vectra b

**medoghaly** · 03-09-2012 02:27 AM

احلا سلام علي احلا اعضاء في قسم الاوبل
واحد صاحبي عاوز يشتري فيكترا b تمام و انا مش عارف كتير عن الاوبل فقولتلو مفيش غير وحوش النايل اللي هيفيدونا في الحوار ده اولا هوة من المنصورة زيي فكنت عاوز اعرف اخبار العربية الميكانيكيا بتاعها موجودين في المنصورة و لا هتغلبنا و قطع غيارها موجودة و سهلة و لا اية الكلام و اللي موجود استيراد و لا جديد هوة كان معاه هيونداي فيرنا فقطع الغيار اسعارها اية النظام غالية اوي و لا كويسة
نيجي بقي لاحسن موديل ايه يعني اققل مشاكل و اعطال و الاسعار بتاعها تبقي في رينج اية اللي بتبقي حالتها كويسة و موتور 1600 ولا 2000 احسن هوه بيحب المانوال بس ايه رايكو انتو رايكو الاهم بالنسبالنا معلش طولت عليكي بس معلوماتي عنها قليلة يا ريت اي مساعدة يا ريت احلي اعضاء متخذلنيش قودامو

**فادى محمد** · 03-09-2012 02:36 AM

-يتوكل علي الله في البي ال1600 سي سي ودي نازله مانوال من 96 الي 2003 العربيه ماشاء الله بدون مشاكل
-لازم يختار حاله حلوه وعربيه فايقه علشان الالماني يتركب صح والا هتوريله النجوم في عز الظهر
-قطع الغيار يا سيدي..الماني شركات واسماء مختلفه-برازيلي-تركي-صيني -وفي حجات فخر صناعه بلدنا من اللي مابتتكسرش وطبعا استيراد الخارج وكله اسعاره حلوه ومعمر جدددددا
-شارع الحيسينيه مليان تجار استيراد وجديد الموافي-المصريه-نجمه اوبل -دكتور اوبل-عمر المختار-البحقيري
-اشهر ميكانيكي اوبل في المنصوره شكري عند سوق الخضلر القديم ادخل من جنب كابتشينو علي شمالك اول يمين واسال
-صاحبك لو ركب اوبل حلوه هيحس انه اول مره يركب عربيه

**فادى محمد** · 03-09-2012 02:49 AM

كلام سليم جدا
فعلا اللي معاه الماني مريحاه مابيفكرش يبيعها الا لو هيحدث الموديل وبرده مش هيركب الا الماني
بس العربيه رزق زي الزوجه الصالحه كده ربنا بيرزق بيها عباده الصالحين
اعمل بالاسباب ودور علي حاجه حلوه
مهم جدا جدا تاخد العربيه وتكييفها شغال هو والايه بي اس علشان صيانتهم مكلفه ومؤرفه هيقولك التكييف عاوز شحنه عاوز بتنجان بس قوله اشحنه واستلمه منك تلاجه ,علي فكره العربيه دي فيها تلاجه لتبريد المشروبات في درج التابلوه ,ربنا يوقك تحياتي

**فادى محمد** · 03-09-2012 03:07 AM

ال1600 المانوال من 96 الي 99 اسمها بي1 تعمل من 48 الي 52 الف
من 2000 الي 2003 اسمها بي2 والفرق في الشكل بس في حجات بسيطه جدا وكله بيركب مكان بعضه تعمل 55 الف
-طبعا اي عربيه ماهي الا حاله

**احمد فهمى** · 03-09-2012 03:17 AM

كلام فادى من الاخر واما من تجربتى مع فيكترا ١٦٠٠ و٢٠٠٠ طيعاً ١٦٠٠ افضل عربيه بلا مشاكل كان معايا واحده من ١٩٩٨ ل٢٠٠٢ عملت بيها ١٢٠ الف كيلو معملتش غير صيانات دوريه فقط ويعد كده جبت ٢٠٠٠ سي سي اوتوماتيك عملت بيها ٢٠٠ الف كيلو بس جابت وش سلندر طبعاً ومعقده اكتر من ال١٦٠٠ ورجعت اشتريت ١٦٠٠ تانى وعملت بيها ١٠٠ الف تانى :) عادى وعمرها ما كسفتنى لكن ال٢٠٠٠ بصراحه بهدلتى مع انى محافظ وكانت من الزيرو والحمد لله المهم حاول تشوف ١٦٠٠ مانيوال من اول سنة ٢٠٠٠ الشكل المعدل وكما وضح فادى باشا العربيه حاله

**احمد فهمى** · 03-09-2012 11:36 AM

المشاركة الأصلية كتبت بواسطة medoghaly

تمام يا احمد بيه اصل كان ناس قالتلي العربية تقيلة علي 1600 فقالو 2000 حلوة مش عارف ده عن تجربة و لا بيفتو لكن يا باشا كدة انت قدرة بيها احنا هننزل ان شاء الله ربنا يعطرنا في واحدة 1600 حلوة ان شاء الله

فى واحد زميل هنا كان عارض واحده ١٦٠٠ بى١ شوفو كده باعها والا لسه وكان عامل كل الصيانات وكاوتش جديد

-

-

-

-

الموضوع: vectra b

LinkBack

أدوات الموضوع

عرض

vectra b - انشر الموضوع فى :

-

-

-

-

-

المواضيع المتشابهه

vectra b

vectra a

vectra c

Vectra C

Vectra 95

الكلمات الدلالية لهذا الموضوع

المفضلات

المفضلات

ضوابط المشاركة