اسئله متنوعه ارجو الافاده من فضلكم

**halfangel** · 30-06-2008 08:00 AM

السلام عليكم

عندى شويه اسئله ارجو منكم مساعدتى فى الاجابه عليها من فضلكم

لما بدور العربيه الصبح بحس برجرجه خفيفه فى الديركسيون و الكبينه بوجه عام
بس لما بزود بنزين بتروح الرجرجه ايه المشكله دى ؟

امبارح لاحظت ان فى ماء واقع من الرادياتير لما جيت اقف , رحت فاتح الرادياتير لاقيت الماء بتفور و بعد شويه رحت قافل فبطلت تنقط ده مين ايه؟

ازاى اعرف ان الفرامل شغاله بكفائه عاليه ؟

**amir_ezzat** · 30-06-2008 10:38 AM

السؤال المعتاد العربيه نوعها ايه

**sharyasn** · 30-06-2008 10:39 AM

تقريبا حضرتك عاوز تضبط السلانسية بتاع العربية عشان لما تدور تبقى ثابتة ثانيا راجع على غطاء الرداتير ممكن يكون مش حلو وكاوتشتة نشفت فبيسرب ماية

**Akram** · 30-06-2008 11:50 PM

المشاركة الأصلية كتبت بواسطة halfangel

لما بدور العربيه الصبح بحس برجرجه خفيفه فى الديركسيون و الكبينه بوجه عام
بس لما بزود بنزين بتروح الرجرجه ايه المشكله دى ؟

العربية نوعها أيه و هي كربراتير و لا إنجكشن ؟

المشاركة الأصلية كتبت بواسطة halfangel

امبارح لاحظت ان فى ماء واقع من الرادياتير لما جيت اقف , رحت فاتح الرادياتير لاقيت الماء بتفور و بعد شويه رحت قافل فبطلت تنقط ده مين ايه؟

الغطاء مكنش مقفول كويس

المشاركة الأصلية كتبت بواسطة halfangel

ازاى اعرف ان الفرامل شغاله بكفائه عاليه ؟

امشي في طريق رايق شوية بسرعة متوسطة و اضغط على الفرامل بالبطئ فلو سمعت تصفيير يبقى التيل محتاج يتنظف أو محتاج يتغير ,
لو مكنش فيه صوت تصفيير زود السرعة تاني و اضغط على الفرامل مرة واحدة لازم العجل يمسك كله في نفس التوقيت و لو ده محصلش بمعني ان العربية هتلاقيها لفت شوية و هي بتقف , يبقى فيه هوا محتاج ميكانيكي يفضيه أو فيه تيل بيخلص محتاج يتغير ,
و طبعاً لازم يتغير التيل كله و تراجع على الطنابير لو محتاجة تتخرط ,

بس لازم تاخد بالك ان الطريق يكون فاضي و انت بتجرب لأن العربية ممكن تلف منك.