مشكله في التيل الجديد--فانتازيا 2010

**ah_boba_ly** · 03-09-2012 10:35 PM

يا جماعه انا غيرت تيل فرامل قدام ف الفانتازيا 2010 في التوكيل والتيل القديم مغيره وهوا فيه لحميه لسه الكلام دا كان ع 25 الف كيلز رغم اني مش جراي اوي يعني..المهم ان التيل الجديد اول ما امشي بيه شويه واجي اهدي وتكون السرعه 30 واقل الفرامل تصفر وروحت التوكيل مرتين وقعدوا ينضفوا فيه وبرضو مفيش فايده...

يريت تفيدوني هل اطنش رغم ان صوت الصفاره عالي ومستفز جدا :((وبيديني احساس ان التيل خلصان؟؟...ولا اروح ليهم تاني؟؟....ويريت لو حد يعرف العيب ممكن يكون منين....واسف اني طولت عليكو :(

**Astra200** · 03-09-2012 11:32 PM

ممكن يكون نوع التيل الجديد مش قوي -- وفيه نسبة معدن عالية يقوم يصفر
التيل مش بيجي من مصدر واحد
انا بقيت مغيرش التيل غير لما أشوفه بعيني مافيهوش لحميه -- ما مسمعش كلام الميكانكية ولا التوكيل

**Astra200** · 03-09-2012 11:36 PM

ولو رحتلهم ميت مرة مش حيعملوا حاجة ( علشان الوصف الي بتقوله معناه انه يغير التيل بنوع تاني ) خليهم يرجعولك التيل القديم وياخدوا التيل بتاعهم وغيره بره (اذا كانت الصفارة مضيياق)