لكل مالكي السيريون .. يبدو إن فيه مشكلة في كاوتش كل السيارات !

**Chicco** · 05-07-2008 08:23 PM

ربنا يستر و لو انها حاجة مش تمام من التوكيل ...طبعا عند التغيير يراعي اختيار الأطار المناسب .....مش ممكن كمان نكلم التوكيل يغيير العجل بتاع العربيات في الدفعات الجايه ؟

**Ramy.Gamal** · 06-07-2008 02:07 AM

المشاركة الأصلية كتبت بواسطة Chicco

ربنا يستر و لو انها حاجة مش تمام من التوكيل ...طبعا عند التغيير يراعي اختيار الأطار المناسب .....مش ممكن كمان نكلم التوكيل يغيير العجل بتاع العربيات في الدفعات الجايه ؟

ليه مش ممكن تكلموا التوكيل على موضوع الكاوتشات علشان الدفعات الجديده يراعى الموضوع ده

**fahd_628** · 06-07-2008 02:12 AM

انا رأى ان الموضوع مفيهوش هزار و لو فية امكانية لتغيير الكاوتش يبقى ياريت خصوصا ان الكاوتش من الحاجات الى مفيهاش هزار خالص خالص

انا بصراحة معرفش مدى الخطورة بس اكيد هما مش عاملين ِa و B و C علشان يلعبو

ياريت حد خبير يقولنا مدى الخطورة

و انا حبقى اتأكد من الموضوع دة عندى برضة

و ياريت مخاطبة التوكيل فى الموضوع دة

**عمرو عمارة** · 06-07-2008 01:45 PM

السلام عليكم

يا جماعة مش لازم نبقى محسوكين أقوي كدة.....مهو أبو عبدالله قال إنه ماشي بيها بقالو سنة ونصف ما شاء الله وماشتكاش من حاجة!!!

خدو بالكوا الكاوتش Dunlop صنع في اليابان....إيه الي يضمنلك إن إنت لما تيجي تغير الكاوتش بنوع كوري أو تركي وماركات مشهورة إن الـTemp A يكون في نفس كفاءة الياباني؟؟!

**MoToRiZeR** · 06-07-2008 02:28 PM

المشكلة اني مش عارف ايه مدي خطورة الموضوع ده .
يعني هل هو خطر بحيث إن الواحد يقلق و يخلي سفرياته بالليل .. ولا عادي ولا ايه بالزبط .. يا ريت لو حد عنده اي معرفة في الموضوع ده يفيدنا

بس بإذن الله خير زي ما قال ابو عبد الله
و انا مع رأي دكتور شيكو اننا نبلغ التوكيل عشان لو في امكانية تغيير العجل في الدفعات اللي جاية

**معاذ الشرباصى** · 06-07-2008 03:53 PM

انا بقالى ساعة بدور على النت على اضرار الموضوع ده

هو بيقلل عمر الاطار, او ممكن يؤدى لانفجاره

حاولت اشوف على اساس ايه بيتحدد درجات الحرارة, مش لاقى اى حاجة فى الموضوع ده

فلازم نسأل حد خبير

انا شايف ان ا/حسين عزام, كتب يسأل مهندس نجاد فى الموضوع المثبت فى الورشة

يعنى لازم اما نكلم التوكيل, يبقى الكلام مدعوم, مش عشوائى

يعنى لما نجمع كل المعلومات, كلنا لازم نتصل بالوكيل على الرقم بتاعهم 16168

**bmya** · 07-07-2008 12:32 AM

مفيش جديد يا جماعه عن الموضوع ده
طيب الواحد لو ملاه نتروجين يبقي احسن ولا ايه
وياريت لو فيه موضوع عن فوائد النتيروجين ومميزاته وعيوبه حد يديني لينك له

**Ramy.Gamal** · 12-07-2008 06:11 AM

يا ريت يا جماعه اى حد من ملاك السيريون الموقرين لما يروح الصيانه فى التوكيل مينساش يقولهم على موضوع الكاوتش ومينساش كمان يقولنا ايه تعليقهم فى التوكيل على الموضوع ده

**MoToRiZeR** · 14-07-2008 08:25 PM

ده رد مهندس نجاد من بريدجستون علي الموضوع

المشاركة الأصلية كتبت بواسطة negad

أعضاء المنتدى الكرام
بالنسبة للموضوع الخاص بالحرارة B فلنبدأ بتعريف الرموز A , B , C للحرارة فهذة الرموز تمثل مقاومة الاطارات للحرارة وقدرتها على اشعاع الحرارة وذلك اثناء اختبارها تحت ظروف معملية محكمة. وأعلى درجة هى A , وأقلها C وهى تمثل أقل قدر من الأداء المطلوب حسب المواصفات القياسية الفيدرالية بالولايات المتحدة الأمريكية. ومن هذا نخلص الى أن الإطارات ذات الحرارة B لا يوجد منها أى قلق أو خوف حسب ما يعتقد البعض منا إن شاء الله، وهى مناسبة للمواصفات والأجواء المصرية.

و الحمد لله

-

الموضوع: لكل مالكي السيريون .. يبدو إن فيه مشكلة في كاوتش كل السيارات !

LinkBack

أدوات الموضوع

عرض

-

-

-

-

-

-

المواضيع المتشابهه

تغير كاوتش السيريون

كاوتش السيريون الاحتياطى

السيريون و مشكلة علبة الدريكسيون

الى مالكي السيارات من الزيرو

الكلمات الدلالية لهذا الموضوع

المفضلات

المفضلات

ضوابط المشاركة