معلومات وصور عن معظم انواع السيارات بالسوق المصري

**hugan** · 31-08-2012 10:19 PM

شكرا للمجهود
لكن فيه بعض المعلومات القديمه والمغلوطه علي الاخص اسبرانزا 516

**epnmasr** · 01-09-2012 01:45 AM

تسلم إيدك على الموضوع والمجهود
لكن واضح إن الموضوع كان قديم عشان صور الموديلات والكلام على بعضها كان في موديلات أقدم

**jackson_75** · 01-09-2012 04:15 AM

أولأ ً ألف شكر لكل الاخوة الأفاضل أعضاء المنتدى اللى ساهموا بتعليقاتهم وبمشاهدتهم , وأن شاء الله الموضوع مفتوح لكل الأخوة الأعضاء للتعديل والأضافة بما يتوافق مع موديلات وأسعار كل عام حتى تعم الفائدة المطلوبة أن شاء الله لكل من يبحث عن سيارة جديدة ..والله الموفق.

**jackson_75** · 01-09-2012 04:18 AM

المشاركة الأصلية كتبت بواسطة bor3ey

انا الحمد لله يا باشا و البى ام بتسلم عليك كمان :) و الله انا من فتره و انا عايز اسأل عليك و اخبارك ايه ,,, حضرتك لسه مشترتش حاجه مكانها ؟ انا فاكر حضرتك كنت عايز هيونداى تقريبا صح ؟

ربنا يبارك لك فى العربية ويعطيك خيرها ويكفيك شرها , أوعى تزعلها عشان كانت عزيزة عليا أوى وسلملى عليها كتير . أنا لسة مش لأقى حاجة نضيفة وبسعر كويس , أدعيلى بالتوفيق .
عدلت في البى أم ولأ لسة ؟!!

**Y a r i s** · 01-09-2012 04:51 AM

جاكسون باشا شكراً على الموضوع
وتسلم ايديك
بس على فكرة الموضوع جديد حبتين هههههههههه
كلهم قديم قديم قديم انا قلت اغير واكتب جديد حبيب قلبي تسلم ايديك
بس شوفت بقة ياباشا جالك كلامي عن الهوندا سيتي والسيريون واليارس. ياريت الله يباركلك تحت خط تحت الكلام المكتوب عنهم وتكبر الفنط شوية وياريت تخليه بلون مميز هههههه حبيبي يا جكسون باشا الحمدالله ظهر الحق

**Y a r i s** · 01-09-2012 12:59 PM

مقلتليش ليه طيب. ده انا كنت هناك برضوا في سوق الجمعة
بس على فكرة شوفتلك. عربية بسم الله مشاء الله اسد. تويوتا يارس. اللون بني محروق. ( 2009). الي بيجي التابلوة بتعها بيج فاتح ونضيفة بسم الله مشاء الله فبريكة. مفاش غير خربوشين وعدادها قليل وطالب فيها صاحبها ٧٦٠٠٠ ونضيفه نضيفه استخدام بيتي لو عاوز تشوفها اديلك نمرت الراجل. وتقدر توقعها منوا ب ٧٤ كمان انتا وشطارتك بس عربية بقه اركب وادعيلي وفي عربية سيريون glx 1500 كانت ب٧٧ فضي. ونضيفة كمان بس في باب فيها محتاج يترش بس ملحقتهاش اتباعت على طول واتخطفت اكتر حاجة بكرهها في السوق التجار الي كل واحد قاعدلي لاشغاه ولا عمله ويخطفوا العربيات فلوسهم حاضرة ولاد اللذينة مش زينا لسه هنكشف ونرفع ونتفق وهاتلي شهادة مخلافات هههههه. نفسي يمنعوا التجار ينزلوا السوق يا اخي

**Amr Axel** · 01-09-2012 03:46 PM

شكرا يا باشا لكن احب اضيف كمان ان الالتو قطع الغيار اصبحت متوافرة و سعرها متوسط و هي سيارة منتشرة دلوقتي عن الأول
و اكبر من الماروتي سواء برة او جوة بجانب اختلاف الشكل و الصالون و التقفيل ده غير الموتور انجيشكن 12 صمام و الفتيس 5 سرعات غير المارشدير و طبيعي اي عربية لازم تتأثر مع التكييف لكن مش بالشكل الموصوف ده انا حسيت انا لعربية سلحفاة من الوصف من الأخر تتفوق ع الماروتي لكن مخدتش فرصتها اوي و لو نزلت دلوقتي شبه متأكد انها هتحقق نجاح و تنتشر زي الماروتي لكن اللي نزل بديل ليها السيلاريو اللي هي في الأصل التو سيلاريو برة لكن هنا منزلينها تحت اسم سيلاريو فقط