السلام عليكم جميعاً أهل المنتدى

مشكلة جديدة موش عارف سببها واللى حصل كالأتى :

امبارح وانا ماشى بالعربية والدنيا زى الفل جيت فى زحمة وهديت وبعدين وقفت الفتيس على وضعية d وانا واقف على الفرامل ولقيت العربية زى ما تكون عايز تمشى بالعافية وخبط وترزيع والعربية كأنها بتحفر فى الارض زى الثور ، وبعدين تروح مبطلة.


يعنى كأنى دايس بنزين مع فرامل والآر بى إم بيعلى ويوصل لأخره ورجرجة فى العربية كأنها هتتفكك من بعضها.

الحكاية دى بتحصل سواء العربية باردة أو سخنة وصوت الترزيع والخبط مرعب .

مفيش شغل عملتة فى العربية من فترة يعنى موش بسبب حاجه أو شغل اتعمل قبل كده.

بحس ان الموضوع بيحصل من ناحية العجلة الشمال وانها عايزة تمشى لوحدها وتسيب العربية موش عارف وموش متأكد بس انا شاكك فى الكوبلن.



حد عندة افادة ربنا يكرمكو