أنا لسه جاي من القاهره حالا .. رحت جبت العربيه من مدينة السلام و رحت الحرفيين .. العربيه ماشيه كويس .. و الفتيس شغال كويس جدا.
سألت على الفتيس عند هاني العايدي .. قال لي ب 2500 جنيه .. المهم جبت شوية حاجات من هناك .. و سألته عن المساعدين .. هاني قال لي أديك الجنب كله ب 350 جنيه .. بس قلت لمليجي .. قال لي استنى عليه شويه لما تيجي لي حاجه كويسه.
رحت المهندسين كان عندي مشوار هناك .. و رجعت على مدينة نصر و الفتيس شغال كويس ده كله .. و السوبر درايف و التراكشن شغال الحمد لله .. رحت لصابر و كلمت أحمد فهمي من هناك .. و الراجل مشكورا كلم صابر ووصاه عليه .. في واحد هناك اسمه محمود كشف على بالجهاز .. طلع نفس الخطأ بتاع امبارح gear ratio incorrect .. طبعا ده متسجل من امبارح .. المهم صابر قال لي ده غالبا كان حساس الخارجي بتاع الفتيس كان معلق ولا حاجه (زي ما فادي قال ) .. و قال لي تعال لي في يوم بدري نفكه و نكشف عليه و العربيه بارده .. و تمشي بالعربيه و ترجع لي نكشف عليه تاني (بيقيسه بأفوميتر) .. ومرضيش ياخد فلوس الكشف (مانا متوصي عليه بأه ).
و رجعت الزقازيق و طول الطريق الحمد لله الدنيا تمام .. بس هروح له تاني ان شاء الله .. يكشف على الحساس ده و أعمل شوية حاجات تانيه ان شاء الله.
و شكر خاص لأحمد فهمي عشان كلمني كذا مره و كلم صابر .. و شكر خاص لفادي عشان دوّر على الانترنت على الرساله اللي بتطلع عندي و سببها .. و شكرا لكل اللي رد و أفادني.
و ربنا يديم المعروف.
المفضلات