الموضوع: الى كل مالكى نيسان صنى الجديده ... استلمت ايه بلتفصيل مع العربيه ؟؟

متابع باهتمام

المشاركة الأصلية كتبت بواسطة hossam_elwani

تسلم على التفصيل ده

بس مفيش فاتوره من نيسان مصر للموزع بناخد صوره ليها او بناخد اصلها ؟؟ لان سمعت ان مفيش ترخيص بدون الفاتوره دى

هو فعلا فيه فاتوره بموديل العربية ورقم الشاسيه والموتور واللون وسعر العربية مختومة من الموزع بس دي معايا ما قدمتهاش في المرور
وهل الورق الى حضرتك ذكرته لو مشيت بلعربيه بدون لوحات اطلاقا يعفيك قانونا ويحميك ولا لا ؟؟

الموزع هو اللي قاللي ان صورة محضر تسليم العربية علشان الغرض ده , والله أعلم

مشكوووووور والله يعطيك الف عافيه

المشاركة الأصلية كتبت بواسطة د.هشام

الموزع هو اللي قاللي ان صورة محضر تسليم العربية علشان الغرض ده , والله أعلم

بردو مش فاهمنى انا قصدى على الفاتوره من المصنع للموزع لانى عرفت من خلال منتدنا ان فيه تعليمات مشدده لارفاق الفاتوره دى بين الطرفين دول (يعنى مش بينى وبين الموزع الى بشترى منه العربيه)

ومن غيرها مفيش ترخيص

هل حد سألك على الفاتوره دى ؟؟

المشاركة الأصلية كتبت بواسطة MaZaGAngeE

مبلغ التامين كام ؟
و هل فيه معارض لا تشترط التامين ؟

التأمين بيختلف من شركة لأخرى , وان كان بيتراوح من 3.5% من إجمالي قيمة العربية وبيوصل في بعض الحالات لحد 7% وده افترا !! انا مأمن عند أليانز بـ 3.75% وخدت السعر ده بعد عناء, الناس كلهم غلوا النسبة بعد الثورة واللي حصل فيها

وخد بالك من شروط التأمين وشوف بيشمل إيه, يعني عندي بيعتبر المرايات والزجاج الأمامي والخلفي عادي مش محتاج محضر علشان يغيرهولك ... وبيديك كارت خدمة 24 ساعة علشان لو لاقدر الله حصلت حاجة واضطريت تقطر العربية بييجوا ينقذوك وماتدفعش حاجة ساعتها

فيه بعض الشركات بتطلب نسبة تحمل على الحوادث وتتحمل انت 20%, فيه ناس تانية النسبة عندها أقل أو أكتر ...وكل شركة ولها وثيقتها


التأمين إجباري لو انت واخدها تقسيط ... ومافيش بنك هايرضى يقسطلك من غير تأمين

أما لو كاش...فده بيكون حسب اختيارك, لأن العربية ملكك ومالك الخاص وانت حر فيها تعمل اللي انت عايزه ...بس نصيحتي ليك انك تأمن علشان العربية جديدة ومدفوع فيها تعب وشقى العمر ... مايجيش واحد بموتوسيكل ولا سواق ميكروباص أو نقل يرميلك كل ده على الأرض وانت ماتعرفش تسترده تاني


وفي الأول والآخر ربنا مايحوجنا اننا نستعمل التأمين في أي حاجة ويحفظنا ويحفظ علينا حاجاتنا



أما بخصوص الورق الكاش وفاتورة المصنع للموزع .... فماقدرش أفتي فيها لأني خدتها قسط ...أعتقد أعضاء تانيين ربنا يجازيهم كل خير بيشرحوا الموضوع حالياً

المشاركة الأصلية كتبت بواسطة the_air_devil

أول حاجة :

استلام العربية : العربية بتيجي معاها طاسات الكاوتش مش متركبة ...هاتلاقيها في الشنطة
انا استلمتها من اوتو ايجبت مدينه نصر متركبة .
بييجي معاها كمان الإيريال العجيب بتاعها (فعلياً انت ممكن تستغنى عنه باستثناء 6 أكتوبر والطرق الصحراوية)
متفق معاك جداااا
بتستلم مفتاحين ...واحد أساسي اللي هو فيه الـزراير بتاعت السنترلوك , والتاني احتياطي مافيهوش زراير وبيكون معاه شريحة معدنية محفور عليها رقم سري في حالة لو احتجت تطلب مفاتيح زيادة من المصنع (ممكن لو انت واخد العربية بقرض من بنك وكانت سياسة البنك تقضي بالاحتفاظ بمفتاح ...ماتاخدهوش لو كانت دي حالتك ....ولو ان معظم البنوك ماعادتش بتعمل كدة)
متفق معاك
العربية بتكون كل حاجة فيها راكبة ... مافيش نواقص مافيش أي أجزاء مش متركبة .... ممكن المعرض يديك حاجات زيادة زي طقم دواسات هدية, شماسة هدية ...غطا عربية هدية (السبع بيدي ميدالية وطقم دواسات وعلبة مناديل وماج مكتوب عليه نيسان وبيدي كمان شماسة)
فى اوتو ايجبت بيديك كوبونات للصيانه 5000جم
الكاوتش بييجي صيني - تعبان شوية - ماكسس .... ماعتقدش ان أي معرض محترم -أو غير محترم - هايطمع فيه ويديك كاوتش أسوأ ...لأن ببساطة مافيش كاوتش أسوأ !!
متفق معاك جداااا
بييجي معاها في الشنطة عدة العربية (مفتاح الكاوتش - مفك ناحية والناحية التانية خلاعة جر ) ... والكوريك ومفتاحه بيكونوا تحت غطا كاوتش الاستبن في قاع الشنطة .... الكوريك مش زيت باكم ولا تمساح ... الكوريك يدوي على شكل سمبوكسة
تمام


نيجي للورق

انت لو مستلم عربيتك ودافع كاش هاتاخد ورق العربية كامل مع العربية في يومها ولحظتها ... لو انت واخدها تقسيط هايكون الورق مع مندوب من البنك وهايكون جزء من الورق معاك انت ذات نفسك هاتاخده من البنك وانت بتمضي عقد التقسيط (الموافقة على العربية باسم المعرض اللي انت شاريها منه - الرهن الحيازي باسم البنك - جواب المرور وخطاب بحظر البيع على العربية وجعل مدة الترخيص سنة واحدة بس).... مندوب المعرض بيطلع معاك لحد المرور ومعاه كل الورق وبيخلص الإجراءات وانت بتاخد الرخصة في النهاية.... مافيش حاجة اسمها الورق ماوصلش لأن ببساطة العربية متجمعة في نيسان مصر ...المعارض الكبيرة والوكلاء المعتمدين بيكون حصتهم من العربيات متخصصة قبل مايستلموا العربية ...ولو ورق الاعتماد اتأخر من المصنع مش بيسلمك العربية وإوع تستلمها لو ماخدتش الورق ده .... خليها معاه تحت مسئوليته لحد مايجي باقي الورق.....
الحقيقة ديه معرفهاش بس انا شريها مربحة اسلامية من بنك الاهلى فرع المعاملات الاسلامية بدون حضر بيع او تامين وبالتالى رخصت 3 سنوات

التأمين : بيكون حسب الشركة المتعاقد معاها المعرض وماتاخدش عربيتك منهم من غير مايكون التأمين خلص تحت أي ظرف من الظروف ... الحاجات دي مؤلمة جداً لا قدر الله وبتضيع عليك حقك في أي تصليح تبع التأمين طالما خرجت برة باب المعرض من غير الوثيقة ماتكون خلصانة
متفق معاك

الكتالوج الخاص بالعربية: بيكون جواها وباستلمه معاها
متفق معاك

كتالوج الضمان - كتيب الضمان الخاص بالعربية : اتأخر واستلمته بعد أسبوع ... ده بتحتاج أول صفحة منه عند عمل صيانة الألف كيلومتر
انا استلمته مع السيارة مختوم من المصنع

عند السبع بتاخد خطاب ضمان وصيانة ...علشان لو عملت صيانة الألف والخمستلاف عندهم بتبقى مجاناً شاملة الزيوت والفلتر


أما حتة حجز المبلغ مقابل الورق ... فمانصحكش أصلاً تستلم العربية وتمشي بيها كدة في الشارع من غير ورقها كامل...لأن ده هايحطك تحت ظروف مالهاش أي لازمة وقلق وارتباك عند أي كمين مروري ... وهايأخر حصولك على الرخصة , وفي الأول والآخر الأمر يرجعلك لأن الموضوع ده توافقي بينك وبين المعرض أو التوكيل
؟؟؟؟؟؟

بس كدة ...بتاخدها وتتوكل على الله وتطلع على المرور ...تخلص الترخيص وبعد كدة بقى روح تصدق واكرم الغلابة زي ما ربنا أكرمك ...وألف مبروك :)

ومبروك العربية وربنا يكفيك شرها.