الموضوع: كباس او كويل e60

المشاركة الأصلية كتبت بواسطة asaber

دا فيديو لعربيه مرسيدس بتغير الكويل ..... انا لغايت دلوقتي مش عارف ليه بيحطوه في المكان السخيف دا ما دام عمره قصير كده ( مغيرينه في عربيه والدي مره جوه الضمان و مرتتين بعده) عمره في حدود ال 3 سنين

evaporator core replacement mercedes-benz w203 冷氣維修全紀錄 - youtube

يا نهار اسود!! وانا هاقدر استحمل اشوف العربيه بتتحلل كده!!!!!!

وان شاء الله الصنايعيه الحلوين بتوعنا هايرجعوا الالف حته اللى اتفكت دى؟ ولا هلاقى فى الاخر 20-30 مسمار وافيز وكلبس مرميين على الارض؟؟؟

الصراحه 1000 جنيه مش مبالغه قوى فى كل الوهم ده! ده ييجى شغل يومين

فى واحد بتاع تكييفات كويس ومش سفاح اسمه المراغى فى تريومف
الشارع اللى على ناصيته ابو مازن .
ويا سلام لو يركب علية كباس تويوتا .

المشاركة الأصلية كتبت بواسطة mohamedgafar

روح لمقار اللي وراء الاستاد........خلف مسجد آل رشدان..................ممتاز وعن تجربة.

تحياتي.

استاذ احمد

هو حضرتك غيرت ايه عند مقار؟ الكباس ولا الكويل؟

ولو كان الكويل..يا ترى فك وتركيب التابلوه كان ممتاز ولا حصل مشاكل؟ وانت قعدت على ايده الوقت ده كله ولا سبتهاله ؟

المشاركة الأصلية كتبت بواسطة amir78

فى واحد بتاع تكييفات كويس ومش سفاح اسمه المراغى فى تريومف
الشارع اللى على ناصيته ابو مازن .
ويا سلام لو يركب علية كباس تويوتا .

حضرتك جربته ؟ وفى ايه ؟ والمصنعيه كانت كويسه ولا حصل مشاكل؟

المشاركة الأصلية كتبت بواسطة maskeen

حضرتك جربته ؟ وفى ايه ؟ والمصنعيه كانت كويسه ولا حصل مشاكل؟

انا جربته اكتر من مره
كان فى مره فيهم فك التابلوه وطلع الكويل ونظفه وظبطه بس ده كان فى العربية اللانسر
لكن فى البى ام بصراحة كان شغل بسيط .
بس برضه عايز نصيحة
طالما العربية فيها فك تابلوه خليك فى التوكيل اضمن لو كان فرق السعر مش كبير اوى
لأنى حصلى مشكلة قبل كده بسيطة
انا الحمد لله الصالون عندى نظيف اوى
البطانة الداخلية بتاعة السقف سقطت
روحت عند سروجى المفروض انه نظيف غيرلى البطانة
طبعا ما رجعتش زى الاول لا فى الخامة ولا الشكل ولا التقفيل وفى بعض اللزق االى بيلزق بيه نزلت على التابلوه
المهم كانت كلفتنى ١٢٠٠ جنيه ، لو عاد الزمن للوراء وهعملها فى التوكيل حتى لو ب ٤٠٠٠ جنيه هعملها فى التوكيل.