انا محتار جامد فى ال 127 دي

**misho_nfs** · 09-05-2009 02:01 AM

انا ان شاء الله ناوى اجييب 127 على اد اللى معايا هى تقريبا موتورها 900cc او 1100 مش عارف بس وواحد صاحبى قاللى ان موتورها تعبان اوى اخرها معاك 110 كيلو وهتكون العربيه صوتها عالى جدا جدا معاك يعنى كمان همشى اقل من 110 و انا فى جا معة حلوان يعنى كل يوم لو هروح على الاتوستراد بسرعه 80 ولا حاجه يبقى اركب مترو اسهلى
المهم عشان مطولش عليكو انا فكرت اجيب موتور 1300 بس قولت لو على الموتور ماشى بس قالولى ده فيلم لسه هتغير فرامل و هتغير عفشه و اخواص شاسيه و شدادات و غير كل ده لازم متابعه على العربيه على طول
ارجو الرد من حد مجرب الكلام ده او يكون فاهم عشان الموضوع ده مهم جدا بالنسبة ليا
هو بقى الكلام ده كلو صح ولا غلط و فعلا عشان احط 1300 cc هعمل كل ده و انا مش هعرف اتابع الحاجات دى لو ركبت عشان هتبقى وجع دماغ جامد

و هو ايه انسب موتور 1300 غير الاونو التيربو ده و هيتكلف معايا كام بالجير بوكس

**Terrible_DaRsH** · 09-05-2009 02:28 AM

منصحكش بانك تلعب فى شاسيه ال 127 بانواعها خالص ..

انت تشوفلك فيورا محترمة و هتعيش معاك زى الفل مع الصيانة و الاستهلاك الجيد .

وممكن تزود شوية صغيرين وتجيب 128 و خلاص .

**HanyM** · 26-05-2009 04:14 PM

انا معايا فيورا 85 بتجيب 110 كيلو و موتورها صوت مش عالى قوى و العربيه معايا من 1985 و الحمد لله 100*100 و متعملهاش الا عمره واحده بس و للعلم أنا بأمشى بيها كل يوم حوالى 70كم و الحمدلله كويسه

**disha_2020** · 03-06-2009 01:17 AM

يا عم سقت بتاع الاونو تربو ومش هتلعب فلى الشاسيه او الانشا مش هتعمل حاجه غير الفرامل بس وهتبقى تمام معاك

**Fadi Ezzat** · 03-06-2009 10:09 AM

ياباشا يالى بتقول حط ماتور الاونو
اولا شاسية ال127 ضعيف جدا دة الماتور الى فيها اساسا بيبوظة
امال لو حطيت علية كمان ماتور اكبر
بصراحة لو عايز 127 وتعدل فيها يبقى هات التوب لانها 127
العادية مش هينفع ااساسا تلعب فى الشاسية وتشدى
لكن التوب هينفع
وطبعا شدادات والذى منة وطقم فرامل حلو كدة

**komanda_vip** · 04-06-2009 05:23 PM

معتقدش انك مممكن تلاقى متور الانو التربو الانشيا موجود لكن الانو معتقدش والله اعلم

**yoko** · 04-06-2009 11:23 PM

أنا برده في هندسة حلوان لو إنت جديد في السواقة نصيحة روح بالمترو لإن الطريق ده زي الزفت (كل يوم من مصر الجديده لحلوان) وبلاش تعدل فيها لإن العربية مش هتسحمل وهتفتح بقها منك ده غير إنك مش هتعرف تجيب فوق ال١٠٠ بيها غير من عند طرة لحد سلالم المعصرة ممكن توصل لي ١٤٠(معايا ١٢٨ وعارف)ولو معاك عربية جديدة (معايا أفيو بردة)أخرك في نفس الحتة برده ١٤٠ للعلم بسوق بقالي ٧ سنين يعني مش جديد في السواقة

**thegoodhacker** · 04-06-2009 11:58 PM

انا من رايي لو عاوز عربية سحبها اكتر من ال127 بشوية يبقي استني وزود المبلغ اللي معاك شوية صغيرة و جيبلك 128 ممكن تفتح معاك سرعة الي 130 ........ مع اني الصراحة مش شايف اي لازمة انك تجري بالعربية علي سرعة اكتر من 100 اللي هي السرعة القانونية خصوصا مع العربيات الفيات الصغيرة لانها بتبقي زي الريشة علي الطريق لما بتجري جامد..... و خلي بالك (في التاني السلامة ) !!