هتجنن بجد و محتار جامد ساعدونى

**manuel_jose** · 31-08-2012 04:27 PM

دلوقتى يا جماعه انا عايز اجيب عربية لادا 2107 زيرو بس للاسف كل ماخش منتدى او سايت الاقى الناس كلها بتسب وتلعن فى اللادا حتى اللى معاهم العربية ذات نفسهم فخوفت جدا مع انى بشوفها منتشرة جدا فى عربيات الجيش والتاكسيات مش عارف بس من كتر مالناس بتشتم فيها خوفت فا تنصحونى اجيبها ولا لا ولو مجبهاش اجيب ايه فتمنها زيرو يعنى العربية اللى تساوى تمنها وتنصحونى بيها وشكرا

**khaledamin** · 31-08-2012 05:03 PM

لو مصمم اشترى الصناعة الروسى و ليس المصرى .

**aboomar22** · 31-08-2012 05:17 PM

بص فى الاخر دا قرار حضرتك بس انا راىء ابعد عن اللادا ليه من راىء شكلها قديم ومفيش اى لمسات جمال الصالون فقر جدا والطابلوه كانه بتاع عربية فى السبعينات صوت الموتور عالى متحسش انك راكب عربية جديدة التكييف ضعيف والباور سيىء مميزاتها رخيصة السعر قطع غيار رخيصة جدا كل الناس بتشتغل فيها وفى الاخر جرب اركب تاكسى لادا روح بيه مشوار وجرب تركب تاكسى byd او فيرنا وروح بيهم مشوار وشوف الفرق كده

**manuel_jose** · 31-08-2012 06:55 PM

شكرا على ردكم طبعا لا انا مش مصمم والله ولا حاجه بس على اد اللى معايا وبالنسبة لابو عمر انا اقتنعت بكلامك وشايف انه صح بس الفكرة اجيب ايه طيب غير اللادا الزيرو تكون مستعمله وفنفس السعر ده وتكون حاجه نضيفة

**exact** · 31-08-2012 09:47 PM

اللي معاك ده يجيب لك لانوس كويسة جدل

**aboomar22** · 31-08-2012 10:45 PM

لانوس - فيرنا -نوبيرا

**ahmdmagdy** · 01-09-2012 02:44 AM

انا لو مكانك و عاوز اشتري زيرو عمري ما هفكر في اللادا هي عربيه حلو علي قد سعرها و الحمدلله ماشيه معايه زي الفل بس في الصيف بتبقي سونا

**lad** · 01-09-2012 03:18 AM

لالالالالالالالالالالالال الالالالالالالا

**manuel_jose** · 01-09-2012 11:21 AM

طيب بما انك يا ابو عمر اقنعتنى وانا صرفت نظر عن اللادا وطبعا بقية الاعضاء مشكورين اقتنعت بكلامهم بس دلوقتى انهو احسن فى التلاته اللى قولت عليهم لانوس ولا فيرنا ولا نوبيرا وتكون برده اقتصادية فى البنزين يعنى ايه مميزاتهم وعيوبهم مع العلم ملحوظة بسيطه مش بطيق شكل اللانوس دى لله فى لله معرفش شكلها مفيش بينى وبينه عمار بس هتعبك معايا شوية مقارنات بسيطه بين التلاته وانهو احسن فى وجهه نظرك

**aboomar22** · 01-09-2012 12:04 PM

الفيرنا :عربية عملية 1600 سى سى موتور قوى وسحبه سريع قطع غيار رخيصة ومتوفرة كل الناس شغالة فيها تكييف قوى سهلة قوى فى اعادة البيع العيوب اسمع انى الفرامل ضعيفة بعض الشيىء لكن لما ركبتها كانت كويسة بالنسبة ليه -العزل بتاعها مش قد كده يعنى وانت مقفل العربية بتسمع صوت الشارع (فى المجمل عربية جيدة ومناسبة )
اللانوس :مش هتختلف عن الفيرنا كتير بس موتور الفيرنا سحبه احسن وتكيفها اقوى
النوبيرا :عربية اوسع من الاثنين وقطع غيار رخيصة ومتوفرة قد يكون استهلاك البنزين اعلى والعفشة يقال انها بتحتاج تغير مقصات اسرع ولكن لو بتغير لنوع مقصات اظن اسبانى بتبقى كويسة وبيقولوا ان المانيوال احسن من الاتوماتيك
عموما هى اذواق يعنى انا بحب شكل النوبيرا -واحب اداء الفيرنا
وبص ادخل اقسام الدايو والهيونداى هات معلومات اكثر واكيد هتلاقى كل اللى انت عايزة