الموضوع: الحل النهائى لمقصات النوبيرا لاعضاء احلى منتدى

ازاي الواحد يعرف انها اصلية او الماني

بسم الله ,,

انا بعد ما قريت الموضوع الشيق حبيت امر بالتجريه وهحكيلكم على اللى حصل معايا ,,,

انا روحت للمركز بتاع المهندس أحمد بوله ,, والراجل استقبلنى تمام و راح جرب معايا العربيه وبعد كدا بص عليها من تحت قالى فعلا انت محتاج تغير الجلب ,, ونتيجه لانى شوفت فى الموضوع المشار اليه ان الجلب موجوده عند المهندس احمد فعملت حاجه عمرى ما عملتها فى حياتى خااااااااالص ,,, وهى انى ما اروحش اجيب قطعه الغيار بنفسى ,, وهنا كانت المصيبه ! ! ! ! ,, هما بعتو حد يجيبهم ولقيته بعد كدا جايبهم بعد التعديل يعنى بعد ما وسع خرم الجلب و كله تمام ,,, قولت تمام الله ينور ,,, ونتجيه لانى معايا صور جلب الفورد و عارف شكل العلبه فسألت الولد اللى جاب قولتله فين العلبه قالى انا وسعت الجلب و رميت الحاجه قولتله ماشى ,,, جبت الجلبه اقارنها بالصوره اللى معايا على الموبيل عشان اشوف الكتابات ,, لقيتها مختلفه شويه ,,, طيب و نتيجه لان خبرتى فى العربيات موش قليله فبقيت اقدر اميز قطعه الغيار الحلوه المهم , بصيت على الجلبه كدا موش عجبنى تقفيلها الخارجى ...,... روحت قولت الكلام دا للاستاذ مدحت اللى قاعد على الحسابات قالى يا باشا هى دى جلب الفوره واحنا مجربنها كتيير كتتييير ,,, ولما جه المهندس احمد قولتله بعد اذنك انا شاكك فى الجلب دى ,, قالى يا باشا ما تقلقش هى الجلب و كله تمام ,, قولتله برده اوك تمام .,.... و ركبن الجلب واليكم النتيجه :

طلعت جربت ع الطريق الدركيسيون ماشى مسك نفسه شويه و العربيه تقلت و صوت العفشه هدى لكن ! ! العربيه بتعوم والعربيه بتصوت وتزيق فى الملفات ,, و العربيه بتحدف اوىىىىىى ,, من الاخر العربيه سيئه جدا ,, المهم انا كنت مروح قبل الفطار قولت ممكن الموضوع يكون ظبط زوايا عشان الجلب دى صب غير جلب العربيه اللى على اربع نواحى ,, روحت الحرفيين تانى يوم عند الولد اللى انا بثق فيه فى ظبط الزوايا رفع العربيه و بيعمل اختباراته كالعاده انه ينتش بالغيار و كدا ,, المهم قالى النتيجه الجلب دى سيئه جدا مين اللى عملك الشغل دا ,, وانا حرام اظبطلك زوايا على كدا ,,, وعليه انا اتضايقت جدا لانى كنت على سفر قمت متصل بالمهندس احمد قولتله حصل كذا كذا و الراجل بتاع الزوايا بيقولى الجلب سيئه ,,, هو بصراحه رده كان زوق و قالى هات العربيه ولو الجلب محتاجه تتغير هنشيلها و نركبلك جلب جديده قولتله تمام ,,,, وعشان اعرف اسافر على الطريق روحت قولت للولد اظبطلى اى حاجه تمنعلى حتى الصوت و الحدفه اى حاجه عشان اعرف اسافر ,, وهو كان مستحرم اصلا قالى يعنى اخد منك فلوس ع الفاضى قولتله معلش وفعلا حاول فيها اى حاجه لحد بس ما الصوت اتمنى شويه ......... ان شاء الله هروح الاسبوع اللى جاى للمركز اما اشوف هنعمل ايه ,, بس المهم انى موش هغلط غلطه العمر تانى وهروح اجيب قطعه الغيار بنفسى ,, بس الفكره دلوقتى موش عارف كدا افقد الثقه فى الجلب دى و اجيب بتاعت الفيرنا بنئا على تشكير الزميل ,, ولا ايه :)