الموضوع: سبب صوت التزييق فى صنى 2013 وحل المشكله

مبروك العربيه وربنا يديك خيرها ويبعد عنك شرها وتقرير كامل المشكله زالحل لها

شكرا على التقرير والصور, وموضوع الكاوتشة دي فعلا صحيحة.

معلومات قيمه ومشكور عليها


معنى كده انه حيتم استدعاء كل العربيات لتغيير الكاوتشه دى ؟؟

شكراا للعضو الكريم فعلا الموضوع ده أتكرر مع أكتر من عضو وكان مهم جدا أن حد يعمل فوكاس عليه ويوضحه ذى حضرتك متفضلت مشكورااااا

شكرا ليك يا باشا بس حضرتك ماقولتش أخبار الصوت ايه دلوقتى لسه فى تزييق ولا الصوت انتهى؟

نفس المشكله عندى ولسه ماعملتش صيانة الألف و عشان المعلومة المفيده الى حضرتك مشكورا قولتها دلوقتى يبقى لازم أروح أعمل الصيانة فى أوتو ايجبت. بس انا بخاف أركب تعديلات غير أصليه فى العربية (قصدى الكاوتشة المؤقته دى) وفى نفس الوقت الصوت مضايقنى جدا و بعدين مش مفروض حاجة زى كده (وان كانت لا تؤثر على أداء العربية) يكون ليها حل أصلى وفورى ؟!!! يعنى انا أستنى ليه لما ييجى قطعة أصليه مش مفروض تكون متوفرة طالما هما عارفين ان دى مشكله عامة!!!

المشاركة الأصلية كتبت بواسطة engamin

بسم الله الرحمن الرحيم والصلاة السلام على اشرف المرسلين سيدنا محمد سيد الخلق اجمعين صلى الله عليه وسلم

السلام عليكم

اولا:النهادرة كنت فى اوتوايجيبت بسبب موضوع التزييق اللى بسمعه احيانا فى الطرق الغيرممهدة او النزول من على المطب نزله جامدة المهندس قالى ان السبب دا هو احتكاك السوسته الخلفية مع القاعدة بتاعتعها نتيجة الاتربه وهما فى نيسان بيعملوا زى قاعدة كاوتش بيحيث تمنع التزييقة دى بس دى لسه مجاتش وهما عندهم فى اوتوايجيبت حل موقت كاوتشة بتركب بين السوسته والقاعدة ووخدين بيها تصريح انهم يركبوها لحد الاصليه ما تيجى وقالى التعديل الاصلى ليها اول ما يجى هيعملوا اتصال بالعملاء لعمل التعديل كل الكلام دا من مهندس الاستقبال اللى كان معايا وبعدما خلصت وانا خارج حاولت الاحظ الصوت دا بصراحة انا ما قدرش احكم عليه الا لما امشى بيها شويه.(التكلفة للكاوتشه والصيانه مجانا للجزء دا )

ثانيا:وجدت عندى زى ما يكون فى ترشيح زيت وهو موضح بالصور التاليه

[shr71=http://img507.imageshack.us/img507/4363/photo0131b.jpg]���� : ��� ������ ����� �� ��� ���� ����� ����� ��� ���� ���[/shr71]


[shr71=http://img525.imageshack.us/img525/8955/photo0132f.jpg]���� : ��� ������ ����� �� ��� ���� ����� ����� ��� ���� ���[/shr71]


المهم المهندس قالى ان دا ممكن يكون شحم قديم ومع الحرارة عمل زى الزيت فى الصورة الاولى ممكن اشك فى الكلام دا بس مش شك يقلق لانه ممكن يكون الكلام صح اما بالنسبه للصورة التانيه الكلام صح بنسبة كبيرة لان بصيت على اى مكان ممكن يجي منه التهريب دا ما شوفتش حاجة حتى منطقة الدورن بتاعة الكاوتشه السودة اللى انتوا شايفينها حولها تراب عادى ناشف ما فيهوش اى زيت المهم قالى ممكن نغسل المنطقه كلها بالفوم قولتله اوك بحيث تبقى نظافه اكيده وابتدى اتابع هل يوجد تهريب ام لا تكلفة غسيل الفوم( 22 جنيه)
الحمدلله الغسيل تمام وابتدى اتابع لان من ساعة صيانه الالف ما فتحتش الكبوت الا مرة واحدة من كام يوم ودا كان خلط لان لازم كل فترة افتح مش علشان العب فى حاجة ولكن لملاحظه اى تغيير وبصراحة يا جماعة البطارية السائله دى رخمه لان بتحس انها مملحة من عند غطيان الميه بتاعتها ولما سالت المهندس هل ممكن تكون هناك خطورة من الابخرة دى على الكبوت من الداخل قال لا ولكن الخطورة هى اذا سكب ماء البطارية على الجسم .

ثالثا :زجاج المرايه الجانبيه للااسف اتكسر من فترة المهم الحمدلله على كل حال سالت عليه لاقتيه مش موجود وان متابع معاهم من شهر بس طبعا اكمن العربيه لسه نازلة جديد ففى حاجات ممكن تلاقيها لسه مجاتش
المهم زجاج المرايه الجانبيه عامل 48 جنيه
المرايه كاملة عامله 400 جنيه وهى موجودة فى التوكيل

اعتذر للاطاله

والسلام عليكم ورحمة الله
سبحان الله وبحمده سبحان الله العظيم
اللهم صلى على سيدنا محمد صلى الله عليه وسلم



[shr71=http://img849.imageshack.us/img849/9454/mohammed.jpg]���� : ��� ������ ����� �� ��� ���� ����� ����� ��� ���� ���[/shr71]

على فكرة حضرتك ممكن ببساطة تعرف اذا كان الصوت انتهى و لا لأ والعربيه واقفة..

ببساطة اضغط على الشنطه الخلفيه عدة مرات بشده لأسفل عشان تخلى المساعد يتحرك وياخد مشواره كله ولازم هتسمع صوت التزييق لو كان لسه موجود.. لو ممكن حد يساعدك عشان يدوس معاك على الشنطة جامد وتدى قوة أكبر على السوست عشان المساعد يجيب أخر مشواره..

وبعد ما تختبره بنفسك ياريت تقولنا ايه الأخبار عشان نعرف الحل المؤقت بتاع أوتو ايجيبت فعال ولا أى كلام وشكرا..