خد وقتك فى فحص العربيه و التأكد من وجود كل الكماليات و ان العربيه مفيهاش خرابيش و كذلك العده و الاستبن قبل ما تستلم و بالتوفيق ان شاء الله

المشاركة الأصلية كتبت بواسطة axel

اتمني الموضوع ده يفيدك

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/nile/244408-a.html

بالتوفيق ان شاء الله

اشكرك كنت بدور فعلا على الموضوع ده لكن مش لقيته

المشاركة الأصلية كتبت بواسطة koshary

وكمان لازم تشوف العربيه بالنهار وده اهم حاجه علشان فى خدوش او تجريحات مابتبانش الا بالنهار وخد حد معاك يقعد فى الكنبة الخلفية وانت بتجرب العربيه علشان لو فية اى اصوات او حاجه وجرب كل حاجه فى العربيه واول متاخدها اتاكده من ضغط الكاوتش والمية والزيت وزيت الفرامل والباور الحاجات دى اساسى والف مبروك ياباشا

للاسف التسليم كان بالليل وصاحب العربية كان مستعجل بقى
بس حاولت على اد ما اقدر اشوفها في النور والحمد لله العربية مش فيها اي خدوش
العربية كانت حالتها كويسة فعلا ومش لاحظت اي عيوب فيها خالص

المشاركة الأصلية كتبت بواسطة land_cruiser

حاول تشترى من التوكيل او موزع معتمد و تبتعد عن المعارض المغموره لان المعارض الصغيره فى الاغلب بتوفر و بتجيب العربيه من المصنع او حتى من الميناء و هما سايقينها و طبعا اللى سايق بيجرى بيها جامد و ممكن يقفل العداد كمان و العربيه لسه زيرو و فى بعضهم بيفصل عداد الكيلومتر و لذلك التوكيل او الموزع المعتمد لما تجيب من عنده فى احتمال كبير ان العربيه تبقى جايه متشاله لانهم بيبقوا جايبين عدد و خد وقتك فى فحص العربيه و التأكد من وجود كل الكماليات و ان العربيه مفيهاش خرابيش و كذلك العده و الاستبن قبل ما تستلم و بالتوفيق ان شاء الله

هو معرض كبير موجود في مدينة نصر وما شاء الله عنده عربيات من كافة الموديلات
من اول الماروتي لحد المرسيدس
ودي ميزة طبعا انك تلاقي كل العربيات دي في مكان واحد ومسموح لك تتفرج عليها كلها
بس كان مشكلته قلة موظفي المبيعات العربيات مرمية كده بدون اهتمام