الموضوع: فرامل صنى 2013 - ارفع القبعة لنيسان

المشاركة الأصلية كتبت بواسطة the_air_devil

نفس الموقف بيحصل معايا بشكل شبه يومي وفعلاً فراملها محترمة جداً ... للأسف سلوك القيادة في مصر الأسوأ على مستوى الكرة الأرضية ومستواهم بقى في الحضيض ... كنت في دبي ولا باحس بأي قلق على الطرق هنا بابقى كأني داخل معركة ومنتظر العدو يضرب نار ...ده ولا الأتاري والبلاي ستيشن ونييد فور سبييد ...الموضوع وصل لشكل لا يطاق


بس نيسان عربية محترمة :)

احنا كمصريين عندنا ميزه فريده ان اى مصرى يطلع بره مصر يعرف يسوق تمام لكن اى غريب يجى يسوق جوه مصر حيحس انه مابيعرفش يسوق اساسا هههههههههه

المشاركة الأصلية كتبت بواسطة bassol2000

انا حصل معايا موقف بس اللى معايا صني 2010 مانيوال كامله ABS ‎,‎ EBD ‎,‎ Break Assist System ‎+‎ AirBag For Driver side only
المهم كنت بنتمشي انا وواحد صاحبي هو معاه 3‎ Series ‎325‎ i ‎2009 وانا هو بنجري عالبحر بليل المهم قربنا من كوبري ستانلي فى اتجاه سيدي بشر الطريق قفل .. و انا كنت فى ديلة دايركت تمام لحد كده لسه بطلع منه عشان اكل غرزتي الشمال ورجلي عالبنزين و اشوف عربيه بيجو قديمة نازلة من الجنب اليمين لشارع البحر بيقطعه بالعرض قدام صاحبي فى نفس اللحظه اللى كنت مقسط للتالت و دايس 90km/h‏ لمحت مرايتي الشمال لاقيتها قفلت روحت كابس فرامل طبعا وانا فى الحارة اللى فى النص و صاحبي قدامى واقف برجليه الاتنيه على دواسة الفرامل وبندعي على بتاع البيجو
الصراحة انا كنت فى لحظه بحسب الخساير يعنى فانوس و شبكة و ردة فى الكبوت وياعالم بقي ايه الباقي و نفس الموضوع مع صاحبي كان بيقولي انا كنت بحسب ورا فانوس و ردة فى الاكصدام .. بس الحمدلله العربيه وقفت بفارق 17 سم وده كان حاجة جميله جدا انا مركب بريدجستون بالنسبه للكاوتش و احلفلكم ان صاحبي نزل باس على كبوت عربيتي و الموضوع قلب ضحك لانه كان و انا كنت متوقعين حاجة غير كدة والحمدلله ربنا حفظنا ويحفظ طريقكم النيسان عجلة نضيفه وانا جربت كيتير و اقدر اقول بالاخص الصني اللي هى بتاعة 2005 العربيه دى نعمه و اللي مايعرفش قيمتها .. يبقي خسران كيتير الجديدة جميله بس هى اعتمادية وواسعه يعنى تقدر تقول فاميلي كار اكتر ماهى سيدان عاديه .. طولت عليكم ربنا يحفظ طريقكم

لو قصدك علي الصني 2003 فعلا العربيه دي متتعوضش

المشاركة الأصلية كتبت بواسطة mollaELolla

اخوانى الاعزاء
بعد ان لاحظت الهجوم من "العوازل" و بعض الاخوة هنا فى المنتدى على السيارة الجديدة
و فى اللى بيقول لك شكلها مش عارف ايه و فيها مش عارف ايه
و احدهم قال ان فراملها مش كويسه ( ال abs بتاعها ضعيف)

فحبيت انى اشارككم التجربة اللى حصلت معى من يومين
كنت ماشى و باجرى على 80 او 90 فى شارع الحجاز ( مصر الجديدة امام حديقة الميريلاند)
و كنت فى الحارة السريعة اقصى اليسار
واذ فجاتا سائق تاكسيى راكن جنب الرصيف فى اقصى اليمين بجانب الرصيف طلع و قطع الشارع بالعرض
فجاة كده بدون اشارة و بدون اى حاجة ولا كان الشارع ده فى ناس ماشية فيه
و وجدت انى لابس فيه لابس فيه
( حدث لى نفس الموقف زمان مع ال 504 و كان حادث مدمر ربنا ما يحكم على حد ابدا)
ضغط فرامل و انا مقتنع تماما انى لابس لابس
الظريف ان :
1- فى خلال ثانية انخفضت سرعة العربية الى حوالى 30
2- العربية زحفت و ظهرها عام حاجة بسيطة لجزء من الثانية لدرجة انى حسيت انى هافقد السيطرة ( الكاوتش الماكسس مش كويس)
3- فى الجزء من الثانية -اللى كان فاضل بعد الجزء الاولانى- العربية اتعدلت تانى و استعدت السيطرة ( شكل ال abs كان اشتغل)
4- رفعت رجلى من على الفرامل لان العربية كان خلاص سرعتها اصبحت بتاع 10 و انا لسه على بعد 3 امتار من التاكسى
5- دخل صاحبنا اليو ترن بسلام و انا باصص على الفوانيس عنده و تاكدت انه مش مدى اى اشارات
( و سببته بالكلاكس)
6- دوست بنزين تانى و انا اعصابى شبه سايبه و مش مصدق ان فعلا ما حصلش اى شيء و العربية اسعفتنى
7- حمدت ربنا على ستره و على انى اخترت هذه السيارة المحترمة ( عليت فى نظرى اكثر و اكثر بعد ما انقزتنى)

و صدق اللى قال اللى شاف غير اللى ما شافش

ربنا يحميهالك بس في نقطه مفروض العربيه متعومش ال abs لو شغال العربيه مش هتعوم abs اصلا هي دي شغلته انك تتفادي القدامك وانت دايس فرامل