الموضوع: الرأي الفصل في مرايات الأسكورت

ياشباب عاوزين الخلاصة في مرايات ابواب الأسكورت اللي بتتكسر بمناسبة وبدون مناسبة دي.
قريت هنا في المنتدى عن حد مركب مرايات لانوس ، هل المثلث الخارجي متطابق ولا اصغر شوية بحيث هيبقى فيه جزء من صاج الشباك باين؟؟؟
طيب انا شايف ان تقريبا المثلث الخارجي بتاع الفيرنا يكاد يكون متطابق مع بتاع الأسكورت
واذا كان الأتنين دول ماينفعوش ، هل مثلا مرايات الإيبيزا تنفع؟
عاوزين حلول ياشباب علشان موضوع المرايات ده بقى مقرف.
بالمناسبة انا لقيت المرايات الضم بتاعتها في الحرفيين انما مش هتركب عندنا علشان المثلث الداخلي اللي عندنا مختلف وهي بتتباع في الحرفيين بدون المثلث الداخلي ده.

ايه يارجالة محدش رد ليه؟

كان نفسي افيدك بس معلومة المثلث الداخلى اول مرة اسمعها عموما انا متابع و ان شاء الله توصل لحل كويس

اعتقد ان اللي هتشتغل عندنا الفيرنا او اللانوس
بالنسبة لمراة الفيرنا المثلث الخارجي شكله متطابق الى حد بعيد مع مثلث الأسكورت الخارجي
بالنسبة لمراية اللانوس المثلث الخارجي احد اضلاعه الي هيبقى فوق قائم الباب فيه بومبيه خفيف لو ركبت كده هيبقى البومبيه ده مغطي جزء من قائم الباب الا اذا اتمسح شوية بالصاروخ علشان يبقى مستوي
علشان كده انا برشح مراية الفيرنا اكتر. عموما في انتظار نتيجة تجربتك.

انا لسة جايب جوز مرايات كهرباء بيتقفلو مش زي الاصلي من الوكالة ب300 جنية وهركبهم واقلكو الاخبار لاني رحت للكهربائي لقيتو زحمة بس عموما باين عليهم كويسين

المشاركة الأصلية كتبت بواسطة ramyeskander

انا كمان عندى نفس مشكلة المرايا وكذا واحد قالى على مراية اللانوس

المشكلة مش في ايه اللي ينفع يركب عندنا. احنا ممكن نركب مراية اللانوس او الفيرنا او اللانسر الكريستالة لأن بالنسبة لهم كلهم لازم هتعمل اخرام ثانية تركب عليها المراية الجديدة
المشكلة عندنا في المثلث الداخلي اللي بيبقى طالع منه الصباع اللي بتظبط منه المراية ، المرايات اللي قولت لك عليها كلها صباع الظبط قصير ومرايات الفورد الصباع طويل فهتلاقي المثلث الداخلي فيه تكويعة علشان تستوعب الصباع الطويل ده وبالتالي لو ركبت مراية تانية الصباع ده مش هيبان ياإما تستغنى عن تركيب المثلث الداخلي خالص ويبقى صاج الباب باين.
هحاول الاقي لها حل حتى لو هيتفصل مثلث عند حد بتاع فيبر.
عموما مراية الفيرنا او اللانسر الكريستالة شكلهم احلى وامتن من مراية اللانوس.

باشا ريح دماغك وهات الاصلي احسن انا لة جايب جوز مرايات من الوكالة كهرباء وبيتقفلو ومشاء الله زي الفل وشلت القديم وركبتهم علي طول بدوي اي تغير كانو ب 300 جنية.