الموضوع: هل عربيتي الفيكترا طبيعية؟

السلام عليكم و رحمة الله

كان عندي شوية ملاحظات على عربيتي و كنت عاوز اعرف الحاجات دي طبيعيه ولا لأ .. عشان مركبتش الموديل ده قبل كده .. و اللي أعرفه ان عربيتي مش متعدل فيها حاجه .. يعني زي ما هيّ.

العربية أوبل فيكترا بي 2 .. موديل 2002 .. 1600 أتوماتيك .. موتور ايكوتيك.

أولا: الفرامل و الطنابير اللي ورا سكاكين .. 5 خرم زي اللي قدام .. هل هي بتنزل كده أصلا؟ .. أصل بيتهيألي ال بي 1 بتنزل ورا قباقيب مش سكاكين.

ثانيا: زرار الانتظار اللي في التابلوه لما بضغط عليه بيطلع لبره .. مش بيدخل لجوه .. هل هو كده أصلا؟ أصل في الكورسا كان بيدخل لجوه.

ثالثا: مش لاقي ايريال في العربية .. الايريال بتاعها فين؟ الكورسا كان فيها ايريال فوق السقف.

رابعا: العربية فيها وحدة رفع نازله فيها .. بس لو قفلت السنتر و أنا ماشي من الباب بتاعي .. الازاز بيترفع لوحده .. هل ده طبيعي؟ عشان في الكورسا كان السنتر بيقفل أتوماتيك عند 30كم/ساعه .. بس الازاز مكنش بيطلع.