اعرف منين الماروتى مشيت كام كيلو ؟

**icekimo22** · 04-09-2012 01:12 PM

انا روحت حجزت ماروتى من المصرية للسيارات على كورنيش المعادى .. ووصلت امبارح وروحت اشوفها بليل امبارح ولقيتهم لسه هيغسلوها عشان كلها تراب ..

المهم انها من جوه فى عدادين بيعدوا .. واحد واقف على 52 وده اللى فوق .. وواحد واقف على 498 وده اللى تحت

انا مش عارف مين فيهم عداد الكيلو مترات اللى مشيتها العربية .. لان دى عربية زيرو .. لو 498 ده عدد الكيلو مترات اللى مشيتها يبقى كده ده نصب رسمى

وحتى كمان الـ 52 مش مقتنع بيها .. المفروض العداد يبقى زيرو .. ولا ايه ؟

انا جديد فى العربيات اول مرة اشترى .. والمفروض انهارده بليل رايح استلمها .. فا عاوز اكون فاهم .. مستنى حد يرد عليا :)

**alking_2006** · 04-09-2012 01:48 PM

بص يا جميل
دلوقتى العداد اللى فوق دا هو عدد الكيلو مترات الاجمالية اللى العربية مشيتها يعنى مش بيتصفر و اللى هو 52 كيلو
اما العداد اللى تحت و هوا عداد الرحلات و يمكن تصفيره عن طريق ضغط الزر اللى جنبه و هو كدا عامل 49.8 كيلو و ليس 498 لأن استحاله العداد اللى تحت يكون قيمته اكبر من اللى فوق

فكدا العربية ماشية اجمالى 52 كيلو فقط و عموما انا اسمع (مجرد سمع و ليس عن تجربة) ان العربية الزيرو الماروتى الناس هنا فى المنتدى استلمتها و كانت عاملة قيم بسيطة بردو (فى رنج الخمسين كيلو بردو)

و مبروك مقدما ان شاء الله

**akmm** · 04-09-2012 02:37 PM

مبروك وده طبيعى .

**LORD.ADeL** · 04-09-2012 04:05 PM

عادي يباشاا زي ما ناس طيبه دي قالتك
وع فكرة فى ناس استملت عربيتها وعامل 200 كيلو واكتر ودي لان كانت جايه من
اسكندريه للقاهرة وفى كتير اوقات تلاقي عربيات زيور ماشيه وراء بعض ممكن او لا ودي بيكون
مندوب جايبها من مخازن معرض او من جمارك ع معرض ع طول فى بيقك سلك قرايه عداد وفي لا
فارقم اللى انت شفته عادي والف مبروك عليك عربيه وماتنسي تقراير استلمها وانبطاعك عنها ان شاء الله..تحياتى

**joesph2010** · 18-09-2012 12:50 PM

عادى يا باشا ومبروووووووووووووووووووك

**Amr Axel** · 18-09-2012 03:22 PM

الف مبروك يا باشا العربية و انضمامك لينا
عادي يا باشا موضوع العداد زي ما لورد قال فيه ناس جايبنها عاملة 200 و زيادة لما تكون عارف انها عاملة كده احسن ما يصفرولك العدادات لأنها سهلة تتقلب و يتقالك انها ممشيتش كيلو واحدة

و اتفضل راجع الموضوع ده برده قبل الاستلام

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html

و هننتظر تقرير من حضرتك عن استلام العربية و انطباعك عنها