الموضوع: تقريري المتواضع لمعشوقتي Opel Astra cosmo 2012

تقريري المتواضع لمعشوقتي Opel Astra cosmo 2012

بعد شهور من البحث و التنقيب تبعاَ لمتطلباتي الشخصيه في العربيه استقريت علي الاسترا
نبتدي بالمميزات من وجهة نظري
1- الشكل الخارجي جذبني ( و قالي يالا اشتريني)
2- الفرش جلد في قماش من اجود الخامات
3- التابلوه و الكونسول تحفه
4- الدركسيون حلو اوى و الباور فظييع
5- الكرسي تحسه حاضنك, و انت قاعد بتكون غطسان في العربيه(اكتر حاجه بحبها) مش زي بعض العربيات تحس انك قاعد في الشارع
6- الكنبه تكفي 3 اشخاص مرتاحيين بالتجربه و محدش اشتكي
7- شنطه العربيه ممتازه علي هاتشباك بتاخد شنطتين كبار فوق بعض و حواليهم شويه حاجات
8- التكييف ممتازمريحه جدا في السفر و الزحمه متبقاش عايز تنزل منها
9- فرامل ممتازه
10- ثبات عالي و عفشه ناعمه بتمتص الصدمات
11- العربيه ما شاء الله عاليه ماتبانش انها عاليه عمرها ما حكت في مطب حتي و هي محمله يعني مناسبه لطرقنا الجميله و بالاخص الطريق لبلدي اللي كل مطب فيها عليه مطبين هديه

العيوب:
1- الفتيس بتحس بنقلاته
2- مش بتسحب بسهوله يعني لو بتعدي عربيه علي الطريق ممكن ما تسعفكش و صوتها يعلى جدا لان عداد rpm بينط فجأه و يرجع تاني
3- قوايم العربيه بحسها عريضه شويه بتعوق الرؤيه نسبيا
4- نور العربيه الصغير علي طول والع و مفيهوش سينسور ( حاجه غريبه اوي)

من الاخر العربيه فخمه و تستاهل فلوسها

بس عندي تشبيه ليها و للألماني بصفه عامه ان العربيه تحسها ارستقراطيه و بنت ناس مش زي الباقيين و خصوصا الكورى زي الالنترا عامله زي العروسه الحلاوه

لان ناس كتيير قالتلي ازاي تدفعي كل ده في عربيه هاتشباك و عندك الالنترا مثلا
من الاخر الموضوع اذواق
أحبيبتي أأسترا ربنا يخليكي و يحفظك من كل عين و شر ,,قولو آميين
وشكرا لسعة صدركم

ربنا يكفيك شرها ويدييك خيرها

المشاركة الأصلية كتبت بواسطة Ramy-Ahmed

ربنا يكفيك شرها ويدييك خيرها

متشكرة جدا

هي فعلا عربيه ارستقراطيه وهميه بالعسل والملوخيه. .... انا جبت بنتها الصغيره قريب. اوبل كورسا هاي لاين. ماشاااااء الله. ما بقيتش اعرف اركب التيوتا بعدها. واي عربيه كوري بتعدي من جمبي ولا تملي عيني بتلاته ابيض

المشاركة الأصلية كتبت بواسطة ibn_seena

هي فعلا عربيه ارستقراطيه وهميه بالعسل والملوخيه. .... انا جبت بنتها الصغيره قريب. اوبل كورسا هاي لاين. ماشاااااء الله. ما بقيتش اعرف اركب التيوتا بعدها. واي عربيه كوري بتعدي من جمبي ولا تملي عيني بتلاته ابيض

انا جالي نفس الاحساس لما جيت اركب الاوبترا اللي كنت موت فيها حسيت بفرق شاسع بالذات في الكرسي و الدركسيون و نعومه العربيه

المشاركة الأصلية كتبت بواسطة ahmad--ezzat

جميله بس الاسم التالت فيها مش لطيب تماما هههههههه

هما بيفرقو بينها و بين التربو بالاسم التجارى دة
و انا اتعمدت اكتبه عشان تعرفو انها العاديه مش التربو

المشاركة الأصلية كتبت بواسطة dede_dodo88

مش حاسسها عربية لبنت أبداً !! Lol
و نور العربية اللي على طول مولع ده daytime running light و ده موجود في أغلب العربيات الجديدة..

بس ده اعتقد انه استهلاك للبطاريه