السادة ادارة قسم السيات

**sala7** · 03-09-2012 12:27 PM

السادة إدارة قسم السيات المحترمين
السيد منسق القسم المحترم
السيد المشرف المحترم

من 3 ايام عملت موضوع هنا في المنتدى اللي هو بعنوان (تيست درايف لسيات اكسيو) و المنسق جزاه الله خيرا تعب معايا في تنسيقه و انا تعبت في كتابته و تعبت في عمل الموضوع بالكام و مش مستني مقابل باي شكل من الاشكال او حتى كلمة شكرا من حد

لكن مستني الموضوع يتعمل عليه flag مثلاً او يتحط عليه موضوع مميز علشان الناس تدخل تستفيد ، الموضوع كدا هيكون زي اي موضوع عادي

نصيحة لوجه الله : لو عاوزين القسم عدد زوارة يزيد زي اقسام كتيرها و ده ملحوظ للقسم هنا لما تيجي تختار قسم سيات من بره تلاقي عدد المتواجدين 4 او 5 بالكتير اما باقي الاقسام ماشاء الله 32 و 40 متواجد و منها على وجه الحصر (دايو - كيا - لانسر ) .... لازم يتعمل flags على المواضيع المميزة دائماً باستمرار مش شرط يتثبت لكن يتعمل علامات ممزيه او اللي تشفوه مناسباً .

انا هتكلم عن نفسي واحد من الشباب هنا عاوز اعرف كل جديد و اجمع معلومات و افيد الشباب اخواني باي شكل كان ....

مش هطلب موضوع مثبت .. لو سمحتوا اعملولي موضوعي موضوع مميز ، الناس اللي هتدخل القسم اول حاجه بيلفت نظرها الموضوع اللي عليه flag حطولي علامة قصاد موضوعي لو تسمحوا .. علشان اخد الحافز و اشوف مواضيع تانية اعملها تفيد القسم و تفيد كل الناس هنا

شكرا جزيلا

**akmm** · 03-09-2012 12:37 PM

عنده حق فعلا .

**SYD** · 03-09-2012 12:41 PM

الفلاج او العلامة اللي حضرتك بتتكلم عنها زي علامة الكف او المثلث الأصفر او اوا او
حضرتك اللي بتحطها وانت بتعمل الموضوع مش احنا اللي بنحطها
طبعا كل الشكر لحضرتك علي موضوعك الأخير - ولا تتعجل اخي صلاح علي اتخاذ اكشن مع موضوع مميز لحضرتك - فكل هذه المواضيع المميزة الرائعة اما ستم التعامل معها جملة واحدة او سيتم التعامل معها بشكل فردي -
انا كمنسق دوري هو اعادة هيكلة القسم وترتيب موضوعاته واختيار الأنسب منها وتجميعها وتثبيتها لاحقاُ
لو علي الموضوعات المميزة لنحن بحاجة لضفحات عدة لتثبيت الموضوعات الممتازة والتي تحتوي علي معلومات فنية قيمة ايضاً
وكل ما يسعني قوله - هو اصبر وستجد قريبا تغييراً في القسم يرضيك وترضي عنه

تحياتي لحضرتك مرة اخري

محمد سيد
منسق قسم سيات

**SYD** · 03-09-2012 02:02 PM

يا استاذ صلاح
التثبيت والغاء التثبيت اسهل ما يكون
الأهم هو اختيار الموضوع اللي يتثبت
ولو علي المواضيع التي تستحق - سنجد المئات
اللي نقدر نعمله اننا نجمعهم في موضوع واحد ونثبت الموضوع الواحد وبكدة ابقي اختصرت كم كبير من المواضيع في لينك واحد
ودة هيتم ان شاء الله ولكن بجدول زمني وليس في التو والحين
وهيجي منسق تاني للقسم من بعدي ويلغي التثبيت ويثبت اشياء اخري ومواضيع اخري
وهكذا

**Mohamed.Ramah** · 06-09-2012 02:54 PM

انا شايف عمل موضوع يجمع فية كافية الموضوعات المميزة جميل جدا وترتب لكل شهر على حدى لكل نوع من السيارات بداخلة كدليل استرشادى لكل من يبحث عن معلومات ويتم تقييم شهرى للموضوعات المميزة دة حينشط القسم اكثر وحيزود روح التفاعل بين الاعضاء والاهم من ذلك هو عمل المقابلات لانها بتساعد على فهم وتجميع الاراء المختلفة ودة من اسس النجاح لاى قسم فى المنتدى وياريت لو فى مشاركة لتوكيل سيات مع المنتدى اظن حيقرب وجهات النظر اكثر وحيكون لة مردود اكبر لشكوى الاعضاء حتى يتم تلافية فى الصيانات القادمة انا عارف ومقدر ان دة عبء على المنسق ا/ syd ولاكن مع الوقت اظن هذا التعب سيؤتى ثمارة فى وقت قليل لو تم الاهتمام بالنقاط الذكرتها ----

وتعليقا على كلام أ/ sala7 الموضوع يتم وضع تقييم لية اعلى الصفحة ومن الخارج يكون صورة التقييم متحركة ودة كافى لابرازة حتى بدون تثبيتة والمشاركة المستمرة فى الموضوع حتؤدى لاكبر نسبة مشاهدة لة ولا تنسى سبب التواجد الاكبر فى الاقسام الاخرى هو بسبب كثرة ملاك هذة السيارات عن ملاك سيات حتى فى الموديلات الجديدة لهذا العام فهم قليل وانا بعمل جاهدا انا وباقى الزملاء وضع كل ماهو جديد للقسم حتى تعم الافادة اسف على الاطالة وان شاء الله فى نجاح وتقدم مستمر