الموضوع: الرأي الفصل في مرايات الأسكورت

المشاركة الأصلية كتبت بواسطة egytamer

باشا ريح دماغك وهات الاصلي احسن انا لة جايب جوز مرايات من الوكالة كهرباء وبيتقفلو ومشاء الله زي الفل وشلت القديم وركبتهم علي طول بدوي اي تغير كانو ب 300 جنية.

منين يا باشا فى الوكاله وهما كهربا بجد ولا حركات عشان انا برضو دايخ على مريات

اصلي وكهرباء وشغلين الحمد لله زي الفل وكمان انهردا واد ابن ستين تيييييت من بتوع الديلفري والطريق واقف بياخد عرزة راح خبطها قلت شكرا للواجب والتحية لقتها الحمد لله اتفتحت للاتجاة المعاكس وسليمة قلت احمدك يارب دي لسة حتي مترشتشي بلون العربية
وكنت جايبهم من محل اسمو الهدي في الوكالة ب 300 جنية
والي يحب انا عندي المرايا الشمال القديمة القلب والكفر والمرايا نفسها سليمة للي محتاجها زي ميدو

المشاركة الأصلية كتبت بواسطة egytamer

اصلي وكهرباء وشغلين الحمد لله زي الفل وكمان انهردا واد ابن ستين تيييييت من بتوع الديلفري والطريق واقف بياخد عرزة راح خبطها قلت شكرا للواجب والتحية لقتها الحمد لله اتفتحت للاتجاة المعاكس وسليمة قلت احمدك يارب دي لسة حتي مترشتشي بلون العربية
وكنت جايبهم من محل اسمو الهدي في الوكالة ب 300 جنية
والي يحب انا عندي المرايا الشمال القديمة القلب والكفر والمرايا نفسها سليمة للي محتاجها زي ميدو

شكرا ياتمور باشا جزاك الله كل خير لكن وضح لي الآتي :
مراياتك كهرباء ، ينفع تشتغل عندي برغم ان مراياتي مانيوال ؟ يعني القلب بتاعها (الميكانيزم) ينفع على مراياتي ؟

المشاركة الأصلية كتبت بواسطة mido51eg

انا هحكي لكم تاريخي مع مرايات الأسكورت
1- اول مااشتريت العربية كان راكب فيها المرايتين الأوريجينال وكانوا ماشاء الله تمام وبحالة سليمة وزي الفل
2- بعد مااشتريت العربية بـ 3 شهور نازل من البيت لقيت المراية اليمين مكسورة (بالتحديد ال cover البلاستيك الخارجي) وزجاج المراية اصبح لا يستجيب للضبط بسهولة
3- سألت على المراية الأصلية لقيتها بـ 675 جنيه فاضطريت اشتري المراية التايواني (الفرق بين الأصلية والتايواني ان الأصلية قلبها كله حديد انما التايواني كلها بلاستيك × بلاستيك بالأضافة لجودة الرؤية كمان)
4- اول السنة دي وانا راجع من الشغل والعربية راكنة قدام البيت وانا جاي من بعيد لقيت المراية اليمين (التايواني) مدلدلة على الباب ، واحد محترم تقريبا سند عليها وكسرها
5- نزلت الحرفيين في نفس اليوم واشتريت مراية اصلية استيراد وركبتها
6- من حوالي اسبوعين لقيت المراية الأصلية اليمين بتلب وانا ماشي ، فلما ركنت مسكتها ولقيتها فيها اجزاء بلاستيك مكسرة من جوة (تقريبا برضه واحد ابن ستين تيييييييييت) وبقت مش محكومة علشان كده انا فتحت الموضوع ده ووصلنا لنتيجة ان مرايات الفيرنا او اللانوس هتركب لكن لازم يتعمل اخرام جديدة في صاج الباب ولازم نلاقي صرفة في المثلث الداخلي
7- يوم الجمعة اللي فاتت قولت هنزل شارع دمشق اشوف الدنيا فيها ايه ويمكن اشتري واحدة تايواني واركبها وخلاص ، يعني طالما راكبين عربية زي دي والحمد لله مبسوطين بيها مفيش مشكلة يعني لو كل سنة الواحد اتعور في مراية ب 100 جنيه.
8- ركنت العربية قدام بابادينوس وخدت المرايتين المكسورين اللي عندي (الأصلية اللي كانت جاية مع العربية والتايواني) واتمشيت شوية وسألت واحد كده محترم "ماتعرفش حد هنا بيصلح مرايات"؟
9- وصف لي واحد فاتح محل في ممر بتاع عمارة في شارع جانبي تحت سلم العمارة ، فعليا هو مش محل هو مقفل تحت السلم وعامله محل بالضبط المساحة 1.5 متر × 1.5 متر بالكتير
10- وريتله المرايتين المكسورين وقولت له عاوزك تعمل لي مراية سليمة من الأتنين دول ، قاللي انا هشتغلك على المراية الأصلية قولت له ماشي
11- الراجل ماخدش ربع ساعة شغل واكتشفت انه فاهم المراية الغبية دي اوي (انا كنت فكيت الأصلية قبل كده وماعرفتش اجمعها تاني وكنت واخدها له بمساميرها والسوست بتاعتها في كيس وكنت شاكك انه هيعرف يجمعها تاني) لكن لقيته عارف هو بيعمل ايه
12- جمع المراية الأصلية تاني واستعوض السوست والمسامير الناقصة واخد من المراية التايواني ال cover الخارجي بتاعها وركبه للأصلية.
13- النتيجة انه رجع لي المراية الأصلية تاني سليمة بحالة المصنع واداني الحاجات الباقية من التايواني (المثلث الخارجي والكفة الزجاج وبعض السوست علشان تبقى قطع غيار لو احتجتها)
14- النهارده ان شاء الله هركبها لما اروح واخد له الأصلية اللي راكبة حاليا (وبقت بتلب) مع قطع الغيار اللي خدتها منه واخليه يصلحها واحتفظ بيها احتياطي
15- النتيجة كانت مرضية جدا بالنسبة لي لذلك مافاصلتوش خالص هو طلب 80 جنيه واديتهمله وطبعا ده سعر معقول بالمقارنة بالمراية الأصلية ام 675 جنيه
16- فيه حد هيقول لي كنت اشتريت واحدة استيراد بـ 110 جنيه وريحت نفسك من اللف ووجع القلب هقوله كلامك سليم لكن لما كنت بشتري الأصلية قلبت في حوالي 15-20 مراية يمين لغاية لما استنضفت دي ، بالتالي ممكن ماتلاقيش حاجة تبقى راضي عن حالتها.
17- لو حد عاوز اسم الراجل بتاع المرايات يقولي وارد عليه على الخاص ، هو بيشتغل في المرايات (عادي وكهرباء) ومكن كابوت وماكينات زجاج (عادي وكهرباء) وسنتر وانذار وفتحات سقف

معلش ياباشا ممكن توصفلى الراجل بتاع المرايات مكانة فين بالظبط

المشاركة الأصلية كتبت بواسطة eng_mostafa_89

معلش ياباشا ممكن توصفلى الراجل بتاع المرايات مكانة فين بالظبط

فيه بنزينه مصر او التعاون اللي في شارع دمشق ، اللي شكلها مثلث دي. لو خليتها على ايدك اليمين الراجل ده في الشارع اللي قدامها على طول ، هتلاقيه على ايدك الشمال في مدخل اول او تاني عمارة. اسأل على اللي بيصلح مرايات هيقولوا لك ، سامحنى انا مش فاكر اسمه وكنت خدت منه الكارت بتاعه ومش لاقيه. بس النتيجة اللي هتلاقيها تستاهل انك تروح وتسأل.